Materiais Educativos Tétum

Lia Fuan Bibi Atan Nian

“Los ha’u dehan ba imi: wai-hira imi halo ne’e ba ida hôsi sira be ki’ik liu, nebe ha’u nia maun alin sira, ba ha’u maka imi halo!” Mt 25,40

Maluk líder sira, ha’u haruka ba imi hotu ha’u nia cumprimento maun-alin nian.

Lia tatoli Jesus nian, nebe dehan iha leten, mai hamutuk ho lia hakotu nebe anima oras ne’e no leno aban wai-rua ba sira nebe, iha Nia naran, halo knaar ba labarik no ki’ak sira: “Mai ba Rahun Kmanek sira ha’u nia Aman nian! Simu nuudar lima rohan Reino nebe ha’u nia Aman prepara tiha ona hahu halo mundo!” (Mt 25,34).

Ha’u hakara dehan fali katak halo serviço ba promoção ema nian, hamutuk ba labarik sira no família sira, halo parte iha evangelização. Hetan roman hôsi fiar no tulun hôsi domin Maromak nian, líder sira no sira nebe hôsi kotuk fo tulun los ba História Salvação nian hahu hôsi moris lolos nebe sira iha. Jesus ha’e ida nebe haruka hôsi Aman, nebe mos haruka sira iha knaar no lori sira hôsi Espírito Santo.

Mata dalan líder nian ne’e hanorin oin sá kuda fiar iha knaar, ho tempo ba hamoris no fo sai hôsi dom sira nebe espírito santo haraik ba ema iha tempo no fatin sira hot-hotu.

Atu hot-hotu bele sente ksolok, hetan tiha kbiit no tuir hôsi Missão Pastoral labarik nian, atu Glória Maromak nian no di’ak ba maun alin sira no inan feton sira, liu-liu labarik oan sira. Na’i haraik benção no acompanha imi hot-hotu.

“Imi rasik ,sei fo ha sira” Mc 6,37

Ho ksolok boot no hasa’e graça ba Na’i maka ha’u hatudu, dala ida tan, Mata Dalan Ba Líder foun ida no iha tempo ne’e nian.

Atu halo nia tuir tempo ne’e nian, nune’e mos ita halo ona hahu iha fo sai ba dala uluk iha tinan, rihun ida atus sia walunulu resin hitu, (1987) ami rona tiha líder sira iha nia knaar di’ak hanorin família sira konaba haré labarik, hahu iha inan kabu-laran to’o iha tinan neen.

Jesus hatudu knaar wai-hira lia tun ba ita: “Ha’u mai atu imi hotu iha moris no iha halo wa’in,” fo sai hôsi João (Jo 10,10). Nune’e, Jesus fo ba ita atu halo tuir la-os de’it soi labarik sira nia moris no haré sira nia ai-han di’ak, maibe halo atu sira hetan ksolok no bele hadomi iha nia moris tomak tan ba ukun-fuan boot liu hôsi Ukun Maromak nian ha’e domin.

Pastoral ba labarik, hahu hôsi hari, iha tinan 20…., serviço ho fiar no ho vida, hodi hatene konaba família no comunidade hanesaan hanorin ita iha Mata Dalan Líder Nian ne’e. Tan ba ne’e di’ak tebes haré konaba ma’i tomak labarik nian, fase sira hotu moris nian fo valor ba nia isin di’ak, han di’ak, educação no nia ma’i iha hanoin, iha sociedade no espírito nian-atu nia ma’i iha matenek no graca.

Hanorin Pastoral ba labarik ne’e mai hôsi Evangelho sira nebe haktuir milagre halo wa’in pão fuan lima no ikan na’in rua nebe halo bosu hamlaha hôsi ema rihun lima. Jesus uluk nana’in haruka katak ema sira sei orgaaniza aan hodi halo klibur ki’ik-ki’ik.

Hafoin nia haruka escolante sira lori mai hahan nebe iha no haraik tiha benção ba hahan sira; nune’e nia husu atu sira fahe ba hot-hotu. To’o ikus, hotu-hotu bosu ona no sei resin tan luhu sanulu resin rua hôsi hahan ne’e.

Nune’e, Pastoral ba labarik buka organiza comunidade sira no hôsi nia líder sira, husu benção atu fahe, halo wa’in buat sira nebe hatene nian, hôsi buat sira nebe halo tiha ona no hôsi haré malu di’ak nian, ho família sira hotu nebe iha isin-rua sira no labarik sira tinan neen ba kraik. Hafoin, tuir Evangelho, husu atu haré wai-hira sira hot-hotu di’ak eh lae. Ba knaar ida ne’e hôsi hamaluk malu ne’e, ba fulan ida-idak usa hanorin balu nebe hetan iha surat Líder nian no surat tahan sira hamaluk-malu nian hôsi lala’ok sira

Mata Dalan Líder ha’e murak ida nebe hakerek hôsi liman wa’in, nebe buka hamutuk sira nebe tinan ruanulu liu ba haktuir domin no dedicação, ema rihun ba rihun ho hakarak rasik. Nia sei sai iis foun tulun nian ida atu berani halo ba oin mundo di’ak liu ida, ba knaar moris no esperança. Atu Maromak haraik benção no rai ba hotu-hotu nebe serviço no tulun Pastoral Labarik nian.

Hahu Maromak halo lalehaan no rai……………

Halo tiha roman…………………………………..

Haketak rai hôsi be sira……………………

Halo iis, ai-horis sira nebe fo musan ………………..

Halo balada sira atu moris iha be sira, iha rai no iha leten as ba…………

No Maromak halo mane no feto hanesaan Nia ilas no hanesaan Nia no lia tun: moris ba no hawa’i imi aan ba

No haré katak buat ne’e hotu di’ak.

Ita criatura sira Maromak nian!

Iha mundo nebe ita harii, sei sai katak buat hotu ne’e di’ak?

Iis nebe ita hola precisa mos.

Rai precisa iha ai hun, ai-horis, ai-funan sira no balada sira.

Be nebe ita hemu no ita usa precisa di’ak.

Ita precisa serviço atu iha ai-han, hena, descanso.

Ita precisa serviço konaba isin di’ak nian atu labele hetan moras no bali moras.

Ita precisa escola sira atu estuda no bele hatene.

Ema sira, liu-liu labarik sira hetan duni hare didi’ak, mahan no educação tuir hakara sira Maromak nian?

Hodi haré buat nebe iha ita nia rain ita labele dehan katak buat hotu tuir lolos plano Maromak nia hakarak. No mos la iha tinan 20…… sei dauk iha wai-hira hahu hala’o Pastoral ba labarik. Labarik oan sira barak mate tan ba moras sira nebe bele halo atu labele hetan, hanesaan be sira sai tiha hôsi isin tan ba kabun moras. Iha tempo ne’e hasoru desafio ida: hanesan kreda catolica iha Timor bele tulun soi labarik oan sira rihu-rihun hôsi mate?

No Kreda, liu hôsi Pastoral labarik nian simu desafio ne’e.

Hamutuk iha fiar no moris, hanesan Jesus hanorin ita, Pastoral ba labarik hala’o liu knaar hôsi Moris no hôsi Esperança, hôsi Fiar, hôsi Domin, hôsi Ksolok no hôsi Dame. Pastoral ba labarik la hili hôsi religião eh kulit, raça eh politica sá de’it; nune’e nakloke ba hot-hotu.

Pastoral ba labarik haburas moris iha respeito nia laran, moris hamutuk, fo valor ba ema hotu haré no bali buat hotu nebe hadulas ita, buka mos heuwa’i injustiça no moris la iha hanesan ema ba hot-hotu.

“Nune’e lia hakotu ne’e ba imi no imi nia oan sira, no ba sira hotu nebe dook, ba sira hotu nebe Na’i, ita nia Maromak, bolu.” Aat 2,39

Atu hasoru desafio soi moris labarik oan sira nian no hola parte iha hamoris ambiente ida nebe di’ak ba desenvolvimento sira nian, Pastoral labarik nian hamutuk nafatin ho sira nebe isin-rua no labarik sira to’o tinan neen. Sira nia serviço, hanesaan Jesus halo ba sira nebe precisa liu. Buka hala’o liu-liu, ihauma kain sira nebe kiak liu, nebe hasoru susar wa’in tan ba moris iha susar nia laran.

Ho serviço ida ne’e, Pastoral labarik nian fo tulun dau-daun ba uma kain sira atu buka hetan di’ak konaba hun Direito social nian, hanesan iha constituição Timor Leste nian, konaba Direito sira: “Ne’e maka direito ema nian ba educação, isin di’ak, serviço, descanso, hakmatek, atenção ba comunidade, tulun inan sira no labarik sira, haré sira nebe serviço la iha, tuir Constituição.”

Direito sira comunidade nian maka abut condição sira atu ema hotu bele iha moris isin di’ak, nudar ema no ksolok.

Hanesaan iha Timor Lesta la’os ema hot-hotu hetan di’ak ba direito sira ne’e, precisa haka’as aan atu hodi sira. Cidadão maka ema sira nebe halo nia knaar sira tulun malu, hodi buka haka’as aan atu manan ninia direito social sira iha nia comunidade.

Pastoral labarik nian iha comunidade sira leet atu buka haburas isin di’ak no desenvolvimento tomak ba isin-rua sira, labarik sira no uma nia kain sira. No lala’ok ne’e mosu tan ba iha ema nebe hakotu hala’o serviço ida ne’e ho hakarak rasik, iha nia fahe nia matenek sira, buat sira nebe nia hetan no ninia tempo balu. Ema sira nebe moris no hatudu ho ninia hahalok domin ba malu. Ne’e serviço ida lolos Caridade Sarani Nian.

Nune’e iha ida-idak nia comunidade, ema sira ne’e bolu atu sai líder ba Pastoral Labarik nian.

Ema sira ne’e hanorin tiha uluk, hahu hôsi capacitação iha Mata-Dalan Líder nian ne’e atu sira bele hatene liu tan, fo ba malu hahalok sira no hafoin fahe ba malu ho uma kain sira nebe sira akompanha tiha ona. Líder sira bele hatene mos ho uma kain sira nebe lori mai buat nebe sira hatene ona no buat nebe sira hetan ona hôsi sira nia knaar.

Ita sei haré Oin sá halo serviço líder nian?

Líder Pastoral labarik nian ba hôsi uma ba uma, hodi hamutuk ho isin-rua sira no labarik sira hôsi uma kain sira nebe besik nia uma. Ho ne’e nia ho líder sira rihun Pastoral Labarik nian hala’o nafatin buat nebe Jesus hakara hala’o iha Rai ne’e. “Ha’u mai atu imi hotu hetan moris no iha wa’in” Jo 10,10

Líder hamutuk ho sira nebe isin-rua no, wa’in liu maka labarik an sanulu resin lima, hodi hala’o knaar tolu ne’e:

• Ba haré Uma sira
• Loron hala’o hodi Hanoin Moris nian
• Sorumutu atu Hanoin no haré didi’ak konaba knaar ne’e

Wai-hira ba haré uma, líder iha biban bele koalia kleur ho isin-rua, aman-inan sira no maluk sira labarik oan nian. Nune’e nia bele hatene di’ak liu oin sa moris no preciso hôsi uma kain sira, atu bele tulun sira. Nune’e nia mos tulun atu hametin tali fiar nian no domin nian iha sira leet

Fulan-fuan, líder halo

loron Hala’o Hodi Hanoin Moris Nian, wai-hira uma kain sira hamutuk atu hala’o desenvolvimento sira nia labarik sira nian. Iha loronne’e maka sei tetu labarik sira.

Knaar ba dala tolu maka Sorumutu Atu Hanoin Di-di’ak no Haré konaba ne’e. Iha sorumutu fula-fulan ne’e líder sira haré knaar nebe hala’o tiha ona no mos sira koalia, sira bele hatene tan no sira hala’o hodi hanoin

“No buat hotu nebe imi sei dehan eh sei halo, sei iha bei-beik Na’i Jesus nia naran, hôsi nia haasa’e graça sira ba Aman Maromak” Col 3,17

Isin-rua

Ema hot-hotu iha direito atu moris nudar ema. Direito ne’e hahu iha hetan moris foun ida. Tan ba ne’e Pastoral Labarik nian hahu nia knar ho sira nebe ko’us nebe precisa akompanha hahu sira isin-rua.

Ba haré uma kain sira iha comunidade ne’e maka di’ak liu duni atu hasoru malu ho sira nebe isin-rua. Feto balu haktuir kedas ba líder katak sira ko’us. Balu kleur witoan, no líder sira sei hatene de’it nia ko’us ba visita tuir mai.

Sinal sira balu nebe bele tulun feto atu hatene katak nia ko’us:

• fulan la mai;
• susun moras no boot;
• nia haha’ok muda lalais de’it; oras ruma de’it ksolok no la kleur neon sala fila fali;
• neon kabe’ik no oin halai bei-beik.

“Iha loron hirak neba, Maria ba lalais foho, nia ba kota ida Judá nian. Nia tama iha Zacarias nian uma no cumprimenta Isabel. Wai-hira Isabel rona kumprimentu Maria nian, labarik oan haksoit ho ksolok iha nia kabun no Isabel nakonu ho espíritu santo iha uma..” Lc 1,39-41

Hatene uitoan konaba isin ema nian

Lulik sira mane nian nebe ita haré hôsi liur bolu penis no testículos. Lulik feto nian bolu naran vagina. ba mane eh ba feto isin sira ne’e tama to’o laran, nebe ita labele haré sira. Testículos sira no oan fatin fo fini nebe bele hetan kosok oan.

Finin nebe hôsi mane bolu esperma; feto nian bolu ovulo

Esperma mane nian sai hôsi kuak mi dalan, Iha feto nian, sira ketak hôsi mi nian.

Wai-hira feto foin sa’e ida fo sai tolun ba dala uluk ita dehan katak nia laos ona labarik. Nune’e nia bele isin rua ona. Ovulação ba dala uluk hetan bai-bain iha tinan sanulu ba tinan sanulu resin haat.

Úteru feto nian hadi’a aan fulan tomak atu ko’us. wai-hira nia la ko’us karik,”útero” ne’e sei sai naksobu tiha, liu hôsi nia costume fula-fulan. Ne’e la’o iha loron sanulu resin haat nia laran liu tiha wai-hira hahu tolun.

Hahu hetan

Atu hetan kosom oan ida preciso esperma ba hamutuk ho tolun ida. Sira na’in rua hamutuk halo tolun ida de’it, eh kosok oan hahu. Iha oras ne’e moris ema ida.

Tolun ne’e hetan kala semana rua molok loron fulan nian mai. Semana tolu liu tiha hetan, kosok oan nia fuan hahu baku dadaun iha útero inan nian. Iha tempo ida ne’e feto sira barak sei dauk eh hanoin katak sira ko’us, tan ba feto nia fulan bele atrasa semana ida.

Kosok oan ma’i loron ba loron iha semana haatnulu nia laran nebe ita bolu bei-beik tempo nebe feto hako’us. Iha hako’us nia laran feto precisa iha liu cuidado ho nia isin no hahan.

Koalia ho ida nebe isin-rua no ho nia Família

Hako’us tempo ida nebe buat barak mosu ba feto. Nia bele sente liu, tan ba nia liu dadaun hôsi buat sira nebe mosu iha nia isin no nia lala’ok. Tan ba ne’e, precisa hetan domin no mamar.

Wai-hira nia kaben no ema seluk hôsi família hatene sa maka isin-rua ne’e sente iha tempo nia ko’us, sira bele tulun nia di’ak no iha buat nebe nia precisa atu nia iha isin-rua ida nebe di’ak no ksolok.

Tulun ba dala uluk hôsi líder maka simu isin-rua no nia kaben, hodi rona buat nebe sira atu dehan konaba isin-rua. Kaben na’in sira barak haksolok wai-hira hatene isin-rua, tan ba sira prepara ona atu iha kosok oan ida. Maibe kaben na’in sira seluk, bele tauk, hakara lalais, hanoin oi-oin hela, tan ba sira la halo plano isin-rua nian ida iha tempo neba. Sira seluk tan, hanoin konaba susar sira nebe sira bele hasoru eh tauk labele haré didi’ak kosok oan ne’e.

Líder, sira hotu nebe isin-rua presisa ó hamutuk ho sira, maski sira iha ona oan sira seluk, tan ba isin-rua ida ne’e la hanesan ida uluk.

Feto sira balu, wai-hira ko’us ba dala uluk bele hanoin katak fulan sira ba dala uluk la importante, tan ba sira di’ak hela. Isin-rua nebe iha ona oan seluk bele hanoin mos katak la precisa ona iha cuidado fulan sira ko’us nian wai-hira ko’us fali.

Bai-bain foin sa’e sira nebe isin-rua la dehan sai sira nia isin-rua ne’e, ho tauk maluk sira, aman-inan, parente sira no belun sira bele dehan buat ruma. Ba haré karik iha uma, líder sei lori uma kain atu hatene konaba importância tulun nia no sira sei hatene, atu foin sa’e ne’e moris tempo ne’e ho hakmatek, tuir knaar no domin.

Isin di’ak foin sa’e ida nebe ko’us importante tebes atu nia bele metin no fiar, atu, nia isin-rua ne’e la’o di’ak, no atu isin di’ak kosok-oan nian. No, nune’e, nia sei precisa tulun hôsi sira hotu atu fo valor ba moris nebe lori iha nia knotak no sai hanesaan knar ida ba nia.

Sira isin-rua balu nebe la iha kaben bele precisa liu líder nia tulun, tan ba sira bele sente falta ema ruma atu ho sira fahe sira nia ksolok no sira nia susar.

Estudu sira hatudu katak atu hamenus mate ba kosok oan sira eh ba labarik sira seidauk tinan ida sei hare liu no tulun ba sira isin rua: * ba kiak sira; * ba sira nebe kulit hanesan metan eh lamutin la metan; * la iha kaben; * ladun escola; * iha oan rua eh liu tan; * la to’o tinan ruanulu; * ho tensão eh mi midar; * sira nebe lakon kosok-oan iha isin rua ida uluk eh oan rua seidauk to’o tinan ida; * sira nebe fuma.

Tali Domin Nian

Tali domin nian ne’e maka cartão sira nebe halo ba isin-rua. Ho hanoin atu halo di’ak liu oin sa serviço hamutuk ida nebe isin-rua no família konaba isin-rua ne’e, hodi hatudu isin-rua, nia preciso, no kosok oan nian no tulun nia bele hala’o didi’ak tempo isin-rua molok tur ahi.

Cartão sira ne’e sei fo ba sira nebe isin-rua fula-fulan iha sira nia visita sira ba uma. Ne’e tulun boot ida ba líder sira atu hanorin konaba isin-rua oin sa haré di’ak liu nia aan no hamoris ligação ida nebe maka’as liu ho kosok oan nebe atu mai.

Di’ak liu, Líder sei hamutuk bei-beik ho ida nebe isin-rua hahu hôsi fulan ba dala uluk isin-rua nian. Nune’e fula-fulan cartão ida sei usa atu lê no koalia ho isin-rua no wai-hira bele, ho aman-inan kosok oan nian. Wai-hira hamutuk ho isin-rua hahu liu tiha fulan ba dala uluk ko’us nian, precisa usa cartão ida iha visita.

Visita ba dala uluk halo iha:

• fulan ba dala rua: usa cartão sira ida no rua;
• fulan ba dala tolu: usa cartão sira ida, rua no tolu;
• fulan ba dala haat: le no koalia uluk konaba cartão haat no tuir mai konaba cartão sira rua no tolu.
• fulan ba dala lima: iha visita ba dala uluk, cartão sira haat, rua no tolu; iha visita ba dala rua cartão sira lima no neen.
• fulan ba dala neen: sei halo hanesan tuir malu nebe fo sai tiha ona iha fulan ba dala lima. iha visita ba dala tolu sei usa cartão sira hitu no walu.
• fulan ba dala hitu: sei le no koalia uluk konaba cartão hitu no, tuir mai konaba cartão tolu no lima.
• fulan ba dala walu: iha visita ba dala uluk sei usa cartão sira hitu, tolu no lima; iha visita ba dala rua cartão sira walu no sia.
• fulan ba dala sia : le no koalia konaba cartão sira hitu, walu no sira iha visita ba dala uluk.

Precisa halo: hahu hôsi fulan ba dala haat isin-rua nian cartão sira hotu sei la usa iha visita sira ne’e. maski nune’e, cartão sira ne’e sei fo ba isin-rua bele lê liu tiha no rai hodi hanoin.

Wai-hira kosok oan moris sei usa cartão sira sanulu no sanulu resin ida. Iha visita tuir mai , sei iha fulan ba dala uluk moris nian, sei usa cartão sira sanulu resin rua no sanulu resin tolu.

Hodi ba visita nafatin fula-fulan No wai-hira kosok oan halo ona fulan Tolu, sei fo cartão sanulu resin haat. Wai-hira nia halo fulan lima sei fo cartão sanulu resin lima.

Cartão sira Tali Domin nian sei fo de’it ba inan sira nebe hamutuk ho sira hahu hôsi isin-rua.

Wainhira isin rua muda karik ba comunidade seluk, sei fo ba nia cartão sira hotu Tali Domin Nian, atu nia bele cuidado nafatin nia an no iha nia hanoin ida no hôsi Pastoral ba labarik.

“Iha uma naran ida nebe ó tama Sei dehan uluk: Dame sei iha uma ne’e!” Lc 10,5

Hanoin konaba knar etapa capacitasaun nian ne’e Sei ba hare isin-rua ida nebe ita hatene, sei fo no le ho nia cartão Tali Domin sira konaba fulan isin rua iha nebe de’it nia iha.

Tempo ba capacitação ba dala rua atu haré didi’ak no hala’o hodi hanoin

• Oin sa isin-rua ida nebe ita hatene simu ita nia visita?
• Iha hanorin ruma konaba Tali sira Domin nian nebe ita la hatene eh sei dauk simu hôsi isin-rua?
• Oras ne’e ita hatene liu tan witoan konaba Pastoral Labarik nian, ita hakara no bele sai líder Pastoral nian?
• Ita hili no fahe lia tatoli ida, harohan ida eh lia-katak biblia nian nebe sei hala’o hodi hanoin kmanek moris nian no hahalok sira nebe ita halo ho ita nia maluk sira, isin-rua sira no nia família sira? Hanoin ida maka ne’e:

“Ó maka halo ha’u nia laran sira no hama’i ha’u iha inan nia knotak. Ha’u hahi ó tan ba ó halo ha’u kmanek tebes; Ó nia knar sira kmanek liu; ó hatene ha’u mos liu. Foin hahu, ó nia matan sira haré ha’u no buat hotu hakerek ona iha ó nia surat; Ha’u nia loron sira hatene tiha ona molok ida ba dala uluk to’o.” Sl 139,13-14.16

HARÉ 1.Oin sa feto sira nebe ita hatene halo sa wai-hira hatene sira isin rua? 2.Oin sa sira isin rua nebe ita hatene bai-bain sira ha sa?

Halo visita ba uma-uma

Líder, iiha nia visita ba uma-uma ne’e tempo ida nebe ita besik liu ba família sira nebe ita hamutuk ho sira no bele:

• fo valor ba buat nebe família sira halo di’ak hodi haré nia oan sira;
• koalia konaba isin-rua;
• koalia konaba buat sira nebe precisa halo no hanorin labarik oan sira nian;
• fo hanoin konaba sinal sira nebe bele hetan susar ba isin di’ak hôsi isin-rua no hôsi labarik;
• fo hatene buat sira nebe ladi’ak ba ma’i di’ak labarik nian;
• hatene problema sira nebe bele mosu no susar sira nebe hetan;
• buka hamutuk hatene oin sa bele resolve ba sira ne’e

Iha visita ida-idak ita ho família sai belun. Família sei sente di’ak liu atu koalia konaba nia ksolok no nia susar sira, tan ba nia sente katak ita la fo sai no la dehan ho família seluk lia sira ida-idak nian.

Iha Visita ba dala uluk ho familia ida nebe iha isin rua eh iha labarik oan, ita sei hatudu, hodi hanorin oin sá Pastoral Labarik nian no husu sira simu atu bele hamutuk ho sira. Iha visita sira tuir mai, familia sei hatene di’ak liu nia knaar no ita mos hatene buat sa maka familia halo atu bali isin rua eh labarik.

Iha ita nia visita sira rona ema sira nebe hôsi família iha atu dehan no buka tulun hodi haré iha sira nia preciso, hodi respeita nafatin buat sa maka sira hanoin no fiar. Nune’e, ita, sei hanesan líder sai maluk ida nebe la’o hamutuk, nebe besik nafatin, atu tulun no fo dalan.

Ho tulun mata dalan nian ne’e ita bele hetan liu tan kbiit atu haré no oin sa atu halo konaba família no isin-rua sira nebe haburas harii Fatin ida nebe di’ak ba ma’i labarik nian no hetan isin-rua di’ak ida.

Atu tulun família sira iha oin sa haré isin-rua no labarik sira, dala barak ho de’it fo dalan oan ida. Iha situação seluk bele precisa mos, husu tulun hôsi ema seluk Pastoral Labarik nian hôsi uma kreda no hôsi serviço ema hotu nian hanesan serviço sira isin di’ak, educação, no haré konaba ema moris.

Wai-hira ita la hatene ba lia husu ruma, lalika hanoin oi-oin, tan ba la iha ema ida nebe hatene hotu. Dehan katak ba buka lia simu no sei lori mai ba sira iha hasoru tuir mai.

Precisa koalia ho di’ak iha situação sira nebe delicado liu, atu labele hakane eh família eh labarik oan.

Ukun-fuan sanulu ba Dame iha família, buat sira nebe ita sei buka hatene tuir mai, sira mos bele tulun ita nia koalia.

Di’ak ita koalia ba família sira oras ida nebe di’ak liu atu ba haré sira, atu labele hasoru malu ho serviço sira uma nian. Iha ita nia ba haré sira ne’e bolu família sira atu hola parte iha Loron Halo Hodi Hanoin Moris nian, wai-hira labarik sira sei tetu. Keta haluha fo hatene loron oras no fatin nebe sei hala’o no hatudu oin sa importante labarik sira ba ho sira nia aman-inan iha oras neba.

Líder, wai-hira nia ba bei-beik haré lori mata dalan ne’e Surat Líder nian no buat selu-seluk konaba Pastoral Labarik nian.

'"Tan ba tulun hamutuk ne’e la hare deit buat sira nebe preciso santo sira nian, maibe mos halo atu habarak agradecimento sira ba Maromak.” II Cor 9,12

Ai-haan nebe di’ak ba isin

Feto precisa hahan ida nebe di’ak atu iha nafatin isin di’ak no atu nia kosok oan bele ma’i no moris ho todan nebe di’ak; maibe isin-rua ha aat karik, nia bele la iha ran no kraes. Nia kosok oan bele moris ho ladun todan, bele hetan moras no kleur atu hetan isin di’ak fali.

Hahan di’ak ida iha hahan oi-oin, moos, fo’un no barak nato-naton. Precisa tebes hanoin konaba hahan nebe di’ak no barak. To’o eh barak liu hahan bele halo aat ba isin di’ak.

Ba hahan nebe di’ak liu precisa haré liu konaba hahan sira nebe foun no buka labele ha hahan sira nebe mai hôsi industria, liu-liu sira nebe malirin no mer. Oin sa ita halo hahan mos importante tebes: ha hahan nebe tunu no te’in di’ak liu fali nebe sona.

Besi nutriente ida nebe importante ba isin-rua nebe di’ak no ba ma’i di’ak ba kosok oan nian iha inan nia kabu-laran.

La iha besi halo ran la iha, moras ida barak iha labarik oan sira, isin-rua no foin sa’e, iha tempo sira ne’e precisa liu-liu nutriente ne’e, tan ba isin ma’i lalais liu. Tan ba ne’e isin-rua precisa ha hahan iha besi wa’in hanesaan:

• Naan balada sira nian, manu sira no ikan;
• Na’an laran sira, hanesan fuan, aten, maksorin na’an tesi halo ki’i-ki’ik;
• Modo sira nebe ho musan hanesan: koto, ahan-di’an, ervilha;.
• Modo tahan sira nebe matak: mostarda mutin-metan, agrião, couve, salsa, lis mutin, lis mean, lis-asu,
• Tohu-ben, kulu modo, kulu-uhi, kulu-jaca, kaju no forai.

Besi hetan liu wai-hira isin rua ha hahan sira nakonu ho vitamina C no A iha ha ida ne’e.

Vitamina C tulun atu labele hetan kanek, uat lakon maka’as, Nehan kiran sira ran no hetan fitar iha kanek Sira. Hahan balu nebe nakonu ho vitamina C maka ne’e:

• Ai fuan matak: derok masin, sabraca, anans, caju, aidila, ai-ata;
• Modo tahan matak,
• Ai tahan matak, ai manas boot

Vitamina A tulun atu labele hetan kabun moras, kanek, tahan haré no tulun ma’i kosok oan iha útero no mos fo kbiit atu isin bele tahan. Hahan balu nakonu ho vitamina A maka:

• Modo isin sira modok no mean: lakero, cenoura;
• Modo tahan matak sira;
• Susu-ben, manteiga, quijo
• Mantolun modok;
• Ai fuan sira nebe modok; haas, aidila,
• Tali nia fuan sira;

Iodo importante atu hama’i isin no hanoin. La iha iodo iha isin ida nebe ko’us bele hetan susar atu forma kakutak kosok oan nian. Hahan sira nebe iha iodo maka:

• Masin nebe iha iodo;
• Ikan no marisco sira;
• Modo tahan, legume no ai-fuan sira nebe kuda iha rai nakonu iha iodo eh rai sira nebe hela besik tasi.

Cálcio importante ba isin-rua nmo kosok oan tan ba tulun atu forma no halo metin nafatin nehan no ruin. Ai-han balu nakonu ho cálcio maka:

• Susu ben, queijo, kahar no iogurte;
• Modo tahan matak sira;
• Ai-lia
• Ikan ki’ik sira

Lider, hanorin isin rua atu prepara,  hahan to’o de’it atu bele han dala rua dala ida-de’it. Nune’e nia sei la ha hahan ida uluk no sei iha witoan liu hahan resin atu  halo at. Hanorin nia moos atu labele han sonan sira no diak liu tunu no da’an de’it.

Acído fólico, hôsi hahan sira hanesan na’an laran sira, koto no modo sira ho modo-tahan, tulun atu labele hetan moras sira iha kakutak no iha kotuk ruin kosok oan nian.

Líder, ita bele tulun ona isin-rua no família aproveita didi’ak hahan sira no halo di’ak liu nia isin hanorin katak:

• Bikan ida ho hahan oi-oin, cor oi-oin iha liu vitamina sirano mineral sira hanesan koto eh ikan no farinha.
• Hahan sira tuir nia tempo no rai ne’e nian foun liu, furak liu no iha liu vitamina, no barato liu.
• Iha ita ha hot-hotu sei iha netik hahan matak ida, nebe bele salada eh ai-fuan;
• Di’ak liu ha kedas hahan sira halo hotu tiha.
• Hahan sira nebe manas eh nakali kleur liu lakon tihan sira nia vitamína
• Hahan sira nebe te’in nia resin sei rai iha geleria eh fatin nebe malirin, no taka netik;
• Fatin sira nebe rai be sei iha matan;
• Café, chá mate, chá metan, susu ben no hahan sira nebe mai hôsi sira, chocolate, sorvete, halo aat hodi susu tiha besi no preciso labele ha to’o oras rua liu tiha ha

Hot-hotu iha direito ha lor-loron hahan nebe iha qualidade no wa’in tuir precisa ba isin diak. Ne’e maka segurança konaba hahan no nutrição

HASUSU HÔSI INAN

Hasusu hôsi inan maka importante liu ba isin di’ak inan no kosok oan nian. Ita sei haré tan ba sá?

Susu ben inan nian completo liu ba kosok oan hahan mesak nebe nia precisa to’o nia iha fulan neen. Tan ba ne’e, di’ak koalia ho feto nebe isin-rua, ho nia kaben no ho família tomak konaba oin sa importante fo susu. Wai-hira nia kaben no ema seluk hôsi família husu atu nia hasusu,inan ne’e hela hakmatek liu no hasusu nia kosok oan kleur liu.

Koalia konaba hasusu bele iha hanesan abut ba buat sira nebe feto isin-rua no nia kaben hakara hatene. Ne’e halo katak hanorin sira Líder nian, sira bele rona no hala’o.

Hahu di’ak ida maka koalia konaba experiencia sira hasusu nian nebe feto isin-rua ne’e hatene. Buat sira nebe nia bin sira, avo feto sira, banin feto, inan, belun feto sira no nia kaben koalia konaba hasusu bele halo feto isin rua ne’e iha hakarak atu hasusu.

Líder, atu anima inan ne’e atu hasusu, sei koalia konaba di’ak nebe mai hôsi hasusu kosok oan ne’e:

• Susu ben inan nian tahan kosok oan hasoru moras sira hanesan isin katar, kabun moras, isin malirin , atu mi fatin no hirus matan labele moras;
• Nia bele lalais halo digestão
• Fo susu hama’i no fo kbiit ba uat sira nebe iha ibun kosok oan nian hodi halo nia nata di’ak oin sa nia tolan no koalia;
• Ne’e tempo ida di’ak liu nebe hametin relação ba inan no oan no fo segurança hameak no domin nebe nia precisa atu ma’i ho di’ak
• Ne’e maka hahan completu.

Hasusu hôsi inan hetan di’ak sira ne’e:

• Tulun hamenus ran maten liu tiha tur ahi, hodi halo nia útero no nia susun sira boot, fila fali hanesan uluk lalais liu
• Hametin tali domin nian ho kosok oan;
• Iha fulan sira ba dala uluk nian, fo susu la husik atu hetan fali, ne’e halo atu labele hetan natural de’it. Maibe, atu feto labele hako’us, precisa katak kosok oan susu de’it iha hirus matan wai-hira hakara, labele hemu cha eh be;
• La hasai osan, no iha kedas ona;
• Hamenus atu hetan moras cancro susun no oan fatin.

Hasusu: Ne’e di’ak ba inan no di’ak liu ba kosok oan.

“ Laiha ema ida nebe kuna nia isin rasik, Oin seluk, fo han nia no bali nia, hanesaan Cristo halo ho Kreda” Ef 5,29

HAMOS AAN

Ba feto nebe isin-rua nia iha tempo ida oin seluk. Importante katak nia haré nafatin nia aan no halo nia aan kmo’ok iha tempo ida ne’e.Líder, ne’e maka buat ruma nebe lori ó atu tulun isin-rua sira:

• Hari’is iha be nebe halai di’ak liu: bele hôsi torneira, chuveiro eh buat hodi kuru be;
• Hari’is ho feto tur iha bacia eh se chuveiro ba vagina la di’ak tan ba lori foer sira hôsi vagina ba iha útero, nebe hela kosok oan ba;
• Fasi ulun la halo aat ba feto isin-rua eh ba kosok oan;
• Hena sira nebe mos no to’o lolos halo di’ak
• Meias sira ho elastico habit no bele hatan ran halai ba mai no uat sai iha ain;
• Sapato di’ak liu maka ida nebe ho sola la nakdoras atu labele monu

Hamos ibun

Iha feto isin-rua, bele mosu moras nehan nian wai-hira ha wa’in hahan sira ho masin-midar no wai-hira kose nehan dala ruma de’it. Feto isin-rua sei hamos lor-loron ibun ho fio eh fita nehan nian, kose nehan ho pasta nei-neik no cuidado nune’e hela ho ibun di’ak.

Líder, lori feto isin-rua atu hamos nehan nune’e:

• Usa uluk fiu nehan nian, maski nehan kiran ran;
• Kose hôsi leten ba kraik nehan sira nebe hela hôsi leten kose hôsi kraik ba leten nehan sira nebe hela hôsi kraik;
• Kose nehan sira iha sorin laran nian hanesan mos sira nebe hela iha besik hasan kulit
• Kose ba mai iha sorin nebe kaber nehan nian iha hun liu
• Kose nanal

Fiu nehan sei liu nei-neik hôsi nehan leten to’o nehan kiran, atu hasai tiha hahan resin sira nebe lasai ho escova.

Líder, ita bele hanorin feto isin-rua no família atu bele halo fio nehan nian iha uma, usa fio hôsi rolo número saanulu, la’o liu tiha ho lilin wanin nian. Buat seluk nebe bele usa maka tali rafia nebe transparente falun sasan nian, wai-hira nebe moos di’ak. To’o tira sacola plastico nian eh pacote susu ben nian bele usa hanesan fio ba nehan.

Sasan sira nebe bele halo aat iha feto isin-rua

Importante katak líder koalia konaba buat sa bele mosu wai-hira usa droga iha feto isin-rua.

Droga sira, bele halo aat ba ma’i kosok-oan nian bele mos halo nia moris fiar hela ba sira.

Tabaco halo kosok oan moris ladun todan, moris molok to’o tempo no fo fatin ba kosok oan moris mai ho susar atu hasa’e iis no moras fuan.

Wai-hira feto nebe kous hemu alcool, bele hetan aborto, bele iha kosok oan hetan “moras oi-oin tan ba alcool”. Iha moras oi-oin ne’e kosok oan ne’e bele ma’i ho problema kakutak nian.

Ai moruk balu mos bele mos halo aat ba isin lolon kosok oan nian. Nune’e, iha feto isin-rua bele de’it usa ai moruk sira nebe doutor fo atu acompanha isin-rua molok atu tur ahi.

Ho kosok oan nia ma’i, útero hahu haka’as mamik no tan ba ne’e feto nebe isin-rua hakara mi ora-oras.

Tuir útero aumenta, nia iha liu fatin mos atu bele haka’as mos mi fatin. Nune’e fo fatin atu mi la sai no halo mosu kanek iha mi fatin. Di’ak atu feto nebe isin-rua ba iha hari’is fatin wai-hira hamamu di’ak tiha mamik.

Wai-hira feto isin-rua kesar moras iha mamik eh wai-hira atu mi manas ne’e bele sinal kanek. Wai-hira nune’e, sei lori nia ba serviço saúde, maski la os nia loron nebe marca tiha ona ba consulta atu koalia ho doutor. Haré mi halo parte iha acompanhamento molok atu hahoris.

Atenção: Mi fatin kanek bei-beik no la susar atu cura wai-hira isin rua. La haré karik  ho oras bele fo aborto, moras iha maksorin sira no hahoris molok to’o tempo.

Ran la iha

Ran la iha tan ba la iha besi iha ita nia isin tan ba la iha kbiit atu aproveita oxigenio nebe ita hola. Tan ba ne’e sinal sira maka kole, baruk atu halo buat ruma no la iha vontade atu ha.

Ran la iha hetan hôsi hahan nebe ladun di’ak no kiak iha besi. Feto nebe isin-rua precisa ha hahan nakonu iha vitamina ne’e tan ba nia hakiak kosok oan ida. Sei haré hahan sira nebe nakonu iha besi iha página tolunulu.

Oan sira hôsi feto isin-rua sira nian nebe ho ran la iha bele moris ho ladun todan no mate kedas iha loron ruma de’it liu tiha.

Feto isin rua nebe kamutis, oin halai, hanoin la to’o no susar tebes bele bokur bele hetan ran la iha. Importante katak nia dehan ba doutor buat nebe nia hetan

Ministério saúde fo Hanoin: Feto sira hotu nebe isin-rua sei simu besi hôsi fulan ba dala lima isin-rua nian no to’o fulan ba dala tolu liu tiha tur ahi maski la hetan anemia.

Isin Boot Liu-liu Kabun ha’e boot

Isin bokur liu fali todan ida nebe lolos, ho bokur liu iha isin lolon. Ne’e tan ba, dala barak ha hahan barak nebe la halo di’ak ba isin no la halo exercício barak. Isin todan liu ne’e halo mosu moras seluk,hanesan ran midar, tensão aas, ran tiha no hemorragia.

Iha feto isin-rua, todan liu halo aumenta tensão aas (hipertensão), isin manas boot no hemorragia liu tiha tur ahi. Moras sira ne’e ita sei haré liu tan iha oin.

Lider sei koalia wai-hira ba haré uma-uma konaba kmanek diak sira bele hetan hôsi hahan ida nebe di’ak. toman ha hahan sira nebe diak fo isin diak ba inan no kosok oan.

Líder, atu hanoin koalia didi’ak ho família sira sei haré didi’ak no hakerek iha kraik:

• Hahan di’ak sira nebe hetan iha Comunidade:

..................................................................................................................... ..................................................................................................................... .....................................................................................................................

• Folin na’an nian, ikan nian, marisco sira, aten no na’an rahun sira seluk:

..................................................................................................................... ..................................................................................................................... .....................................................................................................................

• Fatin sira nebe bele hetan ai-han sira nebe foun no barato:

..................................................................................................................... ..................................................................................................................... .....................................................................................................................

• Fo dalan oin sa familia sira hetan acesso ba fatin sira nebe fa’an hahan sira nebe foun no folin ladun as:

..................................................................................................................... ..................................................................................................................... .....................................................................................................................

• Hanorin oinsa halo no combina hahan sira atu aproveita di’ak liu hôsi nebe hetan besi, vitamina sira no hahan sira seluk iha hahan isin-rua nian:

..................................................................................................................... ..................................................................................................................... .....................................................................................................................

Fo hanoin knar konaba etapa capacitação nian Sei hakerek buat hotu nebe hala’o konaba sira iha surat tahan ida ne’e.

Etapa ba dala tolu capacitação nian

Haré didi’ak no hala’o hodi hanoin

• Oinsa maka simu na’an aten no na’an rahun sira seluk hôsi família sira comunidade nian?
• Hanan sira ne’e la susar atu bele hetan no no sira nia folin halo bele sosa?
• Iha lia tatoli ruma, oração eh haktuir biblia nian nebe hala’o hodi hanoin kmanek moris nian no hahalok nebe ita halo ho ita nia maluk sira nebe besik liu, isin-rua sira no sira nia família sira?

Oração ba Inan nebe Isin rua Ami hahi ita Na’i, tanba ita boot maka halo moris tomak.Feto isin rua ha’e knuk esperança nian atu feto isin rua sira sei hali tempo ida ne’e, tempo ida hafoun nia, dame nian,no katak iha tempo isin rua ne’e sira sente tempo ida nebe hetan benção, tanba Na’i hala’o hela iha sira ida-idak nia laran.Iha tempo isin rua feto ida-idak, Ó, Na’i, serviço iha sira, tanba ó halo hela isin oan ida kosok oan nian ho ó nia matenek tomak hun Maromak nian sai inan lolos mai hôsi Ó Na’i.

Haré

Feto isin rua iha fulan ba dala tolu isin rua nian 1.Buat sa feto isin rua sira hôsi ita nia comunidade hakara hatene liu hahu ko’us? 2.Inan sira hatoman hasusu bei-beik sira nia kosok oan sira? To’o tinan hira? To’o tinan hira?

Fulan tolu uluk ba dala uluk feto isin-rua nian

Kosok oan ida iha ona knotak. Knotak inan nian maka uma kreda dame no domin sira nian. Ne’e maka fatin ba dala uluk hasoru malu kosok oan ho inan no ho nia aman.

Wai-hira fulan ba dala uluk remata kosok oan hanesan ona fos musan ida. Hahu forma ona nia kakutak, fuan, sistema nervoso no kotuk ruin.

Ho fulan rua isin-rua nian,Kosok oan ne’e iha ona ulun nebe boot,Mosu ona matan sira, tilun sira no ibun.

Iha fulan ba dala tolu, kakutak,

haan fatin, ten sira, ruin sira no uat sira kosok oan nian boot liu ona no hodi serviço hamutuk. Isin lolon ninian besik pronto. Hahu iha ne’e nia ema ona. Ba Pastoral Labarik, hahu hetan, nia kosok oan ona, no precisa domin no haré didi’ak.

Koalia konaba feto isin-rua

Iha tau hanoin seluk oin sa feto isin-rua bele haré nia aan didi’ak, nia, nia kaben no família hakara hatene buat sa maka mosu wai-hira isin-rua. Ne’e hamenus ansia no lori sira atu tama ho kosok oan hahu lalais liu. Hodi hatene oinsa isin-rua di’ak liu,nune’e di’ak liu ba família atu hatene buat ruma be la’o la di’ak.

Líder iha nia visita, nebe nia sei halo witoan liu maka dala ida fulan ida, fo bei-beik biban atu isin-rua husu buat nebe hakara. Buka hamoris hola parte aman-inan no familia nian iha dada lia. Hodi le Mata dalan Líder ho feto isin-rua imi sei hetan fo hanoin barak nebe importante konaba isin-rua.

Iha fulan tolu ba dala uluk feto hatene witoan liu oin sa sai nia isin. maibe nia hatene katak nia oin seluk: milagre moris nian mosu dadaun. Nia “nakonu ho graça.”

Feto bele haré nia susun sira boot no, dala ruma moras. Aréolaparte metan nebe hadulas susun matan, metan liu tan no mosu kabuar oan ruma. Kabuar oan sira ne’e tulun atu hamos paret metan ne’e.

Feto isin-rua barak liu lori sira nia moris hanesan bai-bain. Di’ak descansa liu no haré konaba hahan la’o wai-hira isin-rua halo di’ak ba ran la’o ba mai no hola iis.

Halo buat ruma tur hakdasar habiit uat sira, hamenus moras sira iha kota no halo uat sira labele mosu iha ain.

Di’ak ba ita líder, hanorin aman-inan sira no família atu iha relação didi’ak ho kosok oan hahu isin-rua. Ita hatene ona katak kosok oan boot an ba buat ruma hôsi fatin nebe nia hela ba.

Aman-inan sira bele koalia ho kosok oan Konaba buat nebe sira sente. Di’ak koalia konaba ksolok sai inan eh aman. Ne’e haburas sira nia relação ho kosok oan.

Líder, sei koalia ho aman-inan konaba preocupação isin-rua ida be mosu la hein. Hodi koalia, ho aman-inan bele sente metin liu no simu di’ak liu isin-rua ne’e wai-hira hadi’a atu simu kosok oan.

Isin-rua foin sa’e ne’e no aman-inan kosok oan nian ne’e precisa hamutuk ho nia hahu isin-rua no sira berani atu haré no educa labarik oan nebe atu moris. Avó sira, wai-hira precisa sira sei hanorin sira atu fo tulun maibe labele hasai responsabilidade aman-inan nian ba kosok oan. Hanesan avó, sira iha papel ida importante ba sira nia bei-oan.

Líder, ne’e dala barak foin sa’e nebe isin rua husik tiha  escola.  Iha ne’e, maka importante ita fo hanoin nia atu escola nafatin.

“Hadook hôsi imi leet moruk tomak no foti aan hirus tomak no hakilar, tolok sira no buat aat tomak oi-oin. Sei oin seluk, sai laran luak no iha hanoin, ba malu, hodi perdua malu hanesaan Maromak perdua imi iha Cristo." Ef 4,31-32

Hasusu hôsi Inan

Wai-hira feto isin-rua ne’e hadi’a aan ho fuan no ulun hodi hatene katak hasusu lori di’ak sira ba nia no ba kosok oan, hasusu iha liu oportunidade atu sai di’ak. Tan ba ne’e, líder di’ak liu koalia ho nia konaba buat nebe mosu iha nia isin no konaba importante hasusu.

Feto balu hanoin katak sira nia susu matan badak atu fo susu. Di’ak koalia katak susun matan nune’e la hatau hasusu. Maibe iha parte metan nia okos nebe hadulas susu matan ne’e maka iha kuak sira nebe iha susu ben.

Susar liu maka feto ida nebe labele hasusu nia kosok oan. Iha ne’e, serviço Saúde nian sei fo hanorin ida oin seluk no tulun atu isin-rua ne’e hatene simu situação di’ak liu.

Kesar Sira Nebe iha bei-beik

Líder, atu labele hetan eh hamenus terus ruma iha isin-rua, ita bele hanorin atu haré sira oin sa:

Susun sira moras

Atu hamenus moras iha susun preciso usa sutiã, di’ak liu maka talisi belar, atu bele tahan todan sira nian nebe aumenta. Musan oan sira nebe hadulas susun matan labele buti, tan ba bele kanek.

Oin halai

Wai-hira isin-rua tensão ran nian tun liu bele halo isin-rua oin halai. Nune’e, di’ak katak nia sei ha bei-beik no wai-hira hamriik sei hamriik neneik. Wai-hira isin-rua oin halai, sei toba tiha no hasa’e iis neneik no hasa’e iis nei-neik no klean.

Lala’ok la hanesan uluk

Hormonio sira oin seluk tiha halo feto isin-rua la hakmatek no tauk atu mosu buat ruma ho kosok oan nebe halo isin-rua sente aan liu. Nia bele tanis eh bele hamnasa tan ba buat naran ida. Halo di’ak koalia ho isin-rua no ho família, hodi hanorin nia katak lalaok sai la hanesan halo parte wai-hira isin-rua no, tan ba ne’e, preciso iha paciência liu.

Neon kabeik no muta Atu hamenus sente ladun di’ak, sira ne’e isin-rua precisa ha witoan maibe dala barak loron ida. Hahan mamar sira no ladun manas liu eh malirin liu di’ak liu ba tempo ida ne’e. Tulun mos hemu be malirin ha ai-fuan nebe sin no labele ha hahan bokur no iha ai-manas. Hemu buat ben wai-hira ha ladun di’ak.

Hakara atu muta mosu bei-beik wai-hira isin-rua hader, horon maka’as mina morin, gajolina, lilin rai nian eh wai-hira kose nehan. Atu hamenus hakara muta di’ak liu isin-rua hader liu tiha, ha hahan maran, labele hadera aan naruk resin hadala neen to’o dala walu wit-witoan iha loron ida nia laran no labele ha hotu tiha ba toba kedas. Kose nehan labele usa pasta, ho be mos de’it, ne’e mos tulun.

Isin-rua balu iha neon kabeik tebes, ho muta bei-beik, ne’e halo nia toba susar, la hakara han no bele halo isin-rua isin maran. Atu labele hetan isin maran, di’ak liu hemu be barak.

Wai-hira isin rua muta bei-beik, nia sei ba buka serviço saúde nian

Fulan tolu ba dala Uluk isin-rua

Fraco, oin kamutis no kaben barak liu

Buat hotu nebe kosok oan precisa atu forma aan no ma’i hôsi ran inan nian. Isin-rua ne’e iha karik besi witoan iha ran eh isin maran karik molok isin-rua, nia bele hetan anemia tan ba besi la iha wai-hira nia isin-rua. Isin-rua sai kamutis liu, la iha força no la hakara halo buat ida. Hakara ha iha hahan balu no iha sasan sira nebe la os bai-bain nian bele hatudu katak isin-rua precisa hahan ruma nebe kuran iha nia hahan.

Atu labele hetan ran la iha no isin maran, isin-rua precisa ha hahan nia nakonu iha besi no vitamina sira tuir hanorin sira iha pagina sira tahan ruanulu resin sira no tolunulu resin tolu.

La iha força no oin halai bele mosu liu tiha fila lalais aan no mos wai-hira isin-rua la ha iha tempo barak nia laran. Líder, atu problema sira ne’e labele mosu, hanorin isin-rua ha kedas hader tiha mai no labele hadera aan naruk. Wai-hira isin-rua sente força la iha, hanorin nia toba hôsi sorin karuk no hasa’e iis nei-neik no naruk klean.

Hahu ko’us isin-rua iha bei-beik kaben barak. Di’ak ba nia tolan kaben no hemu be litro rua eh liu tan loron ida.

Fulan tolu ba dala uluk isin-rua

Fo dalan ba nia molok hahoris

Líder, wai-hira hasoru feto ida nebe hanoin nia isin-rua lori kedas nia ba service saúde. Iha neba nia sei ba halo exame mi nian eh ran atu hatudu katak nia isin-rua. Wai-hira exame ne’e los karik, importante katak isin-rua hahu ona ko’us.

Hanorin sira molok atu hahoris ne’e halo atu tulun kosok oan no inan wai-hira isin rua liu hôsi  tulun doutor sira nian, hôsi hahan sira konaba psicologia nian no komunidade nian.

Isin-rua hot-hotu iha direito atu iha tempo nebe hako’us no tur ahi sei haré sira hôsi ema especialista no preparado di’ak. Di’ak fo hanoin katak isin-rua ida-idak la hanesaan no isin-rua sei hetan hanorin ne’e wai-hira nia ko’us witoan liu maka consulta dala neen iha nia isin-rua.

Iha tempo isin-rua ne’e bele hetan no bali moras balu nebe halo aat inan no kosok oan. Hodi hatene oin sa tempo isin-rua ne’e di’ak wai-hira isin-rua bele buka hôsi nia direito no mos bele hôsi nia hetan cuidado hanorin sira nebe simu.

Fulan tolu ba dala uluk isin-rua.

Isin-rua iha direito:

• Simu cartão isin-rua nian iha hahu ko’us. Iha nia sei hakerek buat sira nebe konaba isin-rua nian;
• Sei hatene ho fulan hira nia ko’us ona no loron sa bele moris kosok-oan;
• Simu hanorin sira oin sa ha di’ak liu;
• Simu hanorin konaba hasusu;
• Simu hanorin konaba haré didi’ak nia isin;
• Simu hanorin konaba vacina hasoru tetano;
• Hatene oin sa nia tensão no nia todan;
• Fo hatene ba nia konaba sinal sira nebe bele hetan susar iha isin-rua;
• Halo exame geneológico: haré susun sira nian, kaer vagina(haré hôsi kraik) no, wai-hira la haré iha tinan ikus liu, bei-beik, atu labele hetan moras cancro iha colo útero nian;
• Sukat nia kabun atu acompanha tuir ma’i kosok oan nian;
• Hatene iha nebe kosok oan hela iha nia kabun no oin sa baku nia fuan oan ne’e;
• Halo exame ran atu haré anemia, isin midar, sifilis, isin modok, aids no hatene nia ran tipo sa;
• Halo exame mi nian atu haré enfecção seluk ruma no moras selu-seluk;
• Simu tan besi no acído fólico.

Isin diak inan nian no kosok-oan nian  tuir buat nebe hala’o molok tur ahi.

Buka atu labele hetan moras wai-hira Isin-rua

Buka atu labele hetan moras maka di’ak liu oin sa ita evita moras ruma nebe bele mosu wai-hira isin-rua. Hanesan moras sira ne’e bele la hatudu sinal ruma eh sintoma ruma, maka importante isin-rua buka atu labele hetan sira no hala’o hanorin sira nebe molok tur ahi. Moras sira ne’e ruma maka:

Tetano neonatal Tetano neonatal (moras loron hitu) ne’e infecção ida nebe iha wai-hira kanek iha husar no bele evita atu la hetan hôsi vacina hasoru tétano. Iha isin rua nia laran feto nebe isin-rua sei hanorin sira konaba vacina ne’e. Nune’e , la os de’it hatau isin hasoru moras ne’e maibe tulun mos isin di’ak nia kosok oan nian.

Barak eh witoan isin-rua sei simu depende vacina nebe nia simu tiha ona eh la simu, dose vacina naran ida.

Situação isin-rua nian	Dose sira nebe preciso	Intervalo wai-hira hala’o
Seidauk vacina	Simu dose tolu	Loron neenulu, dose ikus liu hala’o loron ruaanulu molok tur ahi
Simu dose ida eh rua	Halo Hotu dose tolu	Husik halo dose ba dala tolu besik liu ba loron rur ahi
Simu dose tolu iha tinan lima ikus nian	La precisa halo tan
Simu dose tolu liu ona tinan lima	Simu tan dose ida

Sífilis maka moras ida nebe da’et hôsi hola malu no la susar cura, Maibe wai-hira la halo tratamento, bele sai boot ba isin-rua no ba kosok oan. Tan ba ne’e, tuir hodi haré isin-rua sei halo hahu kedas wai-hira feto hatene katak nia isin-rua.

Wai-hira doutor, hôsi exame ran nian haré katak isin-rua iha sífilis, nia sei halo tratamento mos ba isin-rua nia kaben.

Toxoplasmose

Hatene mos hanesan “Moras”busa” toxoplasmose bele da’et hôsi inan ba kosok oan wai-hira isin-rua.

Buka labele kaer busa ten, sira nebe isin-rua sei hala’o hanorin sira molok tur ahi, wai-hira halo karik exame atu hatene nia iha karik ona moras ne’e. Di’ak mos fase didi’ak modo tahan sira ai-fuan sira no buka labele ha na’an matak no te’in ladun tasan.

AIDS

Aids moras ida nebe aataca ita nia isin nia defesa sira. Wai-hira haré hetan moras ne’e iha hahu isin-rua lalais liu halo tratamento no nune’e, iha liu biban atu kosok oan moris la ho virus nebe fo moras (HIV). Tan ba ne’e, isin-rua hotu sei halo exame atu hatene iha karik virus HIV wai-hira nia isin-rua.

ATENÇÃO: Feto nebe iha virus HIV labele fo susu, tanba moras bele da’et ba nia kosok oan hôsi susu ben inan nian. Hanorin oin sa fo han kosok oan sei halo hôsi ema nebe serviço saúde nian.

Neon moris konaba bele hetan susar wai-hira siin-rua

Iha bei-beik sente tauk no ansia iha momento balu iha fulan tolu ba dala uluk isin-rua nian. Fila fiai, iha hahu hôsi fulan ba dala haat isin-rua nian maka feto sira hahu sente metin no lia koalia konaba isin-rua ho hakmatek liu.

Isin-rua balu maski simu tratamentu bele lakon kosok oan. Wai-hira ne’e mosu, feto precisa tama hospital no halo raspagem ida nebe koir hamos nia útero laran. Raspagem halo atu labele halo ran fakar no infecção.

Lakon oan ida, iha situação sa de’it, fo bei-beik terus. Tulun hôsi família no hôsi líder tulun feto atu simu di’ak liu terus nebe hetan lakon kosok oan.

Lider, manan todan hahu hôsi hahu isin rua. Isin rua bokur liu karik, nia bele hetan mi midar no tensão as. Moras sira ne’e bele halo lalais tur ahi eh kosok oan  sira moris todan liu.

Sinal sira perigu nian iha fulan ba dala tolu ba isin-rua

Importante ba isin-rua no família hatene haré sira, sinal sira perigo nian iha fulan tolu uluk nian ba isin-rua nian.

Líder, neon moris wai-hira isin-rua hatudu:

Hanorin familia atu buka kedas hospital wai-hira isin-rua hatudu sinal sira susar nian ne’e ida.

Caderno líder nian

Naran Kosok oan Naran ida nebe kous/Inan............................................................................................ 1.Kosok Oan Moris Iha: ...../...../...... moris mai todan......grama sira 2.Moris mai ho todan la to’o(la to’o grama 2,500)? La’e ( ) sim ( ) 3.Ho idade sa labarik hahu Hola: Be Fulan Ai-fuan ben fulan Susu ben (rahun, karau no bibi) fulan Sedok modo tahan/legume fulan Hahan seluk fulan Chá fulan Ai-fuan nebe de’ut rahun fulan Etu ho koto fulan Na’an, na’an laran fulan 4.Kosok oan halo fulan neen moris, susu deit iha inan hirus matan? Los ( ) Labele, hola mos be, chá ai-fuan ben susu ben ho haan sira seluk ( )

---

Indicador sira acompanhamento nian ba isin-rua

Caderno Líder nian ne’e sasan ida atu organiza isin-rua sira no labarik sira la to’o tinan neen hôsi sira nia comunidade. Iha caderno, ita, líder, hakerek fula-fulan resposta sira hôsi indicador sira hôsi isin-rua sira no labarik sira nebe acompanha.

Indicador sira ne’e importante tebes tan ba bolu atenção ba buat sira nebe sei halo tuir. Indicador Pastoral Labarik nian atu ladun susar ba líder sira, família sira no ba sira hotu nebe serviço iha Pastoral atu hatene oin sa moris hôsi isin-rua no labarik sira nebe sira acompanha no precisa hôsi sira atenção ida oin seluk.

Indicador pergunta sira nian hôsi 19 to’o 26 hatudu oin sa isin di’ak isin-rua nian no sira iha acesso ba Serviço Saúde.

Líder, wai-hira ita hahu acompanha isin-rua ida, loke caderno líder nian iha tahan nebe iha leten hakerek naran isin-rua nebe dehan: Naran Isin-rua nian/Inan. Hafoin simu ba pergunta sira 19 no 20, nebe konaba fulan isin-rua nian no visita.

Iha Caderno Líder nian:

• Iha pergunta 19 hakerek fulan nebe ko’us
• Iha pergunta ruanulu hakerek(L) (Los) wai-hira de’it:

- ita bele halo visita actividade sira nebe fo hôsi quadro tuir Visita Uma, tuir fulan ko’us (tahan 62, 78 no 89).

Líder, iha guia ne’e, liu tiha fulan tolu isin-rua no iha idade labarik nian iha quadro ida nebe hakerek iha leten Visita ba Uma. Iha ne’e hakerek dalan nebe preciso koalia hodi halo tuir iha família iha visita ida-ida. Iha mapa ne’e ita haré lia sira nebe importante ba isin-rua ida nebe hakmatek no ba isin di’ak no ma’i labarik nian.

VISITA ba UMA Iha visita sira ne’e importante maka ne’e: * Fo no le ho isin rua cartão hôsi TALI DOMIN NIAN tuir hanorin nebe hetan iha página 23 GUIA nian; * Koalia konaba cuidao sira nebe importante liu iha isin-rua liu-liu, hôsi página 33,40,41 no 42; * Koalia konaba sinal sira nebe bele halo susar hôsi página 59; * Koalia konaba hala’o isin rua.

Hanoin ruma konaba serviço etapa Capacitação ne’e nian.

Hanoin ida nebe isin-rua no entrega tali Domin nian (pág 24)

Etapa ba dala haat capacitação nian

Atu haré didi’ak no hala’o hodi hanoin

• Oin sa ita nia visita ba isin-rua?
• Ita bele duni koalia ho nia konaba buat nebe ita haré to’o iha ne’e?
• Iha karik buat ruma sei dauk hatene lolos bele explica lolos oras ne’e?
• Iha karik lia tatoli ruma, oração no liafuan ruma biblia nian nebe bele hala’o kmanek moris nian no hahalok nebe ita iha ho ita nia maluk sira ho isin-rua sira no sira nia família sira? Hanoin ida maka ne’e:

“No dehan ba sira: ‘se maka simu iha ha’u nia naran labarik oan ne’e nia simu hela ha’u rasik. No se simu ha’u, sei simu Ida nebe haruka ha’u mai. Tan ba ida nebe iha imi hotu leet ki’ik karik, nia maka sei boot liu’.” Lc 9,48

HARE Isin rua iha fulan ba dala haat, ba dala lima no ba dala neen ko’us 1.Buat sa maka isin rua sira hôsi ita nia comunidade hakara hatene liu iha tempo ne’e? 2.Isin-rua sira hôsi ita comunidade simu Cartão Isin rua nian wai-hira hala’o isin rua?

Iha fulan ba dala haat, ba dala lima, no bad ala neen isin-rua nian

Koalia konaba Kosok-oan

Kosok-oan hetok book liu tan. Wai-hira atu remata iha fulan ba dala haat, nia sukat centimetro 10 to’o 12 no todan besik grama 220 Iha fulan ba dala lima, susu lima-fuan no halo oin aat. Loke no taka matan, book ain no liman. Iha fulan ne’e kosok oan ma’i barak, bele to’o centímetro 25 no todan to’o grama 500

Iha fulan ba dala neen, hahu boot eh hahu desenvolve rona, horon sente no kan iha kosok oan. Haré ikus liu hôsi sentido sira atu desenvolve. Kosok oan book ona aan hasoru buat sira nebe nia haré hôsi liur, hanesan roman no música no mos hatene tarutu oan sira nebe halo hôsi nia inan, hanesan tarutu nia fuan nian.

Kosok oan book aan ba lian sira seluk no inan nia lian. Aman-inan sira bele halo oração no hananu besik nia. Wai-hira iha ona oan sira seluk di’ak liu buka sira halo koalia ho nia maun alin oan, salau kabun inan nian. Ne’e aumenta ligação família ho kosok oan.

Koalia konaba Isin-rua

Iha fulan tolu ne’e, isin-rua sente di’ak liu no ksolok, tan ba nia isint oman ona ba mudança sira nebe hetan wai-hira isin-rua.

Iha fase bai-bain ne’e masu risca metan ida be ba hôsi kabun nia okos to’o husar. Iha oin bele mosu mancha metan. Ba mancha sira ne’e atu labele aumenta, di’ak liu ba isin rua taka tiha oin hôsi loro, tau chapéu boné eh sumbrelu.

Iha fulan ba dala lima, ida nebe atu inan ne’e sente kosok oan book aan barak liu. Nia hahu tempo book aan liu iha oras ruma iha loron. no mos halo iha tempo sira descansa.

Iha fulan ba dala neen, kabun mosu di’ak lolos ona. Isin-rua aumenta todan tan witoan fula-fulan. Nia bokur resik karik bele iha moras iha ruin kotuk, iha risco iha susun no kabun. Wai-hira koi risco sira di’ak liu ho masa ida halo ho maisena eh goma no be malirin witoan.

Di’ak aman-inan sira koalia nafatin ho kosok oan. Wai-hira ida ne’e laos karik oan kawa’ik di’ak halo oan sira seluk tama iha koalia ne’e. Nune’e, labarik oan sira bele hatene no simu di’ak liu to’o mai maun alin foun ne’e tulun atu hatene katak sira seluk la heuwai eh ses tiha liu tiha moris kosok oan nian.

Wai-hira ko’us, casal balu hakara liu no sira seluk ladun hakara atu iha relação sexual.

Casal bele iha nafatin relação sexual. Maibe wai-hira isin-rua iha karik ran, lakon be eh moras tebes ne’e maka sei labele iha relação sexual.

“Domin sei lolos. Ses tiha hôsi aat, no imi kaer metin iha di’ak. Tan ba domin maun alin sei hamutuk malu ho domin kwesek, Hodi hanoin buka hare malu didi’ak. Rm 12,9-10

Hasusu hôsi nian

Líder sei koalia nafatin ho isin rua no ho família konaba fo susu-ben inan nian. Sei hanorin katak fo susu-ben inan nian hahalok ida di’ak liu, folin ki’ik no la susar fo ha kosok oan.

Susu-ben hôsi hirus matan iha buat hotu nebe kosok oan precisa atu ma’i la de’it substancia sira (anticorpos) nian nebe hetan hasoru moras sira. Ho susu-ben karau waka nian eh iha kalen bele halo hetan moras no sala iha kahur. Ne’e, tan ba la iha anticorpo sira, bele halo aat isin kosok oan nian.

Wai-hira kosok oan hemu de’it hôsi susu-ben inan, hatau liu nia hasoru sasukuk, kabun mora no tilun moras.

Kesar sira be iha bei-beik

Anin iha kabun, digestão aat no laran moras

Ne’e fo tan ba útero ma’i no dudu han fatin no te-oan, hodi halo susar digestão hahan sira nian. Di’ak isin-rua atu haré didi’ak hahan sira nebe fo isin todan, baruk no sei labele ha sira, la ne’e de’it maibe toman aan ho hahan sira nebe di’ak, ha iha oras, atu la hetan incomodo sira ne’e. Salsa, ailia no chá du’ut morin tulun atu labele iha resin anin iha kabun laran.

Ba digestão di’ak, preciso buat sira ne’e ruma hanesan:

• Sei han liu hahan sira nebe foin halo;
• Han hahan sira nebe nakonu iha fibra sira: modo tahan, ai-fuan, centeio, aveia, la ne’e deit maibe sira seluk tan;
• Labele ha doce, hemu chá metan, chá mate, café no hemu be malirin, tan ba bele fo anin no laran manas
• Ha nei-neik, naata didi’ak hahan sira;
• Labele ha hahan bokur resik eh maran liu;
• Hemu be barak, wai-hira ha, labele ha buat nebe manas liu eh malirin liu;
• Ha witoan wai-hira ha;
• Labele husik liu oras tolu ha;
• Buka labele hola tempo barak tur eh toba.

Líder, wai-hira isin-rua hetan laran manas hanorin nia atu labele hemu susu-ben malirin hanesan aimoruk labele toba kedas ha liu tiha no toba ho sumasu aas.

Bubu, uat sira sai eh ain-kabun naksa’ek

Wai-hira isin-rua ain sira bai-bain bubu. Bele mos mosu uat sira iha ain eh iha vagina. Ne’e mosu tan ba útero todan liu no hasusar ran la’o.

Atu halo ran halai di’ak, di’ak ba isin-rua hatais hena luan no ha hahan ho masin uitoan. Sente isin la di’ak tan ba ain-uat sira mosu no ain sira bubu hatun wai-hira isin-rua la’o, bei-beik no wai-hira bele, tur ho toba ain ba leten.

Di’ak labele tau meias ho elastico nebe metin liu no sapato sira nebe ho sola namdoras.

Ain kabun naksa’ek mosu wai-hira isin-rua ladun book aan no wai-hira mineral ruma la iha nia isin. Atu hatun ain-kabun naksa’ek isin-rua sei hamriik no halos ain no dada ain-fuan ba leten ho liman. Kumu no buka labele hela tempo barak iha fatin ida de’it mos tulun.

Nu ben, hudi, sabraca no koto maka hahan nebe bele tulun atu ain-kabun labele naksa’e

Moras kidun mean maka uat sira nebe mosu iha ten boot nia rohan. Isin-rua bele kesar mos nia ten metin. Wai-hira ten sira la funciona lor-loron, moras kidun mean sai boot no bele ran.

Atu ten oan sira funciona di’ak, di’ak hemu be barak la’o no ha liu hahan nebe nakonu ho fibra sira hanesan ai-fuan no modo tahan.

RAN MUTIN-MODOK HÔSI VAGINA

Hormônio sira isin-rua nian bele fo ran mutin-modok. Atu hamos ran ne’e, isin-rua precisa fasi fatin ne’e hôsi liur de’it no hamara di-di’ak.

Wai-hira isin-rua kesar ran ne’e ho katar no dois, precisa nia ba to’o serviço saúde atu haré didi’ak no simu tratamento. Dala ruma doutor fo mos aimoruk ba nia kaben. Wai-hira halo tratamento lolos moras sira ne’e lakon kedas.

Isin bubu no tensão aas Wai-hira, dader kedas isin-rua ulun fatuk moras eh ain-bubu eh liman no oin precisa lori nia ba serviço saúde urgência nian.

Tensão aas, no lakon proteína hôsi mi no isin bubu ne’e maka sinal sira hôsi Pré-Eclampsia ne’e bele resolve ho iha liu atenção iha consulta wai-hira isin-rua nian, descansa no hemu aimoruk. Dala ruma di’ak liu tama iha hospital.

Wai-hira labele simu tratamento lolos, bele halo aat liu hodi hetan isin manas boot. Iha tempo ne’e ita bolu moras Eclâmpsia, problema boot no bele lori mate ba isin-rua no ba kosok oan.

Moras ran midar Moras ran midar mosu wai-hira masin-midar iha ran (glicose) sinal sira bei-beik maka:

• Hamrok tebes;
• Mi barak;
• Kole, isin fraco, oin halai;
• Haré karabus;
• Hakara ha barak;
• Lakon todan.

Wai-hira isin-rua bele mosu buat rua konaba ran midar:

• Feto ne’e iha ona ran midar wai-hira hako’us;
• Ran-midar isin-rua nian; mosu ba dala uluk wai-hira isin-rua.

Wai-hira hanesan ne’e preciso haré didi’ak isin-rua bali labele ha nara-naran no halo exercício isin nian, tulun bele bali moras. Oin seluk preciso hola ai-moruk.

Haré no bali moras konaba ran-midar sei halo tuir exame wai-hira hetan isin-rua. Kosok oan moris liu tiha preciso halo foun fali exame atu haré oin sa isin di’ak inan nian.

“Oan, ó moras karik, labele husik de’it,maibe harohan ba Na’i, no nia sei cura ó.Ba buka doutor tan ba mos Na’i halo nia. No nia sei la dok hôsi ó tan ba ó precisa nia servico.” Eclo 38,9.12

Cartao isin-rua nian

Cartão isin-rua nian iha hanoin sira nebe importante tebes ba isin di’ak isin-rua nian no ba nia kosok oan. Nia direito ida maka sei foba nia iha consulta ba dala uluk. Isin-rua sei lori cartão iha consulta sira hot-hotu.

Iha cartão isin-rua hakerek ona moras sira uluk nebe isin-rua hetan, buat sira hotu nebe konaba isin-rua daudaun ne’e no ma’i kosok oan nian, resultado exame sira nian iha neba ita hetan iha loron sira consulta nian.

Líder, iha ita nia visita sira nebe ita halo ba isin-rua sira sei husu bei-beik atu haré Cartão Isin-rua nian no haré didi’ak:

• Oin sa vacina contra tetano(haré página 56 Mata Dalan ne’e);
• Semana isin-rua (A) (IG semana sira =loron hira isin-rua nia);
• Isin-rua tetu (B) no sukat nia tensão arterial; (C)
• Sukat aas utero nian (D) (haré página 74);
• Hakerek tiha ona curva no aas utero nian tuir loron sira isin-rua nian.

Consulta Nº	1	2	3	4
Loron
IG Semana sira	(A)
Todan	(B)
Tensão(mm Hg)Edema (+a4+) □	©
Aas Utero Nian(cm)Apresentação	(D)
BCF/MOV.FETAL	/	/	/	/

Iha Consulta sira tuir mai, sei hakerek: A.Nia ran tipo sa no fator RH positivo eh negaativo karik; B.Resultado exame ran nian konaba ran, la iha(aanemia); C.Resultado exame ran nian konaba ran midar(diabetes); D.Resultado exame ran nian konaba Sífilis; E.Resultado exame mi nian atu hatene isin-rua iha karik infecção iha mi fatin eh lakon proteína. F.Resultado exame ran nian konaba HIV/Aids G.Resultado exame ran nian konaba moras isin modok konaba hepatitis B; H.Resultado exame nian konaba toxoplasmose.

TABELA

Iha nia visita ba isin-rua Líder sei haré Cartão Isin-rua nian no fo hanoin atu nia mosu ba consulta isin-rua nian. Tan ba iha consulta ne’e nia bele hetan problema barak konaba isin-rua.

Haré oin sa Ma’i Kosok oan nian

Buat nebe hein hôsi isin-rua ida maka kosok oan ma’i iha fulan tomak.Atu acompanha ma’i ne’e bele usa hanesan sasukat aas útero nian. Ne’e halo iha consulta sira isin-rua nian, sasukat ne’e sei hakerek iha cartão isin-rua nian, tuir ho semana isin-rua nian.

Ida ne’e bele haré hôsi fatin rua Cartão Isin-rua nian:

• Iha fatin laran, nebe konaba isin-rua ida ne’e, sei hakerek aas útero nian iha centímetro;
• Iha Grafico Curva Aas Úterus nian/Idade Isin-rua, nebe haré curva sira percentagem nian(P 10 no P90) Gráfico ida ne’e hela iha sorin liuuur cartão nian

IG Semana sira
Todan (Kg)
IMC
Tensão (mm Hg)Edema (+ a 4 +)
Aas Utero Nian (cm)Apresentação
RCF/Mov. Fetal
NARAN IDA NEBE HALO SERVIÇO

Wai-hira kosok oan ma’i la hanesan ita hein

Iha gráfico curva útero nian, wai-hira sukat hela iha kra’ik curva P 10, kosok oan ne’e ma’i la hanesan ita hein

Ne’e bele halo nutrição la di’ak hôsi nia inan tensão aas, toman fuma, ran la iha, selu-seluk tan.

Wai-hira kosok oan mai liu hôsi ita hein Ma’i ne’e bele aas liu Curva P90 wai-hira isin-rua hein kaduak, iha ran midar, se-seluk tan.

 * Iha Caderno Lider nian la os de’it lia husu 19 no 20, sei hakerek: * Iha lia husu 21 hakerek [S] wai-hira isin rua ba serviço saúde atu consulta isin rua nian. * Iha lia husu 22, hakerek [S] wai-hira isin rua ema simu iha consulta isin rua. * Iha lia husu 23, hakerek [S] wai-hira iha nia útero nia as sukat iha consulta. * Iha lia husu 24, hakerek [S] liu tiha hare didi’ak tiha Cartão Isin rua no aas útero nian hare hôsi curva nia okos P 10 * Iha lia husu 25, hakerek [S], hare liu tiha iha cartão isin rua nian aas utero nian hela liu leten curva P 90 * Iha lia husu 26, hare liu tiha iha Cartão isin rua nian eskuema halo vacina nian, hakerek [S] wai-hira tuir los loron sira, tuir eskuema vacina nian hôsi nia distrito.

Líder, direito ida ba isin-rua atu sukat aas útero nian no hakerek iha Cartão Isin-rua nian no consulta sira isin-rua nian. Iha fatin sira nebe sukat ne’e sei dauk hakerek, di’ak atu ita koalia ho sira nebe iha knaar ida ne’e hôsi serviço saúde atu hatudu katak ita bele sai parceiro iha promoção isin di’ak nian.

Wai-hira hanesan ne’e isin-rua precisa liu atenção ita nian, líder nian no medico isin-rua nian.

Sinal sira perigo nian iha isin-rua Importante katak isin-rua no nia família hatene haré sinal sira perigo nian iha isin-rua oin sa. Líder, sei hanorin familia atu buka kedas hospital wai-hira isin-rua hatudu sinal sira ne’e ida:

Halo ho isin-rua no nia família hanoin ida ba buat ruma mosu la hatene tuir, wai-hira haré sinal ruma perigo nian:

• Oin sa lori isin-rua ho sinal perigo nian to’o hospital hakerek hospital fatin iha nebe no telephone.

...................................................................................................................... ...................................................................................................................... ......................................................................................................................

• Se ma ka bele hamuutk ho isin-rua ne’e? Hanesan kaben bele fo hatene?

...................................................................................................................... ...................................................................................................................... ......................................................................................................................

• Se maka bele haré isin-rua nia oan sira seluk to’o wai-hira nia fila ba uma?

...................................................................................................................... ...................................................................................................................... ......................................................................................................................

Visita ba uma Sira Iha visita sira ne’e importante:

• Husu isin-rua kesar ruma eh hanoin ruma wai-hira isin-rua no oin sa ita bele tulun;
• Koalia konaba sinal sira perigo nian;
• Fo no le ho isin-rua cartão konaba Tali Domin nian konaba fulan isin-rua nian tuir hatudu iha página 23 hôsi mata dalan ne’e.
• Simu lia husu sira hôsi Caderno Líder nian

Hanoin hôsi knaar Etapa capacitação ida ne’e

Líder, sei ba visita isin-rua ida nebe ita hakerek tiha ona hôsi nia comunidade:

• Sei haré didi’ak kosok oan mai hôsi curva ma’i aas útero nian;
• Hakerek hanoin hôsi buat mosu la hatene tuir ho isin-rua.

Etapa ba dala lima capacitação nian

Atu haré didi’ak no hala’o hodi hanoin

• Visita ba isin-rua ne’e oin sa?
• Buat sa maka ita dehan hôsi ita nia knaar Pastoral Labarik nian?
• Halo hamutuk ho grupo hanoin ba buat nebe mosu la hatene tuir nebe ita halo ona.
• Iha lia tatoli ruma, oração knananuk ruma biblia nian nebe hala’o kmanek moris nian no hahalok nebe halo ho ita nia maluk sira, isin-rua sira no nia família sira?

Hanoin ida maka:

Ita boot di’ak liu feto hot-hotu no ita boot nia oan di’ak liu” Lc 1,42

Haré Iha fulan ba dala hitu, dala walu no dala sia isin-rua nian, tur ahi no kosok oan moris 1)Buat sa maka isin-rua sira hôsi ita nia comunidade hakara hatene konaba tur ahi no kosok oan moris? 2)Sistema isin di’ak hôsi distrito nian bele halo oin sá tur ahi di’ak ida ba isin-rua sira?

Iha fulan ba dala hitu, dala walu no dala sia Isin-rua nian

Koalia konaba kosok oan

Iha fulan ba dala hitu isin-rua nian, kosok oan sukat ona kala centímetro 40 no todan kala kilo ida. Nia kakutak boot ona, nia sente ona moras no hatene ona romaan maka’as besik kabun inan nian.

Hahu fulan ba dala walu fatin nebe kosok oan hela ba la luan ona, no nia hela bei-beik ho ulun ba kra’ik hadi’a aan atu tur ahi. Ho ne’e, hanehan fila fali mamik inan nian no nia hakara tebes mi.

Iha fulan ikus isin-rua nian, todan kosok oan ida nian kala besik kilo tolu no grama atus tolu (3,30 kg) no nia boot ba hôsi centímetro 48 to’o 52, tuir feto eh mane.

Di’ak ba aman-inan sira koalia ho kosok oan, koalia oin sa sira sente oras ne’e atu moris besik daudaun ona. Ne’e sei halo moris tali domin nian ho kosok oan no ba hametin relação kosok oan ho nia aman-inan nia moris liu tiha.

Líder, iha tempo isin-rua ida ne’e kosok-oan sei manan kala kilo rua eh hanesan, baibain sira nia todan wai-hira moris. Tan ba ne’e importante tebes maka inan manan todan iha fulan sira isin-rua ne’e.

Koalia konaba isin-rua

Iha fulan tolu ikus nian, uat sira susun isin sira nian mosu liu tan. Kabun boot tebes, husar bele sai liu no Útero (útero) dudu knosen-ruin sira no habit aatebook sira. Isin-rua ida-idak hatudu kabun oin selu-seluk: ne’e sai tuir ho isin feto nian, ho todan tan wai-hira isin-rua no mos kosok-oan nia boot.

Iha fulan tolu isin-rua ikus nian, isin-rua sei buka serviço witoan no descansa liu. Nia halo karik serviço todan no kole barak bele to’o moris molok tempo tan ba ne’e isin-rua preciso simu tulun hôsi nia kaben no hôsi família iha knar sira uma nian eh iha nebe nia preciso.

Di’ak liu isin-rua toba fila fali ba sorin karuk. Nune’e todan útero nian la habit uat sira principal kabun nian.

Hakara hasusu ne’e buat ida nebe importante atu hetan di’ak hôsi hasusu nian. Buat seluk nebe bele influencia maka: inan nia haka’as aan, tulun nebe inan simu iha loron sira ba dala uluk no kaer didi’ak kosok oan iha hirus matan.

Iha ba visita sira iha fulan sira ikus nian ne’e di’ak tebes atu hanorin isin-rua konaba kaer didi’ak no oin sa hasai susu-ben hôsi nia susun hodi hois. Nune’e nia di’ak liu no hakmatek ba hasusu sira ba dala uluk. Kaer didi’ak hanorin iha página 112 no hois iha página 170

Iha koalia sira, la os de’it hanorin isin-rua atu hasusu nia kosok oan maibe mos di’ak buka hatene sa ida maka nia sente no hanoin konaba hasusu susu, atu bele tulun nia tuir buat nebe nia precisa.

Inan sira nebe oan ba dala uluk bele tauk atu hasusu. Inan sira nebe la hetan resultado di’ak hasusu nia oan sira seluk sira sei precisa tulun atu bele hasusu kosok-oan foun. Tulun di’ak ida buka isin-rua hasoru malu ho inan sira nebe fo susu tiha ona eh sei fo fo susu hela.

Tulun Buka Isin-rua Sira

Ita haré to’o oras ne’e oin sá importante buka hatene no acompanha isin-rua sira bele lalais liu, atu tulun sira iha isin-rua ida nebe di’ak no tur ahi ida di’ak.

Atu tulun liu tan líder sira iha knar ba buka isin-rua sira hôsi sira nia comunidade Pastoral Labarik nian fo hanoin ba buka isin-rua sira iha fulan tolu-tolu: Fevereiro, Maio, Agostu no Novembro. Iha fulan sira ne’e Líder sira hili loron ida eh liu tan atu visita uma sira hotu hôsi comunidade hodi buka isin-rua foun sira atu hanorin sira berani simu hamutuk nafatin atu acompanha hôsi Pastoral labarik nian no hahu hetan hanorin molok tur ahi.

Maski isin-rua lakohi atu tau naran iha visita ba dala uluk, sei fo ba nia cartão sira Tali Domin Nian no Ukun fuan saanulu Ba Dame iha Família. Ho laran Kman, buka nafatin haka’as aan ba visita isin-rua no fo ba sira cartão sira fula-fulan to’o nia toman tiha ho nia visita no simu tau naran no acompanha nia. Isin-rua ida-idak nebe ita manan, sei hala’o hodi hanoin!

“No dehan ba sira: Ba mundo tomak no haklaken ha’u nia liafuan Foun ba ema tomak!” Mc 16,15

Kesar sira bai-bain nian

Moras iha kotuk no kole

Iha fulan tolu ikus liu isin-rua nian, nia kole liu no ho moras iha kotuk, tan ba kotuk ruin la hela iha fatin. Moras iha kabun okos tan ba todan kosok oan nian iha útero. Atu hamenus sente la di’ak sira ne’e nia precisa descansa ho ain foti dala barak iha loron ida nia laran.

Susar atu toba no hanoin oi-oin

Dala ruma susar ba isin-rua hetan fatin di’ak atu toba tan ba nia kabun boot. Di’ak hanorin nia toba fila ba sorin karuk no tau sumasu sira hodi tane atu hamenus la sente di’ak ne’e. Wai-hira matan dukur mos tama netik iha klaran hôsi hanoin sira ho oras tur ahi nian, nia sei dada is nei-neik no klean molok toba atu tulun nia sente di’ak no halo nia dukur di’ak liu.

Líder ita bele lori isin-rua koalia konaba nia susar sira ho nia kaben, família eh ho ita, tan ba ne’e tulun bei-beik hamenus nia hanoin oi-oin sira.

Sente manas iha kabun

Sente manas iha kabun mosu bei-beik iha ha hotu tiha líder iha ne’e hanorin isin-rua atu labele hemu be wai-hira ha, ha witoan no han bei-beik, no buka halo hahan oi-oin, halo hahan sira nebe ben eh belit. Nune’e digestão ladun susar.

Atenção-Isin-rua la sente karik kosok oan book aan iha kabun laran eh book aan liu resin, liu oras sorin balu, sei buka kedas hospital.

Sinal sira nebe mosu molok tur ahi

Semana ruma molok tur ahi isin lolon isin-rua nian liu hôsi forma oi-oin atu hadi’a aan ba tur ahi :

• Kosok oan hela iha inan nia kabun kidun liu, ne’e haaneha iha kabun kidun, dala ruma hamutuk ho moras iha kotuk;
• Kabun toos dala barak liu-no isin dada aan, nebe to’o oras ne’e ladun no la moras, sai maka’as liu;
• Foer nebe mai hôsi vagina barak liu no dala ruma nia cor hanesan ai-funan rosa, mosu tan ba uat oan ruma nakotu ne’e mosu tan ba kosok oan tun no buka fatin atu moris.

Líder iha fulan tolu ikus isin-rua nian, nia labele halo serviço todan. Wai-hira nia halo serviço todan kosok oan bele to’o moris molok tempo. Maibe halo serviço kmaan no exercicio sira tulun tur ahi.

Hanoin atu tur ahi di’ak

Líder iha nia visita sira ba isin-rua iha fulan sira ikus liu isin-rua nian, halo di’ak koalia ho nia ho nia família konaba buat sa maka prepara ona ba tur ahi no moris kosok oan.

Ita bele husu ba isin-rua hatene hospital nebe maka nia sei iha nia kosok oan ba. Wai-hira hela dook karik hôsi hospital di’ak fo hanoin nia atu ba hela iha fatin ida nebe besik. Wai-hira nia iha karik oan seluk, importante kombina ho nia maluk ruma eh ema ruma nebe nia hatene atu haré labarik sira seluk wai-hira nia iha hospital.

Kolia mos konaba nia tur ahi ne’e oin sa. Hanorin katak di’ak liu kosok oan moris hôsi tur ahi bai-bain (hôsi vagina). Wai-hira moris hanesan ne’e kosok oan isin moris liu no hakara susu kedas susu ben nebe sai uluk (Colostro) iha kedaan oras sira ba dala uluk moris nian (haré página 97).

Tur ahi bai-bain di’ak liu mos ba inan. Nia sente ladun moras tur ahi liu tiha no isin di’ak lalais. Ho ne’e, nia sente di’ak liu haré nia aan rasik no haré kosok oan. Opera (cesariana) bele halo deit wai-hira precisa.

Iha oras ba hospital, isin-rua precisa lori: Nia cartão isin-rua nian; Surat ida nebe bele dehan nia se, carteira serviço nian, surat kaben eh moris nian; Sacola ida ho nia hena, sasan sira feto nian no hena ruma ba kosok oan.

Kaben, no ema sira nia família eh belun nebe hela besik, precisa hatene sinal sira servico hahoris nian (pag 90) no hatene ba nebe sei lori isin-rua. Nune’e, sira sente di’ak liu atu buka hospital iha oras lolos.

Sinal sira oras tur ahi nian besik daudaun bele sai oin-selu-seluk hôsi feto ida ba feto seluk no mos hôsi isin-rua ida ba isin-rua seluk. Bai-bain serviço tur ahi ba oan dala uluk kleur liu.

Sei halo hanoin ida konaba tur ahi nian ho isin-rua ida-idak ho nia família tuir hanorin sira iha página 89

Ba haré servico saúde

Líder, sei ba haré serviço saúde nian nebe simu nia comunidade hatudu nia se no haktuir witoan konaba serviço Pastoral Labarik nian nebe hala’o iha comunidade sira liu hôsi sira nebe hakara serviço rasik. Sei buka hatene no hakerek hanorin sira nebe iha kraik atu hanorin di’ak liu isin-rua nebe ita acompanha:

• Nia naran sa, nia hela iha nebe no telephone unidade saúde nian?

...................................................................................................................... ...................................................................................................................... ......................................................................................................................

• Oin sa hala’o isin-rua (loron, horas, no simu ema oin sa, naran doutor nian/enfermeiro)?

...................................................................................................................... ...................................................................................................................... ......................................................................................................................

• Iha nebe halo tiha ona exame sira ran no mi nian?

...................................................................................................................... ...................................................................................................................... ......................................................................................................................

• Iha cartão isin-rua nian? Sukat aas utero nian hakerek iha cartão?

...................................................................................................................... ...................................................................................................................... ......................................................................................................................

• Doutor nebe ba bei-beik haré isin-rua nia duni maka hala’o hahoris?

...................................................................................................................... ...................................................................................................................... ......................................................................................................................

• Oin sa esquema halo vacina hasoru tétano halo iha distrito?

...................................................................................................................... ...................................................................................................................... ......................................................................................................................

Tuir buat nebe haré tiha ona, koalia nafatin ho isin-rua ida-idak oin sa nia hanoin tur ahi:

1)Hospital ida nebe isin-rua sei ba tur ahi? ...................................................................................................................... ...................................................................................................................... ......................................................................................................................

2)Se maka sei lori isin-rua ba hospital wai-hira nia iha serviço tur ahi nian ...................................................................................................................... ...................................................................................................................... ......................................................................................................................

3)Se maka sei haré oan sira seluk isin-rua nian iha tempo sira nebe nia iha hospital? ...................................................................................................................... ...................................................................................................................... ......................................................................................................................

Visita ba uma Iha visita sira ne’e, importante: Fo no le no isin rua cartão tali domin nian konaba fulan isin rua ida ne’e no hanorin página 23 Mata dalan ida ne’e; Husu ba isin rua iha kesar ruma eh hanoin ruma oin sa ita bele tulun; Koalia konaba sinal sira nebe bele perigo (pag 77); Iha fulan ba dala sia: -koalia konaba hanoin tur ahi nian; -hanorin ba familia sinal sira serviço nian konaba tur ahi nian(pag 90); -Fo no koalia mos konaba cartão”Kosok oan moris”, -hanorin atu isin rua oin sa hahu fo susu. Hatan baa lia husu sira caderno Lider nian.

Kosok oan moris

Sinal sira hôsi serviço tur ahi nian

Sinal balu hatudu katak hala’o tur ahi hahu daudaun:

• Lakon kulit nebe taka nia hanesan kulit elastico ida nebe taka kuak útero nian no hatan hasoru bacteria no fungos sira. Dala ruma, kulit be taka ne’e bele mosu loron balu molok hala’o tur ahi hahu lolos;
• Moras hahu mosu iha kotuk ba iha kabun kidun;
• Uat sira haka’as aan nebe hahu neineik kabun toos tiha kala iha Segundo tolunulu nune’e no hafoin di’ak fali. Dada aan sira ne’e mai bei-beik oras sorin balu-balu.

Família sei hanoin ona atu ba hospital tuir dook nia uma nian ho hospital. Besik karik, bele hein to’o isin dada aan ne’e mosu iha minutu sanulu-sanulu.

Atenção: Wai-hira isin-rua ida la sente kabun dulas, maibe hahu hasai be-wa’in, to’o suli hôsi kelen-ne’e sinal katak bolsa be nian nebe falun kosok oan nakfera ona. Precisa ba kedas hospital

Tur ahi

Moris mai, labarik oan hotu iha direito atu simu iha hospital no la selu, caderneta isin di’ak labarik nian. Iha nia sei hakerek dados sira atu acompanha labarik oan:

• Oin sa nia moris;
• Todan-tuir nia ma’i
• Vacina sira
• Moras sira nebe labarik oan iha

Iha caderneta ida ba mane oan no ida seluk ba feto oan, tan ba sira manan todan la hanesan

Labarik ida-idak sei iha de’it Caderneta isin di’ak nian ida. Ida ne’e sei hela ho aman-inan sira atu sira acompanha ma’i sira nia labarik nian. Ne’e surat ida importante tan ba ne’e precisa hanorin família atu sira rai didi’ak nia.

Vacina Sira Kosok oan moris ladun, tahan hasoru moras ruma. Tan ba ne’e preciso tahan nia ho vacina sira. Sei iha hela uma atu tur ahi ba, kosok oan sei simu:

• Dose ba dala uluk hasoru hepaatite B;

Dose ida hôsi vacina hôsi BCG, nebe tahan hasoru moras tafui ran nebe boot.

Líder haré didi’ak exemplo: kosok ida moris iha 20-1-2009 hakerek iha Caderneta isin di’ak nian:

Bei-beik matenek sira saúde nian hatudu ho lapis loron fila fali atu hala’o dose tuir mai vacina nian. Wai-hira vacina BCG la halo iha uma tur ahi ba kosok oan sei lori ba iha posto saúde atu simu vacina ne’e to’o loron ruaanulu resin walu hôsi nia moris.

Sinal Sira nebe bele fo susar ba kosok oan sira nebe foin moris Wai-hira foin moris kosok oan balu bele hatudu moras nebe bele hetan kedas karik la halo terus ba hot-hotu.

Atenção: Sei iha uma feto sira tur ahi ba, inan sei husu tulun wai-hira kosok oan hatudu buat ruma hanesan sinal sira ne’e * Lakohi hahan; * La ba li’ur; * Kidun kuak taka tiha; * Temperatura isin nian tun; * La mi; * Isin manas; * Kaben barak; * Ibun kulit, ain no liman roxo; * Susar atu hasa’e iis; * Kabularan manas; * Isin modok (icterícia) * Moris sei dauk to’o fulan

Haré nia ain oan Haré ain-oan ne’e halo ho ran turun sira nebe hasai hôsi ain-tubaan kosok oan nian, hahu hôsi loron ba dala tolu moris no hasusu tiha ona. Di’ak liu maka hasai ran ne’e sei halo iha loron ba dala tolu no loron ba dala hitu moris nian sira leet.

Haré ran ain-oan nian bele hetan moras nebe wai-hira bali kedas bele halo la hetan susar boot ba kosok oan.

La halo karik hasai rai hôsi ain kosok oan iha hospital, hanorin atu halo hasai ran ne’e iha posto saúde nian.

Surat moris nian

Surat moris nian maka surat ida nebe fo hôsi hospital no iha naran aman-inan sira nian no kosok oan nian. Ho surat ne’e aman-inan sira bele ba tau nia moris iha cartório no hasai surat moris nian.

Tur ahi liu tiha inan iha direito lecença tuir lei nebe hala’o iha Timor-Leste nia serviço

Lider, hanorin isin-rua importância Surat Moris nian no fo hanoin nia katak bat au naran ne’e sei halo kedas wai-hira bele

Hahoris Liu Tiha

Tempo liu tiha hahoris bolu tempo descanso. Inan bele hari’is no fase fuk iha kedas loron hahoris nian ne’e.

Kosok oan moris tiha feto hatudu ran sai hôsi vagina hanesan fulan no sei menos nei-neik. Importante hamos aan nafatin. Wai-hira ran saibarak, iis, nahisi eh sai ho tasak, precisa buka doutor, tan ba bele sinal kanek.

Iha oras atu sai hôsi hospital, sei ba hakerek wai-hira fila fali atu haré. Importante tebes ba inan mosu iha consulta ne’e, tan ba iha nia, doutor sei haré buat hotu di’ak eh lae ho nia isin.

Líder fo hanoin inan atu husu ba doutor katak fo receita besi. Inan sei hola ai moruk to’o labarik halo fulan tolu.

Hanoin sira konaba knaar iha tempo Capacitação nian ne’e. Visita serviço saúde nian no simu ba lia husu sira hôsi página 88 no 89 ba isin-rua nebe ita acompanha.

Etapa ba dala neen capacitação nian

Atu haré didi’ak no hala’o hodi hanoin

• Oin sa visita ba ba seviço saúde nian?
• Ita iha buat ruma ru-rua hela konaba serviço isin-rua?
• Oin sa hanoin sira konaba tur ahi nebe ita halo tiha ona?
• Iha lia tatoli ruma, oração eh liafuan ruma biblia nian nebe hala’o kmanek moris nian no hahalok nebe ita halo ho ita nia maluk sira, isin-rua sira no sira nia família sira?

Hanoin ida maka:

Midar ha’e sente

Haanaanu hôsi filme maun loro no feton fulan midar ha’u sente iha ha’u fuan ho hara’ik aan duni sei moris domin. midar hatene katak ha’u la mesak de’it ha’u sorin ida hôsi moris bo’ot ida, laran di’ak sa nabilaan hadulas ha’u kmanek boot hôsi nia domin rohaan laek lalehaan, ó fo b a ami no fitun roman sira ami maun Loro, ami nia bin Fulan. ami inan rai no ai-fuan sira, to’os ai fuan sira ahi no anin, iis be mos. Be matan moris ó nia ema nian kmanek boot hôsi ó nia domin rohaan laek.

Haré

Kosok oan Iha moris iha semana ba dala uluk

1.Inan sira hôsi ita nia comunidade hakara fo susu? 2.Oin sa família sira hôsi ita nia comunidade hadi’a aan atu to’o mai kosok oan iha sira nia uma?

Kosok oan nia moris iha semana ba dala uluk

Kosok oan to’o iha comunidade Inan no kosok oan ba uma! Atu sira nia to’o ne’e sei halo hodi hanoin iha familia no iha comunidade:

Ou Maromak, comunidade tomak agradeçe ita boot Tan ba kmanek moris nian. Atu kosok oan ne’e sai sinal presence Na’i Maromak nian. Atu nia ma’i ho susu-ben inan nian,Iha hatene no iha domin ba Maromak no ba maluk. Atu nia aman-inan sira fo ba nia exemplo fiar nian no educa nia iha lia fuan Maromak. Atu Dame no di’ak, domin no midar hela iha nia fuan. Amen

Aman-inan sira iha knaar simu ho domin knar haré no educa nia labarik. No sira sei halo ne’e tuir ho sira nia valor, sira nia lisaan no sira nia fiar.

Lalaok ida hôsi lalaok sira fiar nian hôsi aman-inan sira nian ba dala uluk maka hatudu labarik ba comunidade sarani. Iha família katólika sira, baptismo maka sinal tama nian hôsi ema ida iha comunidade Maromak nia oan sira.

Kosok oan iha surat moris nian

Líder, sei husu ba família katak hasai tiha ona surat moris nian nebe surat ba dala uluk hôsi labarik hanesan cidadão. Sei dauk iha karik husu ba aman eh ema seluk hôsi família atu ba tau kedas naran kosok oan nian.

Maibe atu labarik sai cidadão, preciso mos katak família, comunidade nebe nia hela no sociedae tomak fo ba nia ninia direito tuir lei nebe iha nação ne’e.

Líder, oras ne’e inan no kosok oan to’o ona iha uma precisa tebes ita nia tulun. Ita nia Presença importante tebes, tan ba iha ita na visita uma maka ita bele hatene katak inan no kosok oan di’ak eh lae. No ita halo ne’e hodi koalia, tulun sira atu fo hatene iha sa de’it ita bele fo tulun sira.

Iha loron hitu sira ba dala uluk moris kosok oan, di’ak atu ita ba haré família dala barak, liu-liu wai-hira casal la iha maluk rasik liu. Tempo ne’e kosok liu, nune’e bele mosu moras lalais liu no bele sai moras boot. La ne’e deit, maibe inan sei hetan daudaun isin di’ak liu tiha tur ahi.

Wai-hira kosok oan maka oan kawa’ik aman-inan sira bele la hakmatek tan ba sira foin hahu hatene sa ida maka sai aman no inan. Casal nebe iha oan seluk mos precisa hetan tulun.

Líder, ita nia tulun atu anima inan hodi fo susu folin boot tebes

Ema ruma tulun iha uma atu inan bele hare kosok oan?

• Inan di’ak liu no precisa hela ho kosok oan iha tempo tomak. Nia halimar no nia hanoin sira oin selu-seluk: dala ruma hakmatek, dala ruma hirus; sente haksolok, neon sala. Bele hanoin katak la hatene haré kosok oan eh la hakmatek tan ba nia oan sira seluk wai-hira iha ona Nia precisa tulun no hatene didi’ak hôsi nia kaben no hôsi ema sira seluk atu nia labele kole no bele haré didi’ak kosok oan. Wai-hira ema sira tulun nia iha knaar uma nian no haré oan sira seluk nia sei la dun kole. Wai-hira nia iha ema bele koalia ho nia konaba buat nebe nia hanoin daudaun nia hakmatek liu no fiar liu aan. Feto sira nebe la iha kaben preciso liu tan ema seluk nia tulun

Líder, iha loron sira ba dala uluk nian ne’e, fo atenção konaba inan no kosok oan. Wai-hira haré oin sa inan haré kosok oan hasai moras, iha oras haris nian no fo susu, ita bele hatene oin sa sira di’ak ba malu.

Inan sira nebe haré kosok oan ho hakara no kosok oan no hameak no hamnasa ba nia, hatudu katak talin domin nian ba oan ne’e di’ak

Iha loron sira ba dala uluk nian liu tiha tur ahi, inan balu bele neon sala tebes no la hakara haré kosok oan ba tempo ruma Importante hanorin inan, halo didi’ak no domin, atu nia bele haré kosok oan. Koalia mos ó nia kaben ho família no fo hanoin sira atu haré didi’ak relação inan ho oan. Wai-hira neon sala inan nian la lakon eh aat liu, preciso katak nia ba serviço saúde atu doutor haré no hatudu tratamento lolos ba inan.

Kosok oan nia aman-inan mos bele sente liu hakara hatene lalais no wai-hira sente mesak. Iha oras ne’e hot-hotu hanoin de’it haré kosok oan no nia inan. No nia mos bele tauk la hatene oin sa tulun atu haré kosok oan.

Líder, koalia ho aman no hatudu katak nia importante, hanorin nia atu tulun haré kosok oan. Di’ak hanorin katak aman-inan no inan koalia ba malu konaba buat nebe la hatene los no buat sira nebe hanoin atu halo.

Tulun Líder nian, família nian, belun sira nian no comunidade sira nian hametin solidaridade no tulun aman-inan sira halo ambiente ida hakmatek, domin no isin di’ak ba kosok oan.

“Hosi ó imi nia ibun labele sai lia duaan aat ida maibe sai de’it liafuan di’ak sira, bele harii no halo di’ak ba sira nebe rona.” Ef 4,29

Hasusu hôsi inan

Líder, iha loron sira ba dala uluk, ita nia tulun folin tebes. Hanorin inan hodi hatudu ba nia oin sa hasusu di’ak liu. Buka resolve ho nia no ho nia família susar sira nebe mosu.

Hasusu sei di’ak ba inan no ba kosok oan iha posição iha nebe di’ak sira atu hasusu. Ida maka:

• Inan kaer iha kosok oan nia acento oan ho nia liman;
• Ulun kosok oan nian sadere iha liman sikun kliak inan nian;
• Kosok oan nian kabun hela metin iha inan nian isin.

Kaer didi’ak kosok oan iha hirus matan

• Hatudu ba inan oin sa kaer di’ak ida atu kosok oan susu di’ak no labele hanehan inan nia susun. Ba ne’e:

Kosok oan labele toba Ibun kosok oan nian sei susu hotu susu matan no sorin barak liu aureola nebe parte ida nebe metan hadulas susu matan; Ibun kulit kraik sei fila ba liur; Hasan okos kosok oan nian sei sadere iha susun

Bai-bain kosok oan susu, para witoan no susu fila fali. Inan bele rona kosok oan tolaan dadaun susu ben. Maski wai-hira kosok oan halo kaer di’ak, inan bele sente fokit ida iha hahu susu; ne’e maka kosok oan dada daudaun susu matan.

La iha tempo ida lolos atu fo susu. Kosok oan balu (folaan) susu ben lalais, seluk susu nei-neik los. Kosok oan sira nebe kaer los bai-bain susu iha minutu 15 eh 20. tempo ne’e to’o atu kosok oan simu nutriente sira hotu susu ben inan.

( 113)

Bai-bain kosok oan la to’o hamamu susun rua. Importante husik nia hamamu didi’ak susun ida molok susun ida seluk. Kosok oan lakohi karik susu ne’e dehan katak nia bosok ona.

Wai-hira hasai kosok oan hôsi hirus-matan, inan sei tau liman fuan ikun iha ibun leten kosok oan nian, nune’e nia sei husik susu la halo susu namkurut.

Hasusu liu tiha kosok oan halo hamriik, hako’us, ho nia kotuk laran no ulun oan seti didi’ak. Nia tolan karik anin nia sei sacru, la precisa baku iha nia kotuk eh doko kosok oan

Líder, hanorin inan atu nia hahu fo susu foun ida: Hosi susu nebe kosok oan la susu ba uluk; eh Kosok oan susu karik susun rua, hosi susu ida ikus maka nia susu.

Atu halo susu mos ba kosok oan, inan sei haris lor-loron no tau seluk sutiã wai-hira nia bokon.

Hasusu hotu atu hatau susu sira, inan sei hasai turun ida eh rua hosi nia susu ben no salau hadulas besik susu matan no, husik maran tiha molok hatais hena. Bokur susu nian halo dalas ida hasoru bacteria sira no hamos kulit, hatau susu matan hasoru nakfera sira.

Susu ben inan nian sei fo bei-beik wai-hira kosok oan husu. Nune’e, nia hetan todan lalais.

Kosok oan nebe susu iha hirus matan la precisa simu chá eh be. Susu ben inan nian oho hamrok kosok oan nian, maski iha fatin sira nebe manas no maran.

Kosok oan nebe la susu de’it iha hirus matan iha liu moras sira hanesan moras no sasukuk

Wai-hira inan dehan katak iha susu ben witoan eh susar hasusu precisa hare didi’ak buat sa maka mosu:

• Kosok oan kaer di’ak susun?
• Kosok oan hemu hela be eh cha eh susu ben seluk la deit susu ben inan nian?
• Kosok oan susu bei-beik wai-hira hakara?
• Inan liu karik hôsi susar ruma?
• Nia kaben halo no tulun nia atu hasusu?
• Família sira seluk, belun sira no sira nebe hela besik tulun hela inan iha tempo ida ne’e?

Susar sira bele mosu, liu-liu wai-hira oan ba dala uluk no inan sei dauk iha experiencia barak eh inan iha problema sira atu hasusu aan sira seluk. Feto sira ne’e sei precisa liu tulun hôsi família no hôsi ita Líder.

La iha susu ben inan nian nebe fraco. Wai-hira inan kole liu eh iha buat ruma nebe halo nia hirus, bele halai ba hatun witoan susu ben. Hanorin nia atu hemu tan be, no ha di’ak no descansa liu.

Di’ak hanorin ba aman sira katak kosok oan sira hotu bele lakon witoan sira nia todan iha loron sira ba dala uluk moris nian. Hafoin hasusu tiha, nia todan sei sa’e.

Kosok oan ida-idak iha rasik oin sa nia ha oin sa nia toba. Aman-inan sira bele hatene katak kosok oan susu di’ak wai-hira nia liur dook no mi dala barak loron ida te mamar, modok ou matak ladun barak. Ne’e la os kabun moras.

Aman-inan labele fo hirus matan maibe bele fo tulun ba inan nune’e, haboot liu nia ligação ho kosok oan. Nia bele, hanesan lori mai kosok oan atu susu, tau , tau neras seluk, koalia ho hananu ba nia.

Lider, importante iha besik liu inan hahu hasusu, Bele karik hamutuk ho nia witoan liu dala rua atu hare oin sa “Kaer” susun hôsi kosok oan no tulun atu inan hakmatek iha tempo ne’e

“Ksolok ba kabun nebe lori ó mai no susun sira nebe hasusu ó” Luc 11,27

Problema sira be bai-bain mosu iha hasusu

Inan balu bele iha susar atu hasusu. Wai-hira ne’e mosu, preciso hanorin no fo liu tulun ba sira.

Susun sai fatuk bele mosu oin rua: wai-hira inan iha susu ben barak liu nebe kosok oan preciso eh wai-hira kosok oan la susu nebe preciso atu hamamuk susun. Ne’e bele mosu to’o loron ruma liu tiha tur ahi.

Wai-hira susun sai tiha fatuk, susun sira sai tiha to’os no nakonu. Susu ben hamutuk halo boot. Ne’e halo susar atu nia sai no bele halo mosu musaan ki’ik oan.

Ho susun sira nakonu kosok oan labele halo kaer di’ak halo moras iha inan no kosok oan la hakmatek. Tan ba ne’e importante atu inan hatene hois susu ben hôsi nia susun.

Líder, atu labele hetan susun sai fatuk, husu ba inan atu :

• Hahu hasusu kedas wai-hira bele;
• Hasusu kosok oan wai-hira nia husu, hamamu hotu susun sira ida-idak wai-hira bele;
• Hasusu ho kaer didi’ak;
• Sei labele fo hahan eh ba kosok oan molok fulan neen;
• Usa bei-beik sutiã

Wai-hira mosu susun to’os ita bele tulun inan hasai susu ben liu hôsi hois, (haré iha mata dalan ne’e iha página 170)

Lider, inan hirus karik, buka jeito ida halo nia hakmatek atu tulun nia iha susu ben sai

Susu matan sira nakfera

Susu matan sira nakfera maka susar atu hasusu tan ba moras. Nia mosu wai-hira hako’us sala kosok oan no kaer la di’ak.

Atu labele hetan susu matan nakfera inan sei:

• Halo kaer di’ak ida;
• Usa susu ben iha susu matan hasusu liu tiha no husik maran di’ak molok hatais;
• Labele usa buat sa deit iha susun sira;
• Labele husik hena dala ida bokon hamutuk ho susun;
• Labele usa buat nebe hatan susu matan
• Molok atu hasusu, waihira susu nakonu resin, hois uluk lai.

Wai-hira inan hatudu iha susun matan nakfera, la halo de’it cuidado sira nebe haré iha leten precisa:

• Kosok oan sei tau atu susu wai-hira nia fo sinal katak nia hamlaha atu nia labele susu maka’as liu;
• Susun sei salau liu tiha molok fo ba kosok oan, atu labele halo susar susu ben sai;
• Uluk nana’in sei fo ba kosok oan susu matan ida nebe ladun kanek;
• Sei muda posição oi-oin hasusu hanesan iha foto sira
• Sei halo susun maran nafatin;
• Bele karik, susun sira sei sê ba loro iha minutu saanulu resin lima nia laran iha loron ida hahu dader eh loro kraik rohaan.

Susun bubu(mastite)

Susun bubu (Mastite) ne’e maka inflamação susun nian, nebe bele sai ba infecção. Nia mai tan ba susu matan tiba netik eh nakfera. Susun bubu(Mastite) iha fatin ida susun nian nebe iha infecção, inan bele sente ladun di’ak, isin manas boot (liu 38º) no be doko.

Hanesan hun susun bubu (Mastite) maka susun matan nakfera eh tiba netik presiça halo nune’e:

Hasusu ho kaer didi’ak no husik kosok oan susu bei-beik wai-hira hakara;Kosok oan la hamamu karik susun sei, halo hotu hasai susu ben hodi hois.

Wai-hira inan iha susun bubu preciso ba doutor atu hanoin halo tratamento lolos. Wai-hira kleur karik iha hahu tratamentu bele halo kanek ida ho ben tasak, halo tratamento susar liu.

Oinsa kosok oan bele hatene no hama’i

Hahu hôsi isin-rua, oin sa aman-inan sira sei iha relação ho kosok oan hodi halo iha nia sai sa, iha fulan sira ikus mai isin-rua, kosok oan rona liaan, book aan ba romaan maka’as besik kabun inan nian no bele sente wai-hira inan kole liu eh hirus.

Molok moris relação kosok oan no inan los de’it. Hôsi nia maka nia simu hahan manas no hela iha nia kabun. Iha oras moris mai, buat sira hotu nebe hatene ona lakon lalais tiha no kosok oan sei hetan toman moris iha fatin foun.

Haré ho domin liafuan kwesek, kona nei-neik no ko’us. didi’ak hôsi inan no aman-inan halo kosok oan sente domin no tulun.

Kosok oan haato’o nia preciso sira liu-liu hôsi tanis. Nia tanis wa-hira hamlaha, malirin eh manas, husu atu hetan di’ak no tan ba nia bokon. Wai-hira halo nune’e nia hatene katak iha ema ida haré nia. Witoan-witoan, aman-inan sira hatene buat sira nebe maka kosok oan precisa no nune’e bele tulun nia di’ak atu mai.

Kosok oan hela tempo barak liu ho liman no ain haleuk no taka liman sira hanesan hela iha inan kabun laran. Ne’e iha beibeik mos nia sacru, hanre’u, me’ar witoan, halo tarutu witoan. Buat sira ne’e halo parte moris kosok oan nian.

Kosok oan ladun book aan no book hanesan bei-beik wai-hira buat ruma kona nia, hanesan: wai-hira ita tau liman fuan iha nia liman, nia kaer metin; wai-hira ita kona nia rona tarutu eh hasai nia hena oan hodi hakfulak eh hakfodak.

Kosok oan toba barak liu, hodi toba nia tau hamutuk kbiit nebe preciso atu susu no ma’i. Balu toba la dun no seluk toba liu. Matan dukur kosok oan nian nebe halo ho domin hôsi aman-inan bai-bain halo nia hakmatek liu.

Hamos aan

Hamos aan importante, tan ba tahan kosok oan hôsi moras sira no halo nia sente di’ak. Liman sira inan nian, eh hôsi se nebe haré kosok oan, sei mos nafatin no ho liman kukun sira badak.

Atu halo lalais oras hariis nian, di’ak hôsi buat hotu preparado molok atu kosok oan iha be. Preciso haré didi’ak uluk be labele manas resin. Ne’e bele halo tau liman sikun no sente manas ne’e naaton. Nune’e sei la hetan nakfokar sira (queimaduras)

Oin no ulun oan sei fase molok tau kosok oan iha be. Ne’e halo atu mi no te resin hafoer be no bele halo moras matan.

Kosok oan precisa kaer metin atu labele hakfodak. Atu la susar, di’ak haatoba nia iha liman kliak no hariis nia ho liman seluk.

Dalas oan sira iha kakorok, iha liman no iha ain sei hamaran didi’ak atu labele nakfokar. Di’ak rai ketak hena mamar ida eh toalha ba deit kosok oan. Talco lalika usa, tan ba la precisa. Sei hatais kosok oan ho hena sira nebe halo di’ak no kosok oan labele book aan.

Wai-hira neras bokon karik, precisa tau seluk. Kosok oan nia acento sei hamos fase no hamaran didi’ak wai-hira tau seluk neras. Ne’e halo atu labele hetan nakfokar eh kanek.

Atu hamoos kosok oan feto sira hena bokon sei liu iha vulva halo bei-beik hôsi oin ba kotuk. Ho cuidadu ne’e te la hafoer nia vagina ku’ak oan mi nian.

Ba kosok sira mane, importante dada ba kotuk kulit penis nian, halo neineik, hodi hamos halo didi'ak resin sira mi nian no ten nian iha dalas oan sira. Ne’e halo labele hetan kanek sira.

Husar tali nian monu bei-beik iha loron ba dala saanulu resin haat moris kosok oan nian. Ai moruk ba husar talin preciso hasai lor-loron, to’o husar monu. Di’ak liu usa alcool 70%. Alcool ne’e bele sosa iha farmacia eh hetan iha Posto Saúde nian.

Atu tau ai-moruk preciso hamaran didi’ak husar hariis liu tiha no liu ho gaze ida habokon iha alcool 70% iha fatin ne’e. Sei labele tau penso, hena rohaan ruma eh taka husar iha husar rohan. Ne’e la husik dada iis kosok oan no la husik husar maran no monu.

ATENÇÃO: Wai-hira hussar monu liu tiha, mosu ran, mean eh dois iha fatin preciso lori kedas kosok oan ba doutor.

Iha kosok oan balu bele mosu ponto oan mutin iha ibun, hanesan susu ben nahisin. Bele sai kanek. Halo tratamento hanesan tuir mai:

• Be mos copo ida
• Bicarbonaato sódio witoan;
• Habokon hena mos iha be ne’e, no hamos kosok oan nia ibun molok susu;
• Habokon hena kiik oan seluk nia rohaan no hamos susu matan no hadulas susu matan molok no liu tiha susu
• Hamos liu tiha, hena oan ne’e sei soe tiha.

Preciso lori kosok oan ba doutor wai-hira ponto metin oan sira ne’e la lakon.

Sinal sira la di’ak ba Saúde kosok oan nian hôsi nia moris to’o fulan rua.

Líder importante atu maluk sira hatene didi’ak sinal sira nebe halo aat ba saúde kosok oan nian. Hanorin atu sira neon moris no buka kedas hospital wai-hira kosok oan hatudu sinal sira ne’e ruma.

Visita Uma Iha visita sira ne’e importante:  * Husu oinsa tur ahi; * Fo, le no koalia ho inan konaba cartão kiik oan sira tali domin nian, tuir hanorin iha página 23 Mata Dalan ne’e; * Koalia konaba hasusu no hare kaer diak (página 112); * Fo, le no koalia ho inan konaba cartão kiik oan 10 no 11 hôsi tali domin nian, tuir hanorin iha página 24 mata dalan nian. Lider, sei husu mos iha nia visita sira ba dala uluk nian: * Oinsa halo curative hussar talin, * Kosok oan teto karik iha hospital no la tetu karik, hanorin ba inan atu lori nian ba serviço saúde atu tetu nia, * Wai-hira iha hospital hakerek no fo caderneta saúde Labarik nian, * Kosok oan simu karik vacina sira BCG hasoru Hepatite B; * Halo karik Analise ba nia Ain oan. Hakerek kosok oan ne’e iha kederno lider iha tahan ida deit ho nia inan nian no simu lia husu sira 1 no 2, tuir hanorin sira iha página 141.

Fo hanoin serviço etapa capacitação ida ne’e nian Ba hare visita kosok oan atu hare didi’ak hasusu Hanoin lia ruma atu fo neon ba susu wen inan nian

Etapa Capacitação nian ba dala hitu

Atu haré didi’ak no hala’o hodi hanoin

• Oin sa nia visita ba kosok oan?
• Ita iha biban haré didi’ak kosok oan susu hela? Oinsa nia kaer susu?
• Inan haktuir susar ruma iha tempo ne’e?
• Nia halo serviço tuir hanorin sira nebe ita iha atu halo nia fo susu?
• Iha lia menon ruma, harohan eh lia fuan ruma hôsi biblia atu hala’o moris kmanek no lala’ok sira nebe ita halo ho ita nia maluk sira?

...................................................................................................................... ...................................................................................................................... ......................................................................................................................

Hare Kosok oan iha fulan ba dala uluk 1.buat sa maka inan sira hôsi ita nia comunidade fo ba labarik ha iha idade ne’e? 2.Ho sê maka inan sira hôsi ita nia comunidade koalia wai-hira susar atu hasusu?

Kosok oan to’o ona fulan ida

Hasusu hôsi inan

Wai-hira hasusu ita haré sira haré ba malu no iha domin ba inan no kosok oan

Susu inan nia susu ben importante liu ba kosok oan no ba inan. La de’it kosok oan simu hahan halo de’it ba nia, maibe ne’e tempo nebe sira na’in rua hamutuk liu.

Haré ba malu no iha domin wai-hira hasusu halo metin liu tan tali nebe hamutuk inan no oan. Iha hasusu dala ida kosok oan no inan sei hatene liu malu, hakara liu malu. Tan ba ne’e importante ita haré didi’ak oin sa inan no kosok oan di’ak ba malu iha hasusu laran.

Sei koalia ho inan nebe wai-hira kosok oan haré ba nia, wai-hira susu hela , sei ksolok wai-hira nia mos haré ba nia. No ne’e di’ak tebes ba sira na’in rua. Buka atu inan koalia bei-beik ho kosok oan, hameak nia isin oan ne’e no haré ba nia wai-hira hasusu.

To’o fulan neen, kosok oan percisa de’it simu susu ben hôsi hirus matan. Di’ak hanorin ba inan katak susu ben rahun la di’ak hanesan ho susu ben inan nian.

Kosok oan sira nebe hemu susu ben seluk bele hetan lalais sasukuk, kabun moras, tilun kuak moras, isin katar no mi fatin moras. La de’it kosok oan sira terus ho moras sira ne’e inan sira mos hetan moras boot liu. Ne’e mosu tan ba buat sira nebe atu hatau isin kosok oan nian la hetan tulun hanesan ho susu ben inan nian.

Fo hahan seluk eh be seluk ba kosok oan molok fulan neen fo tan kbiit atu kosok oan husik tiha susu ben inan nian. Ne’e la lori kmanek ba nia ma’i.

Wai-hira kosok oan simu be eh hahan sei precisa atu haré didi’ak mos iha halo sasan sira ne’e no mos ho fatin sira no kaanuru sira nebe usa atu fo hahan sira ba kosok oan.

“Iha naran uma nebe ó tama ba, Sei dehan uluk: ‘Hakmatek Hela iha uma ne’e!” Lc 10,5

Oin sa kosok oan bele hatene no hama’i aan

Iha loron ida nebe liu, aman-inan inan no kosok oan hatene malu di’ak liu. Kosok oan besik liu inan. Inan maka hun hakmatek no domin. Nia hakarak hako’us no doko nia hôsi inan. Wai-hira inan tau kosok oan besik iha nia fuan, kosok oan rona fali fuan tuku, rona fali tuku sira nebe nia hatene di’ak los. Nune’e nia hanoin fali buat hirak nebe sente wai-hira sei iha kabu laran. Ne’e hotu tulun kosok oan atu hakmatek liu no fiar aan.

Nia mos hakara rona liaan hôsi aman. Wai-hira inan no aman koalia eh hananu nei-neik, sira hatudu hela ba kosok oan katak sira hadomi nia.

Kosok oan hakmaatek wai-hira rona liaan Hôsi aman-inan, kaer nia eh doko nia?

Hako’us nudar preciso ida hôsi hamutuk malu kosok oan no aman-inan ne’e hatudu ida domin nian. Wai-hira iha buat ruma halo nia la hakmatek, book aan eh tanis, kosok oan hakmatek wai-hira aman-inan ko’us nia, koalia, hananu eh doko neineik los. Kosok oan ida-idak iha oin sa atu halo hakmatek nia.

Tanis sinal ida kosok oan hatudu sira hakara. Kaer kosok oan hodi hako’us no haré tan ba sa nia tanis la hatoman aat nia. Kosok oan nebe la haré nia wai-hira nia tanis, ne’e bei-beik ona halo nia tanis liu. Kosok oan nebe haré wai-hira nia preciso sente katak iha ema ruma nebe haré nia no nia hela hakmatek liu.

Haré no rona kosok oan nian sei hadia hela aan, maibe nia rona no haré la hotu buat sa maka mosu besik nia. Bei-beik ba kosok oan sira haré la los to’o fulan neen.

Nia precisa iha fatin ida de’it ba nia atu toba, di’ak liu hakmatek no malirin. Uma ne’e hela karik iha fatin nebe iha susuk, di’ak tau mosquitero ida iha fatin nebe kosok oan toba ba,

Oin sa maka di’ak liu kosok oan atu toba maka toba kalenan. Atu labele maate tan ba iis laiha, di’ak foti witoan nia ulun, atu nia hela ho ulun aas liu.

Di’ak ba kosok oan hola witoan lor-loron molok tuku sia dader eh liu tiha tuku haat loro kraik. Iha horas sira ne’e loro maka hun ba isin di’ak.

Atenção: bele halo kosok oan ida maate iis la iha hetan liu wai-hira nia toba iha toba fatin aman-inan sira nian.

Hamos aan

Kosok oan precisa hariis lor-loron. Iha rai sira nebe manas, bele fo hariis dala barak iha loron ida. Iha fatin sira nebe malirin di’ak liu fo’o hariis iha oras ida manas liu. Hodi hatau kosok oan hôsi anin atu nia labele malirin.

Hena oan sira no neras kosok oan nian precisa fase didi’ak, maran no, wai-hira bele habai ba loro atu maran. Di’ak liu fase sira keta-ketak. Ne’e hotu tulun atu labele hetan nakfolar, isin kaatar no kanek iha kulit kosok oan nian.

Kosok oan iha malirin liu liu fali ema boot. Tan ba ne’e, di’ak atu nia hatais hena nebe kmaan maski iha rai sira nebe manas. No iha rai sira nebe malirin importante hatais nia didi’ak nafatin.

Atenção: Kosok ona nebe ho ain, liman no ibun kulit roxo hasusu liu tiha, maski hatais didi’ak hela, bele iha problema ruma iha fuan no precisa haré hosi doutor, hare lalais liu.

Vacina sira

Wai-hira halo tiha fulan ida, kosok oan sei simu dose ba dala rua hôsi vacina hasoru hepatite B.

Hepaatite B ne’e moras ida aaten nian nebe halo hôsi virus ida. Ne’e moras ida nebe bele sai boot liu, hanesan cancro aten nian no cirrose (kanek sira nebe labele cura). Tan ba ne’e importante atu halo inan sira lori sira nia oan sira ba simu dose sira nebe lolo hôsi vacina ne’e.

Wai-hira dose vacina BCG la halo karik iha maaternidade, kosok oan sei simu vacina ne’e iha loron nebe nia ba tau naran atu simu dose ba dala rua hôsi vacina hasoru Hepaatite B.

Halo oinsa knaar Líder nian

Pastoral labarik nian sei hetan hôsi evangelo halo wa’in pão no ikaan atu hahu no hala’o serviço iha comunidade sira.

1)Evangelo São Marcos (MC 6,30-44) dehan ba ita katak Jesus rona buat nebe apostolo sira halo tiha ona  no hanorin: Lider, oin sa ita sente hala’o iha Pastoral Labarik nian?

2) Iha Evangelho ne’e duni, Jesus husu ba Apostolo sira  atu hanmah witoan. Sira ba iha fatin rai fuik maran ida sira mesa-mesa. Maibe ema lubun boot hela iha kotuk, tanba hanesan bibi sira la iha atan: Lider, labarik oan no isin rua sira hôsi ninia comunidade precisa Pastoral Labarik nian?

3) Eskolante sira hakara katak Jesus haruka ema lubun boot ne’e ba ona, atu buka heli aan fatin no hahan, maibe Jesus haruka sira “Imi rasik sei fo ba sira haan”: Oin sa haré desafio nebe Jesus halo ohin loron atu ita iha knar lori moris nakonu  ba labarik oan sira hotu no isin rua sira hotu iha ita nia comunidade?

4.Jesus husu ba nia eskolante sira: “Imi iha pão fuan hira? Imi ba hare tok.” Jesus nia eskolante ida dehan: “Iha ne’e iha labarik oan ida nebe iha pão cevada nian fuan lima no ikan rua. * Maibe ne’e sa ba ema wa’in ne’e? (Jo 6,8-9): * Buat sa maka ita hetan hôsi ita nia comunidade sira? (Serviço saude, escola sira, igreja sira, associação sira hôsi bairro, selu-seluk tan…..) * Ema se maka bele tulun ita iha ita nia knar? * Ne’e naton atu halo diak ba povo hôsi ita nia comunidade?

 5. Jesus, nune’e, husu ba nia eskolante sira atu fahe povo iha klibur ki’ik atu ha; No ita oinsa bele fahe ita  nia comunidade iha klibur ki’ik hôsi uma kain sira ba líder ida-idak?

6. Nune’e Jesus hola tiha pão sira no ikan sira ne’e, haraik tiha benção silu fahe tiha pão no ikan sira ne’e no fo ba nia eskolante atu sira fahe: Oin sa ita bele fahe ita nia kmanek sira, ita nia tempo, hatene, buat nebe ita koko hôsi ita nia moris no domin ho ita nia maluk sira?

7. Sira hotu ha no bosu no sei resin wa’in tan: Ita fiar katak witoan nebe ita iha wai-hira ita fahe ho benção Jesus nian, ne’e wa’in? Oin sa hatene katak buat nebe ita fahe karik bele tulun iha buka buka moris lolos  ba labarik oan sira no isin rua sira hotu?

Atu halo didi’ak uma kain sira,Importante ba líder sira halo mapa hôsi comunidade: katak, buka hatene sira se no iha nebe hela uma kain sira ho isin-rua sira no labarik oan sira tinan neen. Tuir mai precisa sira halo, hôsi líder

ida-idak ba klibur sira hôsi uma kain sira nebe sira sei la’o tuir.

Wai-hira iha uma kain wa’in, preciso, haré uluk sira nebe kuran liu. Hanesan : uma kain sira nebe iha isin-rua sira, labarik sira nurak liu eh moras. Hafoin ida nebe haré klibur sira seluk ho tulun hôsi líder sira nebe hatene ona no sira nebe atu hala’o, nia sei ba buka líder sira seluk atu bele la’o hamutuk ho uma kain sira hotu nebe haré tiha ona iha comunidade.

“Imi ida iha bibi malae atus ida no lakon ida, la husik tiha sira na’in siaanulu resin sia iha rai fuik maran no ba tuir ida nebe lakon, to’o hetan nia?” Lc 15,4

Jesus husu atu nia eskolaante sira haré katak ema lubun boot tomak ha tiha ona. Preciso mos haré katak isin-rua sira hotu, labarik sira no uma kain sira nebe la’o hamutuk ho sira hetan di’ak ona iha sira nia moris. Atu haré knaar nebe nia hala’o Pastoral labarik nian usa indicador (hatudu) hôsi Caderno Líder nian.

Buat foun nebe Jesus halo ita haré fila fali iha ohin loron!

Buka halo Ambiente ida di’ak a Desenvolvimento

Wai-hira ita koalia iha dezenvolvimento, ita koalia hela konaba halo buat foun. Buat foun hirak ne’e bele hetan tan ba cuidado sira, atenção, iha ho ema seluk ho lalaok sira nebe nia hetan hahu hako’us no hatutan iha nia moris tomak hanesan ema.

Ema boot sira, iha família no iha comunidade, iha knaar atu hakiak ambiente di’ak ida ba ma’i labarik oan nian; eh sira sei halo oin sa no fo tempo atu labarik oan ma’i.

Labarik oan ida-idak ma’i tuir nia oin sa, ne’e katak, labarik oan ida-idak iha nia lalaok rasik atu simu oin sa nia bele no biban nebe nia hetan.

Maski labarik oan ida nebe moris ho nia orgaanismo la serviço di’ak hotu hanesan labarik oan ida tilun diuk-nia iha modun rasik atu halo nia ma’i. Líder bele tulun família atu simu no hatene katak ma’i ba labarik oan ne’e sei oin seluk, maibe nia iha direito, hanesan labarik oan hotu, iha biban atu bele hatene hama’i sira nia aan.

Indicador nebe hatudu atu hamutuk ho labarik oan

Atu ma’i, labarik oan ida precisa atu moris iha ambiente ida di’ak. Atu tulun halo no halo didi’ak ambiente ne’e, Pastoral Labarik nian hatudu buat sira nebe sei halo konaba saúde no buat seluk nebe ita bolu Indicador konaba tempo no oin sa ita bele halo sira tuir.

Indicador nebe hatudu konaba saúde ne’e katak hasusu, todan, kabun moras, halo vacina no serviço sira saúde nian bele hala’o knaar.

Indicador nebe hatudu konaba tempo no oin sa ita bele halo sira tuir buat hatudu wai-hira labarik oan hetan buat sira nebe bele halo sira ma’i iha família no iha comunidade. Tempo sira ne’e halo atu labarik oan hala’o buat hirak nebe nia hetan tiha ona, eh hatene lalaok di’ak foun sira atu halo nia ma’i.

Ne’e tan ba buat nebe halo labarik oan sai boot no mai ne’e maka haré konaba nia isin di’ak, domin, atenção no oin sa nia hola parte iha knaar sira ho nia família no iha nia comunidade. Nune’e wai-hira ita hakara tuir no halo ma’i di’ak labarik oan nian, importante halo tuir oin sá nia moris.

Tau iha surat buat hotu konaba labarik

Líder, wai-hira kosok oan moris sei ba haré nia no tau nia naran iha surat tahan ida de’it acompanhamento nian nebe iha nia inan ninian.

Iha surat sira ulun iha lia husu 1,2,27 no 28, nebe ita sei simu wai-hira kosok oan tau tiha ona naran eh wai-hira hahu caderno foun ida, eh wai-hira nia sai hôsi Pastoral.

Lia husu sira hôsi 5 to’o 18 ne’e konaba ma’i labarik nian, no ita sei simu sira fulan hot-hotu, tuir idade hôsi labarik oan nebe ita la’o tuir.

Iha Caderno líder nian: * Iha lia husu 1, hakerek loron moris labarik nian no todan kosok oan moris mai. Hare todan ne’e iha Caderneta Saúde nian eh iha Declaração hôsi sira nebe moris (Surat tahan modok ida nebe sei foba aman sira hôsi uma tur ahi.) Wai-hira labarik la tetu karik wai-hira moris, tetu nia kedas wai-hira bele, diak liu iha semana ba dala uluk nia moris. Wai-hira kosok oan boot liu ona no ita la hatene nia todan hira wai-hira nia moris, hakerek [?] (introgação). * Iha lia husu 2, hakerek [S] (sim) wa-hira labarik oan moris la to’o gr 2,500 eh hakerek [L] (la’e) wai-hira todan grama 2,500 eh liu tan.

Indicador sira konaba tempo no oin sa bele halo sira hetan

INDICADOR SIRA TEMPO SIRA NIAN HO SIRA HALO TUIR NIAN Lider, koalia no husu ba familia labarik oan nian nebe halo iha fulan ne’e: Idade fulan 1 1.Kosok oan iha surat moris nian? (pag 106) 2. Ema ruma tulun iha uma atu inan bele hare didi’ak kosok oan? (pag 108) 3. Wai-hira hasusu iha hare ba malu no domin iha inan no kosok oan? (pag 129) 4. Kosok-oan hakmatek wa-hira rona lian aman inan nian, kaer nia eh doko nia? (pág 132) Idade  fulan 2 no 3 : 1.Wai-hira inan eh aman hamnasa ba bosok oan, nia mos simu ho hamnasa? (pág 150) 2.Wai-hira inan eh aman bok nei-neik oin iha kosok oan nia oin, nia halo tuir ne’e? (pág 151) 3.Wai-hira aman inan tau kosok oan ho nia kabun ba kraik, nia foti ulun no kbas sira, hodi hanehan iha nia liman sira,? (pág 152) 4.Aman inan ko’us kosok oan atu hameak, koalia no halimar, maski wai-hira nia la tanis hela? (pag 153) Idade fulan 4 no 5 nian: 1.Kosok oan hatene katak nia hatene ema sira nebe hela bebeik ho nia? (pág 173) 2.Wainhira ema ruma halo tarutu iha kosok oan nia kotuk nia fila ulun buka tarutu ne’e? (pág 174) 3.Aman inan buka halo kosok oan kaer iha buat sira nebe tau besik nia? (175) 4.Wai-hira eme ruma tau kosok oan tur satan netik, nia bele hela nafatin hanesan ne’e? (pág 176) Idade fulan 6 to’o 8 nian 1.Aman inan eh ema ruma hare bei-beik kosok oan fo ba nia tempo atu nia bele contacto  ho ema seluk? (pág 198) 2.Ema husi familia buka halo kosok oan halimar ho sasan sira? (pág 199). 3.Kosok oan kaer sasan sira no halimar ho sira hodi baku, hodi joga, hodi les? (pág 200) 4.Ema husi familia comunidade ho kosok oan hôsi lalaok oi-oin, hodi usa lian hatudu de’it, lia fuan sira? (pág 201) Idade 9-11 nian: 1.Kosok oan hatudu ba mai atu fo hatene : hatudu, baku liman oan sira, leok liman? (pág 213) 2.Ema sira hôsi familia dehan naran hôsi sasan sira no koalia konaba lalaok sira nebe sira halo ho kosok oan? (pág 214) 3.Ema hôsi familia hare fatin atu kosok oan buka hatene no book an rasik? (pág 215) 4.Kosok oan la’o kaer iha buat ruma? (pág 216) Idade tinan 1 to’o tinan 1 no fulan 11 (fulan 12 to’o fulan 23) 1.Ema hôsi familia hateten no koalia ho labarik oan? (pág 231) 2.Labarik oan hatene wai-hira ema husu buat ruma ba nia? (pág 232) 3.Labarik oan koalia usa liafuan badak sira? (pág 238) 4.Labarik oan iha fatin nebe fo hakmatek atu la’o, hala’i no halimar? (pág 241) Idade tinan 2 to’o tinan 3 no fulan 11 (fulan 24 no fulan 47) 1.Ema hôsi familia halo labarik oan halimar no sira halimar ho nia? (pág 250) 2.Ema hôsi familia hanorin, la ho maka’as buat nebe labarik oan labele halo? (pág 254) 3.Labarik oan halimar halofudik? (pág 259) 4.Labarik oan iha tempo halimar ho labarik oan sira seluk? (pág 261) Idade tinan 4 to’o tinan 5 no fulan 11 (fulan 48 to’o fulan 71) 1.Ema hôsi familia iha tempo le ba labarik oan? (pág 273)

Iha Caderno Líder nian tau lia husu ida ne’e:

13. Indicador tempo no halo tuir nian sa ida maka ita hetan iha fulan ida ne’e

1

2

3

4

Lia husu 13 hatan ho tulun hôsi indicaodr sira nebe iha capa nia liur hôsi Caderno líder no mos ho Mata Dalan. Ida ne’e. Tuir tinan labarik nian, koalia konaba indicador sira ho nia inan eh ho se maka haré nia. Iha fatin oan ida-idak hôsi lia hsuu 13, hakerek:

• [S] (Sim) wai-hira indicador hetan duni;
• [L] (lae) wai-hira indicador la hetan;
• [?] (interrogação) wai-hira la hatene los eh nia la hatene haré didi’ak indicador.

Wai-hira la hanesan karik buat nebe nia haré no lia haatan hôsi inan eh ida nebe haré labarik oan hakerel [?] (interrogação)

Iha lia haatan ba indicador sira konaba tempo sira no hetan sira precisa hatene katak família ida-idak iha oin sa nia haré no nia educa labarik sira no labarik oan ida-idak iha nia lalaok no nia tempo atu ma’i.

Wai-hira lia simu ba indicador maka [L] (lae), preciso buka hatene beibeik.

Lia hatan ne’e bele hatudu, hanesan, nebe preciso hakiak tempo sira nebe hakerek tiha ona iha indicador sira no sei dauk hola parte iha moris baibain família nian. Hanesan, konaba kosok oan ida nebe iha fulan neen ona no sei dauk hetan indicador. “ Ema sira hôsi família buka atu kosok oan halimar ho sasan sira?”. Ita, líder, koalia tiha ho aman-inan, bele buka hatene buat sá maka mosu no nune’e hanoin sa bele tulun sira.

Uma kain iha oin sa fo sasan sira atu kosok oan halimar? Família hatene katak importante fo sasan sira ba kosok oan?

Wai-hira tempo sira iha ona, labarik oan barak liu, hetan manan sira nebe hatudu iha indicador sira ikus liu haré hôsi fatin ida—idak hôsi idade nian.

Lia haatan [L] (lae) ba indicador ida nebe konaba tempo no hetan, iha tempo hanesan, bele dehan eh katak labarik oan la iha tempo eh katak hetan hela neon badaen ne’e. Ida ne’e maka hanesan tuir indicador. “Wai-hira ema ruma tau kosok oan halo tur sadere nia bele hela hanesan ne’e?:

Iha tempo ida oin seluk wai-hira labarik oan iha hahalok ida oin seluk hôsi hatudu iha nia hetan sira lolos hanesan, iha diferencia ida iha nia isin lolon-oin sa konaba labarik oan ida nebe tilun diuk. Iha ne’e, lia simu ba indicador sira kona lolos ba rona nian sei tau [L] (lae). Hanorin ba lia hirak ne’e sei haré iha página 281.

Preciso atenção tebes wai-hira indicador ruma la hetan to’o rohan hôsi idade nian; eh, iha nafatin lia haatan [L] (lae). Iha ne’e preciso haré nafatin labarik oan no hanorin aman-inan iha fulan sira tuir mai. Importante mos atu ita, líder sei haré coordenador ramo nian konaba ida nebe sei halo liu tan.

Ita hanoin atu hetan hôsi indicador sira maka hatudu ba lider wai-hira familia precisa liu tulun

Remata ona tulun ba ida nebe tur ahi

Inan sei ba fila fali hospital atu haré fila fali, tuir hakerek tiha ona iha loron nebe sira sai hôsi hospital.

Consulta atu haré fila fali ne’e mosu to’o fulan ida liu tiha tur ahi. Di’ak atu nia kaben ba hamutuk. Nune’e, sira na’in rua bele simu hanorin konaba tempo iha nebe isin-rua ida no isin-rua ida seluk.

Tempo tur ahi liu tiha maka loron haatnulu. Wai-hira feto di’ak ona, sira na’in rua bele hola fila fali malu liu tiha tempo ida ne’e.

Doutor sei fo vitamina Besi ba inan hemu too labarik oan iha fulan tolu.

Iha caderno líder nian:

• Iha lia husu 5, idade labarik oan nian

bele tau iha fulan sira eh tinan sira.

• Iha lia husu 6 hakerek [S] (sim)

wai-hira buat tolu ne’e mosu hamutuk:

• Ita ba to’o uma labarik oan nian;
• Ita haré tiha ona labarik oan maski nia toba hela;
• Ita koalia, iha oras nebe ita ba haré labarik, konaba lia hirak hôsi quadro Visita Uma Nian,
• Iha lia husu tuir mai-labarik oan susu inan –hakerek wai-hira labarik oan susu inan

Visita Ba Uma

Iha visita sira ne’e importante:

• Haré kosok oan hasusu tiha no nia halo Kaer Di’ak (haré pág 112)
• Hatete beibeik ba inan konaba hasusu liu tan;
• Haré no koalia ho aman-inan konaba Indicador sira hôsi tempo no manan sira nian;
• Simu ba lia husu sira hôsi Caderno Líder nian,
• Fo, le no koalia ho inan konaba cartão sira 12 no 13 konaba Tali Domin, tuir hanorin iha página 24 Mata Dalan ida ne’e;

Hanoin konaba knar  Etapa Capacitação ida ne’e nian * Halo mapa ida hôsi comunidade * Buka hatene iha nebe isin rua sira no iha netik kosok oan na’in tolu ho idade la to’o tinan ida

Etapa ba dala walu hôsi Capacitação

Atu haré didi’ak no halo hodi oin sa hala’o

• Oin sa halo ona mapa hôsi comunidade?
• Oin sá fahe labarik oan sira no isin-rua sira ba líder sira?
• Ho haré no sente, buat sá maka ita hakara liu hola parte?
• Iha lia tatoli ruma, harohan eh lia fuan ruma hôsi biblia nebe hala’o kmanek moris nian no lalaok nebe halo ho maluk sira?

...................................................................................................................... ...................................................................................................................... ......................................................................................................................

Fo hanoin Ida Kosok oan hôsi fulan 2 no 3 1.iha ita nia comunidade, oin sa fo hahan ba kosok oan  sira ho idade ne’e? 2.Problema sira hôsi saúde nian maka kosok oan sira ho idade ne’e hetan bei-beik?

Kosok oan hôsi fulan rua Ho tolu

Hasusu hôsi inan

Líder, iha ita nia koalia sira ho inan no sira seluk hôsi família, hanorin katak susu ben inan nian sai nafatin hahan mesak nebe kosok oan precisa. Koalia mos katak bai-bain kosok oan iha idade ne’e hela loron ida eh loron rua la te.

Inan nebe hasusu labele fuma, hemu alcool eh droga sira seluk. Ai moruk sira bele usa de’it tuir doutor hanorin. Buat ruma hôsi tabaco, hôsi hemu no hôsi aimoruk ruma bele ba susu been no bele halo aat kosok oan. Nune’e inan nebe hasusu precisa iha liu cuidado, ba sira di’ak rasik, nia kosok oan no mos ema seluk hôsi nia família.

Wai-hira inan iha liu susu ben ba nia kosok oan atu sunu, bele fo susu ben ne’e ba hospital nebe iha Baanco Susu Ben. Iha neba susu ben ne’e sei halo tiha masa ida no sei fo ba kosok oan nebe sei precisa.

Líder, sei haré iha hospital hôsi nia distrito nian iha karik Baanco Susu Ben no buka halo inan sira fo. Fo susu ben inan nian ne’e hahalok ida domin nian!

Oin sa kosok oan bele hatene No hama’i aan

Wai-hira inan eh aman hamnasa ba kosok oan Nia mos simu ho hamnasa

Kosok oan ida-idak iha nia lalaok rasik atu koalia ho ema sira. Wai-hira nia hamnaasa, kabun tata eh hakara muda fatin, bele tanis, wai-hira hamnasa eh liki liman oan sira no ain ho ksolok.

Kosok oan ida nebe simu ba hamnasa inan eh aman-inan nia hatudu nia relação di’ak nebe iha ho sira no konaba atenção ema boot sira nian importante ba nia. Buat sa maka kosok oan hakara liu no precisa maka hela ho inan eh ida nebe haré beibeik nia, hôsi fiar metin nebe iha sira. Wai-hira aman-inan maka hela beibeik karik ho kosok oan, ligação ne’e mos hela metin.

Wai-hira nia hader hela kosok oan hela hakmatek no ksolok wai-hira inan eh aman hela besik nia. Wai-hira serviço iha uma, aman-inan bele tau kosok oan besik sira atu koalia eh haanaanu ba nia. Nune’e nia bele halo liaan sira hanesan: “arg,arg” eh grr,grr,grr.”

Wai-hira inan eh aman book neineik oin hôsi kosok oan nia oin, nia tuir book aan ne’e?

Kosok oan hakara book no halimar ho oin no liman ema sira nian. Nia mos hatudu ona hakarak atu fo ninia atenção no haré book aan nia aman-inan sira nian.

Kosok oan hakara haré, book no halimar ho nia liman oan sira nebe nakloke liu. Nia bele ona haré no kaer buat sira nebe tau besik nia liman, hanesan sasan sira nebe doko halo lian halimar no sasan sira seluk nebe cor oi-oin. Lori ba ibun buat hotu nebe nia kaer, tan ba ibun maka hun hakara nian atu apreende nian.

Atenção: Familia precisa iha cuidado atu labele husik hena eh plástico sira besik kosok oan, tanba nia bele halo nia la hetan anin. Fio no tali sira besik nia liman eh tali chupeta nian haleu nia kakorok mos at ba nia, tanba kosok oan bele foat aan.

Wai-hira aman inan sira tau kosok oan ba kabun ba kraik, nia bele foti ulun no kbaas sira haneha iha liman sira.

Kosok oan precisa hela di’ak no la iha buat ida haatan netik nia atu aprende no halo book nia isin. Nia sei precisa tulun ema ruma nian atu muda fatin. Atu hela ho sorin, ho kabun ba leten eh ba kraik. Nune’e nia bele haré buat sira oin selu-seluk hadulas nia, book di’ak liu nia ulun no hetan kbiit iha nia liman sira.

Kosok oan sira barak toba liu, maibe kosok oan ida-idak iha nia tempo dukur nian, balu toba liu no seluk ladun toba.

Aman inan kaer kosok oan hodi ko’us atu hameak, koalia no halimar, maske wai-hira nia la tanis?

Kosok oan hakara no precisa hameak hôsi ko’us ida. Hakara kaer nia, re’i nia, hodi rona aman-inan koalia no hananu neineik ba nia. Kosok oan labele ko’us de’it wai-hira tanis. Tan ba nune’e nia sei hatene katak tanis deit maka bele hetan atenção hôsi aman-inan. Kosok oan matenek, hatene lalais.

Importante tau beibeik kosok-oan habai aan iha loro, hena la iha. Ne’e tulun halo malirin kulit no halo nia hetan vitamina D. Vitamina ne’e tulun atu halo ruin no uat sira maka’as, la halo nia kraes.

Atenção labarik oan sira labele kaer kosok oan ko’us mesa-mesa, tanba bele halo nia isin moras wai-hira husik nia monu

Wai-hira inan tenki serviço, nia bele precisa tau nia kosok oan iha instituição hôsi Educação konaba labarik oan sira. Iha Brasil, labarik oan sira seidauk to’o tinan no iha tinan tolu ema simu iha Creche (fatin nebe haré labarik oan sira) no labarik sira hôsi tinan haat no lima iha direito iha pré-escola.

Hanesan ne’e mos iha uma Creche(fatin nebe haré labarik sira) sei fo ambiente ida di’ak ba ma’i labarik nian. Nune’e buat sira bele halo iha Creche sei konaba saúde-hahan, hamos aan, hakmatek-no halo buat selu-seluk tan hanesan konaba história no badaen halo sasan sira ho plastico. La ne’e deit precisa fo tempo barak atu halimar, tan ba halimar maka labarik oan precisa iha Creche, labarik halimar ho labarik sira seluk no boot sira, hola parte iha experiencia sira oi-oin, hetan atu hatene no halo rasik.

Ita, líder, bele hanoin atu aman-inan inan sei haré katak iha Creche iha :

• Fatin ba mi tama sai di’ak, mos, ho fatin atu labarik sira halimar oi-oin,
• Sasan sira mos, metin no oi-oin
• Sira be kaer knaar preparado; no
• Hanoin sira tuir pedagogia nebe halo di’ak ba saúde no ba labarik sira atu hatene.

Creche ne’e direito labarik no família nian tan ba etapa ba dala uluk hôsi hahu educação. Iha estatutu labarik nian iha atu labarik sira ba crèche (fatin nebe haré labarik oan sira). Iha dever fo garantia ba crèche ba labarik sira hôsi nia distrito.

Kaer isin kosok-oan nian

Kumu nebe la maka’as no bei-beik Iha kosok oan nia isin halo di’ak, halo ran halai no tulun nia atu hatene nia isin rasik. Kumu isin mos buat ida halo metin ligação nebe kosok oan ho nia aman-inan sira.

Kumu sei halo nune’e:

• Iha kabun, kose hadula-hadulas;
• Iha liman sira dada hôsi kabas ba liman;
• Iha ain dada hôsi kelen ba ain;
• Iha kotuk hôsi leten ba kraik, hôsi kakorok to’o ain oan sira kosok oan nian.

Preciso haré katak kosok-oan hakara kumu, tan ba iha tempo balu nia hakara hela hakmatek.

Kumu bele halo molok hariis eh wai-hira inan eh aman iha tempo no sira hakmatek, atu bele aproveita didi’ak tempo ho kosok oan. Bele halo mos iha liur, wai-hira iha temperature di’ak, la iha anin, tan ba kosok oan la iha hena.

“Wai-hira ha’u moris ó simu ha’u, Hôsi ha’u inan nia knotak ó ha’e ha’u Nia Maromak.” Sl 22,11

Hamos aan

Hari’is lori loron tahan kulit kosok oan nian hôsi nakfolar sira, nebe bele halo kanek no halo moras sira seluk.

Atu labele hetan nakfolar sira, inan sei halo pasta ida hôsi be uma nian ho papaas baatar nian eh goma kahur ho be malirin witoan. Pasta ne’e sei kose liu iha kosok oan nia kidun, nebe sei maran, hari’is tiha wai-hira troka neras.

Importante ba aman-inan sira halo hamos ibun kosok oan nian molok moris nehan ba dala uluk. Hamos ne’e halo ho hena mos habokon liu tiha. Nebe halo liu iha kiran, hasan sira no nanal kosok oan nian liu tiha susu. Hena oan sei usa de’it ba ne’e no rai mos nafatin.

Vacina sira Labarik sira precisa vacina atu tahan sira hasoru moras ruma. Tan ba ne’e líder, importante atu ita fo hanoin no hanorin sira atu sira nia oan simu vacina. Vacina sira mos tulun atu labarik oan sira ladun mate:

Iha fulan ba dala rua kosok oan simu: A.Dose ba dala uluk vacina hasoru Poliomielite eh paralisia Infaantil (isin maatek) B.Dose ba dala uluk vacina Tetra, hasoru Meningite eh moras sira seluk hetan hôsi Hemófilus, Tetaato, Difteria eh Coqueluche eh me’ar naruk. C.Dose ba dala uluk vacina hasoru Rotavirus (virus ida ne’e maka halo kabun moras)

Calendario sira hôsi halo vacina bele la hanesan iha distrito sira. Di’ak katak líder buka serviço saúde iha fatin ne’e no haré calendario nebe sira usa.

Dasin

Dasin sasan ida nebe usa iha loron hala’o hodi hanoin moris. Ho nia ita bele hatene labarik oan todan hira no halo linha ida konaba ma’i nian iha Caderneta Saúde.

Iha loron Hala’o Hodi Hanoin Moris labarik sira hotu nebe ita haré sei tetu. Loron ne’e sei usa ba líder atu koalia ho aman-inan konaba ma’i sira nia oan sira nian.

Atu hatene nafatin nia todan hira preciso hatene oin sa usa dasin no haré nafatin ma’i iha caderbeta Saúde.

Iha fatin nebe hili atu Hodi Hala’o Hodi Hanoin Moris buka fatin ida nebe metin nebe bele kesi dasin. Di’ak liu haré uluk katak nia metin eh lae no bele tahan todan labarik oan nian.

Hafoin preciso regula dasin:

• Tara tiha rin nebe (A) nebe sei tau labarik oan;
• Tau todan (B) iha fatin zero;
• Haré katak ponteiro © iha los klaran eh lae. Atu nune’e hamamar parafusu hasoru todan nian (D) no neineik los muda nia fatin

Hafoin regula tiha dasin nune’e hahu tetu labarik sira

Wai-hira atu tetu karik kosok oan preciso hasai nia hena hotu, tan ba grama 100 hena nian halo la hanesan iha ita nia avaliacão konaba todan. Kosok oan sei tau iha dasin neneik, atu nia labele hakfodak.

Labarik oan boot nebe tetu ho cuecas eh calça badak. Ne’e tan ba sira bele moe atu hasai hena hotu iha ema seluk sira oin no ba labarik sira boot witoan, todan calça badak ida nian ba halo diferensia.

Iha loron sira nebe malirin, labele hasai hena hotu kosok oan nian eh labarik oan sira nian. Tan ba sei tetu hena balu hatais nian nebe kosok oan sira eh labarik oan sira hatais beibeik no hamenus grama sira hôsi todan.

Importante hatene le didi’ak todan. Sei le beibeik iha fatin marca hôsi rama isin, haré iha leten. Dasin nebe ita haré sukat kilu tolu ho balun.

Todan ne’e sei hakerek iha pagina caderno líder nian nebe iha naran labarik oan nebe ita acompaanha. Sei mos hakerek ho ponto kik oan ida iha iha grafiku toda nian husi caderneta Saude Labarik oan nian. Caderneta ne’e sei hela bei-beik ho nia aman-inan sira.

Liu tiha tetu labarik oan haat eh lima preciso haré katak dasin nia puteiro iha nafatin klaran eh lae. la iha karaik, preciso regula fila fali dasin.

SASUKUK (PNEUMONIA)

Sasukuk (pneumonia) moras boot ida hasae iis nian. Wai-hira labarik oan la simu karik tratamentu lolos no iha oras, bele maate.

Sasukuk halo liu kosok oan nia bele mate:

• Ho idade la to’o fulan rua nian;
• Nebe nia moris la to’o kilo rua ho balun;
• Nebe la susu iha hirus matan;
• Nebe kra’es;
• Nebe la simu vacina sira lolos.

Iha fatin balu nebe hela ba halo iis nebe ita hola sai aat halo moras ne’e kaer. Ne’e iha uma sira nebe loro la tama, anin la tama sai, iha rai rahun no ahi tolan tabaku nian fogão nebe sunu ho ai eh suar sira kareta nian, fabrica sira no sunu rai sira nian.

Toman fuma besik labarikk sira biban atu nia hetan susar haasae iis hanesan moras mear (bronquite) tilun kuak bubu, moras inus nian (Sinusite) hasae iis la diak (asma) no sasukuk(pneumonia).

Susar atu hasa’e iis:

• Tarutu ida oin seluk wai-hira hasa’e iis;
• Mosu knosen sira wai-hira hasa’e iis

Líder, wai-hira kosok oan hatudu buat ruma hôsi moras hasa’e iis , ita sei hanorin inan atu:

• Lori ba doutor lalais liu wai-hira bele;
• Hasusu nafatin;
• Fo ai moruk sira ho dose, iha oras sira no tempo nebe haruka hôsi doutor;
• Fila fali ba serviço saude iha loron nebe marca tiha ona eh iha tempo naran ida wai-hira kosok oan hatudu katak nia di’ak witoan eh aat liu.

Ita haré sinal ruma bele halo mate labarik oan sira nebe ita acompanha lori sira kedas ba hospital.

Moras sira nebe hasa’e iis boo (M.H.B) ne’e maka problema saúde nian nebe boot ba labarik oan sira la to’o tinan lima.

Hatene tiha sinal sira nebe bele halo maate no hahu kedas tratamento bele tulun hatun tadan moras ne’e no bele halo la mate tan ba sasukuk.

Tan ba ne’e recomendaçào hôsi Organizaçao mundial saúde nian katak labarik oan sei simu dose ba dala uluk aimoruk sira iha posto saúde.

Atenção: ai moruk naran ida ele fo deit ba kosok oan tuir doutor haruka

Sinal sira nebe bele halo aat ba saude labarik sira nian hôsi fulan rua to’o tinan lima

Líder importante atu famiia sira hatene didi’ak sinal sira bele halo aat. Hanorin sira atu neon moris hodi buka kedas hospital wai-hira kosok oan hatudu sinal sira ne’e ruma:

La susu la hemu eh ha

Tiragem sub Costal (mosu knosen ruin sira wai-hira dada iis)

La iha kbiit los, hakmatek de’it no tanis neneik liu

Susar tebes dada iis

Isin manas boot eh temperatura isin nian kraik liu

Tarutu ida nebe la os bai-bain wai-hira hasa’e iis (estridor)

Iis boot (wai-hira hetan)

Sinal kulit namkurut no matan ku’ak (isin manas)

Isin krekas liu ain rua bubun eh oin kamutis

Muta buat hotu

Iha visita ba uma Importante iha visita sira ne’e:

• Koalia konaba hasusu/ fo hahan;
• Koalia konaba vacina tuir tinan;
• Fo cartão kiik talin domin nian konaba sinal sira nebe bele halo aaat “labarik hôsi fulan rua to’o lima”

Simu ba lia husu sira hosi caderno líder nian. ...................................................................................................................... ...................................................................................................................... ......................................................................................................................

Lia menon konaba knaar etapa capacitaçàoida ne’e:

• Ba haré labarik sira nebe hakerek ona no fo atenção liu-liu ba indicador sira hosi tempo no hetan nian.

Etapa capacitaçào nian ba dala sia

Atu haré didi’ak o hala’o hodi hanoin

• Halo visita ne’e oi sa? Bele haré didi’ak duni no koalia konaba indicador sira hôsi tempo no hetan nian?
• Ho buat nebe haré o sente, maka ita hakara hola parte?
• Ita hanoin lia tatoli ruma hanoin eh harohan nebe hala’o iha tempo ne’e?

...................................................................................................................... ...................................................................................................................... ......................................................................................................................

HARÉ Kosok oan hôsi fulan haat to’o lima 1.oin sa inan sira fo hahan sira ba nia kosok oan iha idade ne’e

Kosok oan hôsi fulan haat no fulan lima

Hasusu hôsi inan

Susu ben inan nian di’ak liu nafatin no hahan mesak nebe preciso ba kosok oan. Iha fulan sira ba dala uluk nebe inan hasusu los de’it, bai-bain kosok oan bokur liu. Besik fulan haat eh lima continua manan nafatin todan, iha ne’e neineik liu. Maibe manan isin di’ak no domin nebe hasusu fo sai nafatin di’ak liu!

Susu ben inan nian so’i tebes ba kosok oan nebe iha fulan ba dala lima tan ba nia ladun midar atu halo, iha fulan ba dala neen, bele hatama hahan fo’ un nebe kosok oan precisa.

Wai-hira inan sira serviço iha li’ur sei hasusu nafatin kosok oan. Wai-hira inan iha li’ur, ema nebe haré kosok oan bele fo susu ben inan hola hôsi susu ben nebe hois hela. Wai-hira inan fila ba uma nia sei fo susu kosok oan.

Hois Susu Ben

Molok halo hois susu, atu hetan nafatin susu ben di’ak, precisa haré buat balu, hanesan:

• Fase didi’ak liman sira no hamaran sira ho hena mos;
• Hili fatin mos no tau iha be manas nakali
• Tau iha fatin ida nebe di’ak no bele karik fatin nebe hakmatek.

Atu hasai susu ben hôsi susun:

• Sei kose halo kabuar ho liman fuan tutun iha hun to susun matan;
• Tau liman fuan boot iha susun no iha auréola leten, no liman fuan sira seluk iha besik susun matan; halo hanesan ita kuru be ho liman;
• Hahu hois buti neineik susun, hodi dada nia ba kotuk no ba oin hanesan nafatin;’
• Hasai tiha turun sira ba dala uluk hôsi susu ben tan ba sira lori micróbio nebe hela besik susu matan. Micróbio sira ne’e bele halo aaat susun ben nebe sai, maibe la aat ba saúde kosok oan nian nebe susu kedas hirus matan.

Wai-hira fila ba uma inan sei fo susu ba kosok oan. Hafoin bele hala’o hois susu ben atu bele usa iha loron tuir mai. Barak no susu ben oin sa la hanesan hois susu ben ida seluk.

• Halo nafatin hois susu ben hanesan-hanesan halo ho liman, hadulas auréola atu hamamu tiha susu ben hotu hôsi susun;
• Hois ba mai wai-hira susu ben menus eh iha minutu lima-lima, laran halo nafatin no hois susu ben to’o hetan susu ben nebe ita hakara;
• Hois tiha susu ben salau liu witoan ho susu ben iha susu matan sira atu sira labele nakfera.

Oin sa bele rai susu ben hôsi hirus matan:

• Hois liu tiha susu ben hôsi hirus matan; precisa halo malirin. Fatin nebe ho susu ben sei taka tiha no tau tiha iha be malirin iha minutu rua nia laran. Susu ben sei rai iha fatin sira iha geleira (labele iha odamatan). Sei hemu to’o oras ruaanulu resin haat laran;
• Iha oras atu fo susu ben ba kosok oan, sei fo uluk ida nebe hasai kleur liu, atu hamanas tau copo susu ben ne’e iha sasanan ida ho we ladun manas eh banho maria. Susun ben ne’e sei fo ba nia ho kanuru. Eh hôsi copo ida.

Wa-hira inan iha uma, preciso fo susu ba kosok oan dala barak. Nune’e, nia halo susu ben barak no haanaruk tempo fo susu ben inan nian. Usa biberon halo husik susu.

Ema nebe haré kosok oan precisa fo susu ben ne’e ho kaanuru ida h iha copo ki’ik ida. Chupeta hôsi biberon halo haatoman aat kosok oan no, hafoin, nia sei lakohi tan susu hirus matan inan nian.

Líder, ita bele haré iha gráfico ma’i nian kosok oan nia todan tuir eh lae nia idade. Ne’e sinal nebe kosok oan simu barak nebe nia precisa hôsi susu ben atu nia ma’i.

Wai-hira kosok oan la manan todan iha fulan ida ba fulan seluk, koalia ho nia inan atu hatene buat sa maka mosu. Bele nia ladun susu, nia inan kole eh la hasusu hôsi nia rasik. Wai-hira inan fila ona hôsi serviço, koalia mos ho ida nebe haré kosok oan.

Wai-hira la iha susu ben inan nebe barak, la naaton, di’ak liu haatama sedok sira iha fulan ba dala lima di’ak liu fali usa biberon. Nune’e, la hasusu de’it hôsi inan, bele fo hahan ida, fo hôsi kaanuru, labele halo to’o nia hakara fali susu biberon.

Oin sa Kosok oan bele hatene no Hama’i aan

Kosok oan hatudu katak nia hatene ema sira nebe hela beibeik ho nia

Kosok oan hahu hatene katak nia iha naran ida no hatudu ne’e wai-hira haré ba ema se bolu nia. Nia hatene di’ak liu ona ema seluk hôsi família no hakara tebes hela hamutuk ho sira. Hamnaasa, book nia liman oan sira, liki aan ba ema sira. Hakara ho liman kaer sira nebe kona nia oin. Koalia ho nia avó sira, tio sira no nia maun sira mos tulun iha nia ma’i.

Besik ema sira be nia la hatene, kosok oan bele moe-moe hela, la fiar no to’o tanis. Ne’e hatudu katak nia la hatene ona se maka nia hatene eh katak sira la hela bebeik ho nia.

Kosok oan buka inan wai-hira inan sai no tanis beibeik wai-hira nia hela mesa. Aman-inan sira no ema família bele hatene oin sa halo sira nia knaar iha uma hodi husik, nafatin kosok oan besik sira.

Wai-hira ema ruma hal tarutu hôsi kosok oan nia kotuk, nia fila ulun hodi buka tarutu ne’e?

Aman-inan no ema sira hôsi família bele haki’ak tempo oi-oin atu kosok oan rona hatene lian sira. No sira halo ne’e wai-hira fo atenção no halo fali liaan sira nebe kosok oan halo, wai-hira sira tau nia besik iha sasan sira nebe iha liala hanesan. Kosok oan kaer, halimar hodi liki, baku buat ida ho buat seluk no rona tarutu.

Kosok oan iha ona oin sa nia bele comunica. Uluk, nia halo liaan sira de’it ho nia hakara; oras ne’e nia hahu halo mos lian sira ho nia ibun kulit. Fo hakilar oan sira, halo “m,m,mã,mã”; “p,p,pã,pã.” Hakara halo fila fali beibeik no rona nia liaan rasik. Wai-hira kosok oan halo nune’e hatudu katak nia buka halo hela atu hatene koalia. Ema sira hôsi família sei halo fali lian hirak nebe nia halo, sira tulun hela kosok oan atu hatene koalia.

“Ha’u hateten buat nebe ha’u haré hamutuk hôsi Aman; imi sei halo buat nebe imi rona hôsi imi nia aman-inan”Jo,8,38

Aman inan halo kosok oan buka kaer iha buat sira nebe sira tau besik nia?

Iha idade ida ne’e kosok oan bele hahu hakara sasan sira. Maisbe, atu hetan ne’e, nia precisa tulun hôsi ema sira, precisa katak ema sira tau besik nia sasan sira oi-oin, buka halo kosok oan iha atenção ba sira.

Hodi halo nune’e, ema sira mos tulun kosok oan atu bele book aan sira ho nia sentido sira, hanesan haré nian, rona nian, sente nian. Nia haré, tau iha ibun, tata, belo, liki. Ho ne’e, kosok oan hatene oin sabuat sira ne’e: tos, mamar, Kman, todan , karotis, kaber.

Kosok oan precisa tau hatur nia sadere, atu labele monu ba oin eh ba sorin sira. Nune’e, nia hatene daudaun tur mesa rasik. Fatin foun ne’e tulun kosok oan haré no kaer tau buat sira no hadi’a aan atu hamriik.

Iha idade ne’e precisa tau kosok oan iha rai haré nia atu fatin ne’e mos, hodi nune’e labarik oan bele book aan liu. Nune’e nia bele hatene atu fila aan no duir ba sorin rua no la susar atu monu.

Atenção: kosok oan labele husik mesa iha fatin sira nebe nia bele nakduir no monu, precisa haré mos atu labele husik besik nia sasan sira nebe bele halo aat, hanesan ka’ut, plaastic sira tan ba sira bele tiha aan no halo iis la iha.

Hamos aan

Kosok oan hetok hakara liu oras hari’is nian. Hakara kona be nebe ladun manans iha kulit, hodi halimar baku ain no liman iha be no hôsi di’ak nebe hetan hôsi mos.

Família ida-idak oinsa haré nia oan sira, maibe iha buat ida nebe halo lor-loron. Ho oras ba hari’is, ba ha, ba toba no mos ba kosok oan halimar. Nia bele hirus no la hatene los wai-hira muda ba mai dala barak nia loron ba loron.

Molok mosu nehan sira ba dala uluk, kiran sira bubu no moras. Tan ba ne’e, kosok oan bele hirus no la hakmatek. Precisa hamos nafatin kosok oan nia ibun. Hamos ne’e halo ho hena mos bele bokon, kosok ha liu tiha, liu-liu iha hasusu ba dala ikus kalan nian.

Nehan sira moris la hanesan hôsi labarik oan ida ba ida; iha labarik oan sira nebe moris ho nehan no sira seluk nebe to’o ona tinan ida la iha nehan. Baibain, nehan ba dala uluk moris iha idade fulan neen nia laran nune’e.

Wai-hira kosok oan ha ona hahan, di’ak katak hahan labele midar. Labele hu hahan kosok oan nian atu halo malirin eh fo hahan ba nia ho kaanuru hanesan nebe boot ida usa hela atu ha. Ne’e bele hada’et bacteria hôsi ibun ema boot nian ba ibun kosok oan nian. Wai-hira chupeta monu iha rai, ema balu iha toman halo liu uluk hôsi nia ibun no fo fali ba kosok oan: ne’e mos bele hada’et moras. Nehan ba kosok oan no tan chupeta hada’et moras hôsi ema boot.

Buka hatene posto saúde sira distrito nian nebe simu consulta hôsi doutor nehan nian ba kosok oan. Nune’e fo hanoin ba aman-inan  sira atu lori kosok oan ba consulta.

“Leten Aas liu hara’ik ba ema sira matenek atu bele hahi nia ho nia kmanek sira.” Eclo 38,6

Vacina Sira

Iha fulan ba dala haat kosok oan simu:

A.Dose vacina nian ba dala rua hasoru Poliomielite eh isin matek labarik nian (Paralisia infaantile)

B.Dose vacina tetra ba dala rua hasoru Difteria (Crupe), Tétano, Coqueluche (mear naruk) no moras sira be hetan hôsi Hemofilos(Meningite no moras sira seluk)

C.Dose ba dala rua vacina hasoru Rotavirus(Moras uat)Vacina ruma precisa liu dose ida atu hetan di’ak no kleur. Tan ba ne’e, di’ak atu kosok oan sira simu dose sira hotu nebe hatudu konaba vacina. Nune’e hetan karik moras sira ne’e ruma nebe hasoru sira hodi simu vacina, moras ne’e sei la dun todan.

Iha campaanha sira halo vacina nian sei fo dose sira seluk vacina nian. Precisa halo parte iha campaanha sira ne’e atu moras sira ne’e bele hetan controlo.

Haré tuir tun sa’e ma’i kosok oan nian

Grafico ho curva haré tuir todan nian hôsi idade iha cader nota saúde. Curva ne’e hatudu mai ita todan nebe di’ak ba idade ida-idak labarik oan nian. Iha grafico ne’e ita hetan todan, moras sira nebe labarik oan iha, wai-hira nia ba hospital no wai-hira nia remata susu.

Ita buka hatene curva todan-idade

Iha sorin leten, hatudu idade labarik oan nian tuir tinan. Iha sorin kraik, idade ne’e hatudu tuir fulan.

Número sira nebe cor oi-oin hatudu todan iha quilo. No quilo sira ne’e fahe iha gramatus ida-ida.

Hatene curva hanesan ne’e:

• Obesidade (bokur liu) hela iha linha leten (+3)(linha metan hôsi grafico nia leten);
• Sobrepeso (todan liu) iha linha nia leten (+2) (linha meaan hôsi gráfico nia leten);
• Peso esperado(todan nebe hein): iha linha sira leet (+2) no (-2) (parte nebe ahi kdesaan hôsi gráfico);
• Desnutrição grave (kraes liu): iha linha nia okos (-3) (linha metan hôsi okos)

Ita sei haré banati ida oin sa hakerek curva todan no idade?

A.Clara moris iha Abril 2006. iha parte okos gráfico nian, iha fatin ba dala uluk loron nian, ita hekerek fulan Abril, nebe fulan Clara moris.

B.Buka marca Abril mos iha número 12, fulan nebe clara halo tinan ida, no hakerek mos Abril iha número 24, fulan nebe clara halo tinan rua.

C.Nia todan wai-hira moris iha kilo tolu (3.000 gr) ita marca di’ak todan ne’e iha linha nebe konaba fulan zero (fulan nebe la iha)

D.Clara simu de’it susu ben hôsi hirus matan no ho fulan ida nia idade nian iha ona kilo haat(4.000 gr)

E.Clara susu nafatin deit iha hirus matan no tetu fula-fulan. Iha fulan setembro 2006 clara todan kilo neen no grama atus walu(6,800 gr).

Clara todan tuir hakara, tan ba linha nia todan nian sa’e nafatin, no ne’e la’o hanesan ho curva verde, iha linha sira leet (+2) no (-2)

“Labarik oan ma’i, daudaun isin maka’as no nakonu ho matenek Maromak nia graça iha nia. Lc 2,40

Grafico sei hatudu no hanorin ba aman-inan eh ba se ha’e hare labarik oan atu sira haré oin sa todan ne’e sa’e.

Wai-hira labarik oan ne’e ho todan iha okos hôsi linha -2(linha meaan), nia ne’e kraes. Wai-hira, hôsi fulan ida ba fulan seluk la sa’e eh lakon todan, ne’e sinal atu ita neon moris. Hanesan ne’e, precisa haré buat sa maka labarik oan iha. Bele nia ha ladun, bele moras, eh nia ladun

Iha Caderno Lider nian: * Iha lia husu 7, hakerek todan labarik oan nian. Tetu ne’e sei halo iha loron nebe Hala’o Hodi Hanoin Moris. Wai-hira labarik  oan la hola parte iha Hala’o Hodi Hanoin Moris iha fulan ne’e bele hakerek nia todan hôsi serviço saúde: * Iha husu 8(S) (sim) labarik oan hetan todan liu karik tanesak ho fulan uluk. Nia la tetu karik iha fulan uluk, hakerek (?) (interrogação) * Iha husu 9,(S) (sim) wai-hira todan hôsi labarik iha fulan ne’e hela iha okos hôsi linha (-2). Labarik oan ida iha okos linha (-2) ne’e kraes maski nia hetan todan liu iha fulan uluk; * Iha lia husu sanulu hakerek (S) (sim) wai-hira todan labarik oan nian iha fulan ne’e hela iha leten hôsi linha (2); Labarik oan ida ne’e iha leten hôsi linha (2) nia ho sobrepeso (todan liu) maski nia todan menos iha fulan ne’e.

Hala’o hodi hanoin moris

Dame hahu iha uma Ksolok ba sira nebe hala’o paz

Loron hala’o hodi hanoin moris ne’e knaar ida seluk nebe importante atu ita nudar líder, hala’o iha Pastoral labarik nian.

Iha loron nebe, mosu dala ida fulan ida, labarik oan sira sei tetu, família sira sei hamutuk atu hala’o hodi hanoin labarik sira nebe di’ak hela no atu tulun wai-hira sira iha susar.

Fatin nebe hili atu hala’o hodi hanoin ne’e sei hela besik família sira hela ba. Di’ak atu klibur sira labele boot resin, atu nune’e família sira bele

hetan simu sira ho domin, hetan fatin di’ak, iha biban atu koalia no labarik sira iha fatin atu halimar.

Loron atu hala’o hodi hanoin moris ne’e sasin moris fiar nian. Hatudu tulun malu no hola parte iha comunidade ida hodi buka nia direito nudar ema rai ne’e nian. Tanba ne’e loron ida nebe Na’i Maromak hara’ik benção.

Líder, tan ba sa tetu labarik sira iha comunidade?

Wai-hira ita tetu labarik ida nebe nia todan la to’o hanesan ita hein no koalia de’it ho família, aman-inan sira bele hanoin katak nia kraes tan ba sira la hatene haré di’ak nia. Maibe, ita hatene katak família sira hakara buat nebe di’ak liu ba sira nia labarik sira. Tebes katak, sira halo hotu ona buat nebe sira hatene no bele atu labarik ma’i di’ak.

Wai-hira família sira hamutuk atu tetu labarik sira no Hala’o Hodi Hanoin Moris, sira bele haré katak susar balu hanesan sira fahe ba malu. Aman-inan inan labarik sira nebe kraes sira nian, bokur liu, moras eh nebe ladun ma’I di’ak sira hatene katak sira mesa no hamutuk bele hetan buat sa atu hasoru susar sira.

Nune’e importante hanorin família sira atu hola parte iha loron hala’o hodi hanoin moris.

Loron hala’o hodi hanoin moris precisa prepara ho domin tebes. Di’ak sei sura ho tulun hôsi líder sira hotu hôsi ema sira família nian hanesan inan sira, aman no avó sira no hôsi comunidade, atu hamutuk halo loron ne’e, hodi prepara:

• Hamutuk ida nebe iha domin ba labarik sira no nia família sira;
• Espirito ksolok ida nebe labarik sira hakara;
• Ha-hemu oan ida nebe furak hakonu ho hahan sira ra’i ne’e nian;
• Fatin ida nebe iha sasan sira halimar nian no labarik sira bele halimar;

La ne’e de’it, ema hôsi família nian bele tulun hasai hena labarik sira nian, koalia ho sira konaba importante duni sira sei tetu no mos tan labarik sira iha dasin.

Nune’e, ita ho líder sira seluk bele fo aan di’ak liu atu prepara dasin, tetu labarik sira no mos hakerek iha vaderno líder nian no hôsi gráfico Caderneta Saúde nian.

Iha karik ema ruma atu halimar netik ho labarik sira, líder sira bele koalia di’ak liu ho aman-inan sira.

Koalia ho aman-inan konaba tetu nian ne’e importante tebes wai-hira tetu. Hola sa ida hatene katak iha labarik kraes wai-hira comunidade la hamutuk hodi buka atu halo sá ba ne’e?

Iha koalia sira ho família, di’ak liu lalika dehan, hanesan, naran labarik sira nian nebe kraes eh bokur liu, maibe buka hatene tan ba sa nune’e no buat sa bele halo atu resolve problema ne’e.

Wai-hira remata serviço sira ne’e iha loron hala’o hodi hanoin moris importante atu líder sira hamutuk hodi haré oin sa serviço nebe halo tiha ona, hodi haré didi’ak kuran buat ruma, buat sa maka sai los no buat sa sei halo di’ak liu iha leten tuir mai.

Laos de’it loron hala’o hodi hanoin moris preciso hetan biban seluk atu koalia ho aman-inan. Iha koalia hirak ne’e, aman-inan bele fo ba malu konaba saúde, educação no buat sira seluk nebe konaba moris família sira nia iha comunidade.

Bele hatene katak problema sira ne’e balu konaba hot-hotu no sei resolve hamutuk ho na’i ulun sira distrito nian. Hanesan: La iha fatin ba labarik oan sira atu halimar eh pré-escola sira, be ho sintina la iha ema nebe halo serviço saude nian.

Ho família sira hamutuk koalia, sira hotu iha liu condiçoes atu bele haksesuk problema sira, buka resolve, hodi haré knaar ema sira nian no buka atu halo sa atu hetan direito ba labarik no ba família sira nian. Família sira hatene tiha no hamutuk tiha sira hatene buat sa maka sira nia knaar no iha kbiit tebes atu haré konaba sira nia direito.

“sira hakmtek los hodi rona hanorin apostolo sira nian, Hamutuk hanesan maun alin iha fahe pão no iha harohan sira. AAT 2,42

Wai-hira kosok oan halo fulan lima, fo, le no koalia ho inan konaba cartão 15 Tali Domin nian tuir hanorin sira iha pagina 24

IHA VISITA BA UMA Iha visita sira ne’e importante: Koalia konaba hasusu/hahan; Koalia konaba ma’i kosok oan nian iha idade ne’e; Koalia konaba hakara eh precisa tau kosok oan iha fatin haré labarik nian. Simu ba lia husu sira caderno lider nian

Hanoin ruma konaba knaar etapa capacitação nian ne’e

• B haré kosok oan sira nebe ita acompanha no haré didi’ak curva todan nian oin sa ma’i sira nia ma’i.
• Bolu família sira kosok oan sira nian atu hola parte iha loron Hala’o Hodi Hanoin Moris.

Etapa capacitação nian ba dala sanulu Atu haré didi’ak no hala’o hodi hanoin

• La susar haré didi’ak iha curva todan-idade ma’i kosok oan nian?
• Iha buat ruma nebe la hatene los ne be ita hakara hola parte?
• Iha lia tatoli ruma, harohan, eh lia-fuan ruma hôsi biblia nebe hala’o hodi hanoin iha tempo ne’e?

HARÉ

Kosok oan iha fulan neen to’o walu

1.oin safamília sira hôsi ita nia comunidade toman fo ha kosok oan sira ho idade ne’e?

2.Iha ita nia haré, buat sa kosok oan ho idade ne’e sei ha?

3.Moras sira sa maka barak liu iha idade ne’e? buat sá família sira halo wai-hira kosok oan sira moras?

KOSOK OAN FULAN NEEN TO’O WALU

Kosok oan hôsi fulan neen to’o walu Hasusu hôsi Inan no hahan

To’o fulan neen, susu ben inan nian maka di’ak liu hotu nebe kosok oan precisa atu ha didi’ak.Liu tiha idade ne’e, preciso fo susu ben hôsi hirus matan no mos hahan seluk. Witoan-witoan kosok oan hatene koko furak foun, temperatura no oin sa prepara: mamar, metin lotuk eh boot. Ne’e halo atu nia ma’i.

Fo ba kosok oan hahan sei iha atenção, haré didi’ak no labele hirus hôsi inan eh ema nebe haré kosok oan. Hahu, kosok oan sira precisa hahan sira nebe sedok no mamar, tan ba sira sei dauk hatene nata.

Hahan sira sei fo barak maibe fo aumenta witoan-witoan. Importante haré didi’ak oin sa kosok oan simu, labele lalais, to’o nia bosu.

Kosok oan barak liu bele lakohi hahan. Ne’e la os tan ba sira la hakara; nia la toman buat ida nebe nia la hatene. Iha tempo seluk nia bele simu hahan ida ne’e duni nebe uluk nia lakohi. Preciso fo foun fali, maibe labele ho kbiit halo kosok oan ha.

Hahan sira ba dala uluk atu fo maka ai-fuan no sedok

Hahan sira ba dala uluk atu fo maka ai-fuan no sedok

Ai-fuan importante hun vitamina sira nian, bele fo sira de’ut tiha eh koir ho kanuru. Di’ak liu nafatin ai-fuan sira rai ne’e nian no iha tempo, nebe foun liu no barato liu. Fo ai-fuan di’ak liu fali fo ai-fuan ben.

Preciso fase didi’ak ai-fuan sira molok fo sira ba kosok oan.

Sedok bele halo ho:

• Cereal sira, hanesan fos, baatar, aveia;
• Legumes sira, hanesan: koto, ervilha, grão-de-bico, hahan dian
• Na’an eh maantolun, karau, fahi, bibi, manu na’an laran, manutolun modok
• Abut sira, hanesan aifarina, fe’uk, talas, fe’uk midar;
• Modo tahan, hanesan couve, agrião, mostarda, cenoura, kankun no lakeru.
• Hanesan tempero, usa lis, du’ut morin, salsa, lis asu no masin witoan. La os de’it fo temperu vitamina sira nian.

Hahan hotu nebe foun ai-fuan eh sedok, sei hahu witoan-witoan tuir ida-idak. Sei hahu fo labele barak, kanuru ida eh rua chá nian loron ida. Fo lor-loron witoan tau hodi hare kosok oan simu.

Atu sai mamar, hahan sira sedok nian sira sei te’in didi’ak. Usa be witoan atu hahan sira labele lakon vitamina sira no nutriente sira seluk hanesan besi no calcio. Iha oras fo ba kosok oan, inan sei de’ut hahan sira ne’e ho garfu ida, no labele usa liquidificador. Labele kumu hahan sira hotu hamutuk atu labarik bele hatene furak hahan ida-daik nian. Ho ne’e hahan sai sedok, metin no cor oi-oin halo kosok oan naata no sente.

Hahu fo sedok iha ha meio-dia. Sedok ha kalan nian sei fo de’it wai-hira kosok oan simu di’ak sedok ha meio dia nian. Ai-fuan sira bele fo hanesan laanche, ba dader hanesan ba loro kraik.

Kosok oan sei susu, liu-liu dala rua loron ida. Iha tempo ha sira ne’e leet ba kosok oan sira la hanesan, maibe barak liu maka oras rua to’o tolu.

Susu ben inan sei fo nafatin to’o idade tinan rua, maski fo tiha ona hahan foun.

Hahan Seluk importante ba kosok oan

Aaten (karau, fahi, bibi eh maanu) precisa fo hahu hôsi fulan neen. Nia ha’e hun nakonu hôsi besi no vitamina A. Nia sei di’ak hela la iis no haré nia matak hela. Maanu nia aaten sei te’in tau tan ba sedok(papaas) dala rua eh dala tolu semana ida. Konaba aaten karau, fahi, bibi bele fo sonan eh te’in, ho fe’uk de’ut(puré), baatar ut sedok selu-seluk tan. Preciso koko katak halo oinsa ha’e kosok oan simu liu.

Mantolun modok ha’e hun proteina nian no vitamina sira A no D. Nia bele fo tasan hahu ho fahe tiha halo haat fo ida eh sorin ida, to’o fo mantolun modok tomak. Wai-hira mosu buat ruma nebe la nusin, hanesan kabun moras muta no kulit katar bele fo to’o mantolu modok rua semana ida te’in tasan didi’ak kahur hamutuk beibeik ho hahan seluk (sedok de’it eh sedok ho susu ben.)

Koto da’aan tiha no kahur witoan (masin, lis lis asu no mina) de’ut ho garfu. Bele fo de’it los eh ho etu, sedok baatar ut nian, sedok sira, trigo. Sedok batar ut ne’e bikaan ida halo (baatar ut). Bai-bain kosok oan simu, liu-liu tau hamutuk ho koto ben eh na’aan ben.

Sei fo hahan oi-oin

Iha fulan ba dala hitu kosok oan bele ona manan nia “na’aan lotun” ba dala uluk. Wai-hira bele lotun boot ida, bei-beik no di’ak liu tunu. Lotun ne’e sei tau iha liman kosok oan nian atu nia susu hodi hakara, tuiri haré hela ho atenção hôsi ida nebe halo conta.

Wai-hira to’o fulan ba dala walu kosok oan bele hahu ha hahan hôsi família tan ba sira koko ona hahan foun sira hahu iha fulan ba dala neen. Iha idade ne’e, etu ho koto no na’aan da’an ho legumes (cenoura, fe’uk, modo tahan, koto, ervilha), sei de’ut nafatin maibe ladun de’ut resin hanesan sedok sira ba dala uluk.

Bikan ida nebe iha hahan cor oi-oin, la de’it bolu atenção kosok oan nian, maibe halo nia hatene furak hahan hotu nian no hetan vitamina no nutriente oi-oin nebe kosok oan precisa.

Aifuan sira anebe nakonu ho vitamina C, hanesan sabraka, aidila, kaiju, acerola, derok masin, goiaba no haas, hamutuk wai-hira ha, tulun isin kosok-oan nian hetan di’ak liu besi hôsi hahan sira, halo la hetan anemia (haré di’ak iha página 31)

Koalia didi’ak ho inan konaba hahan oi-oin nebe iha rai hela ba bele tulun atu hili hahan ida nebe halo isin di’ak. Importante haré atu oras ha nian sai fali hanesan abusa ida no halo terus, no labele ho kbiit eh baku atu kosok oan ha.

Ho de’it hahan oi-oin ha’e kaer hotu buat nebe kosok oan precisa, halo nia hetan toman diak sira hahan nian

Importante katak kosok oan se ha barak buat nebe hakara no nia bele hetan hahan ho nia liman, nebe buka kaer kanuru no copo wai-hira nia hakara. Iha tempo nia hakara kaer no book buat hotu no ne’e sei tulun nia atu toman di’ak liu hahan foun sira ne’e.

Iha cadern lider nian: Atu hakerek lia husu tolu hôsi nia visita ida-idak buat sa ha’e labarik oan hola hela hanesan hahan iha loron ikus sira ne’e. hodi hare iha lia hatan sira ne’e bele hakerek ho tinan sa ha’e labarik oan hahu hola hahan sira ida-idak nebe hakerek iha lia husu ne’e. Atu hatan ba lia husu haat hôsi caderno Lider nian bele de’it lider haré didi’ak iha lia husu tolu wai-hira labarik oan hola hahan ruma eh be ruma molok iha fulan neen. Wai-hira labarik oan hola de’it susu ben hôsi hirus matan, tau (X) iha sim, hare katak lia husu ne’e bele hatan de’it iha fulan nebe kosok oan iha fulan neen. Diak tebes maka kosok oan la hola be, chá, ai-fuan ben no hahan sira seluk molok iha fulan neen. Kosok oan hahu karik simu molok ne’e, ita lider buka halo inan para fo be sira ne’e eh hahan sira, tuir lia hanorin sira hôsi Mata Dalan ne’e.

“Atan se maka tuir lolos no neon na’in, atu Na’i fo knaar ema sira hôsi uma, atu fo ba sira hahan iha oras nebe lolos? ksolok baa tan ida nebe Na’i to’o mai, hetan nia halo hela hanesan ne’e.” Mt 24,45-46

Ran la iha tan ba la iha besi

Ran la iha tan ba la iha besi ne’e problema nutriente nebe boot liu iha mundo no kona kosok-oan sira barak liu. Besi maka nutriente preciso liu ba moris no halo liu-liu iha halo célula meaan ran nian no lori ba mai oxigénio ba célula sira hotu isin nian. Kiak besi hatun tahan isin nian, hodi husik kosok oan bele hetan liu moras sira.

Iha labarik oan sira nebe ran laiha tan ba la iha besi halai ba haan fatin ladun serviço no tan ba ita nia isin preciso liu tan. Ran la iha liu-liu ba kosok oan sira nebe hemu susu ben halo eh liu tiha nia iha fulan neen, ne’e bele ba sira nebe hemu susu ben inan nian.

Atenção: kosok oan sira nebe moris fulan la to’o eh ho todan kraik liu precisa atenção boot liu, tan ba sira iha kuran besi.

Kosok oan sira nebe isin di’ak, sira nebe simu de’it susu ben hôsi hirus matan to’o fulan neen moris nian. Sira la precisa buat seluk ruma atu fo besi to’o hatama hahan sira seluk.

Wai-hira labarik oan hemu karau waka nia susu ben bele la hetan besi barak. Tan ba susu ben ida ne’e besi mos ladun iha no atu hola ba isin la iha.

Líder, ita sei iha lia hanorin sira konaba hahan nebe halo isin di’ak iha página sira 29,30,31,32 no 33 iha Mata Dalan ida ne’e.

Ministério Saude nian husu atu kosok oan sira hotu ho idade liu fulan neen simu liu tan besi, semana ida dala ida. To’o idade fulan saanulu resin walu.

“Tan ba sira mos harohan ba Na’i atu lori sira tuir hanorin sira lolos no bele cura. Sala iha oin ida, nebe halo nia wai-hira la Tuir tratamento doutor nian.”

Oin sa kosok oan bele hatene no hama’i aan

Aman inan eh ida nebe hare beibeik kosok oan sei fo tempo atu nia bele halimar ho ema seluk?

Haré didi’ak, domin no atenção hôsi inan no hôsi aman halo kosok oan bele hatene sira di’ak no sente aan hakmatek ho sira. Nune’e, ho tulun Aman-inan sira nia bele fiar aan no nia bele comunica ho ema sira seluk nia familia no ho belun sira nebe besik. Maibe preciso la’o neineik, hodi respeita tauk nebe kosok oan balu iha hôsi ema sira nebe la hela lor-loron ho nia.

Kosok oan hakara halimar hodi hetan oin hôsi ema sira eh sasan ruma nebe subar di’ak iha nia oin. Ho ne’e nia hatene atu ema sira ho sasan sira ne’e iha, maski nia la haré hela. Nune’e nia hatene halimar wai-hira la iha, aman-inan no ema seluk nebe importante ba nia.

Ema sira hôsi familia buka halo kosok oan halimar ho sasan sira

Kosok oan hakara nafatin ema ruma besik beibeik nia. Atu kosok oan hakara sasan sira. nia precisa iha tulun hôsi ema sira. Tulun ne’e iha ema mos hatudu hakara ba sasan sira nebe sira fo ba kosok oan. Hodi halimar ho sira kosok oan ladun precisa boot sira iha neba no mos hatene halo buat seluk.

Nune’e, kosok oan hetok hakara hatene liu, hahu book aan no kaer iha buat hotu nebe hela besik nia. Nia usa nia liman sira di’ak liu-hodi hatene kaer sasan sira ki’ik oan iha nia liman fuan boot no maktudu sira leet. Nia kaer, taata, kumu, lees, joga, baku sasan sira hodi koko no hodi hatene sira ne’e oin sa.

Wai-hira hakara kaer sasan sira boot nian nebe bele halo aaat, eh hakara halo buat nebe labele halo, inan aman sira sei buka ses tiha nia hanoin no lori nia ba fatin seluk. Kosok oan sei dauk hatene buat barak nebe hanorin no hahu hatene buat sa dehan liafuan lae. Wai-hira nia hakara nafatin sei kaer metin tiha nia no halo nia hanoin buat seluk, maibe labele baku.

Kosok oan kaer sasan sira no halimar ho sira hodi baku, joga, lees?

Halimar ho sasan sira , kosok oan bele hatene katak wai-hira halo buat ida mosu seluk. Hanesan: baku ho kaanuru iha sasanan no halo tarutu; buti botão radio nian no nia lian. Hanesan nia hatene ona kaer no husik, hakara halimar hodi kaer sasan sira no joga iha rai atu haré oin sa sira monu. Nune’e, bele hatene katak sasan ida monu lalais liu, ida seluk kleur liu; balu halo tarutu sira seluk lae. Dala ruma, preciso labele hirus atu fo fila ba kosok oan buat nebe nia joga.

Atenção: Familia precisa rai iha fatin nebe metin botão sira, prego sira, alfinete sira no buat musan sira, tanba hahu hôsi idade ne’e kosok oan bele ona kaer sasan sira nebe ki’ik no tau sira iha ibun, inus no tilun ku’ak. Kosok oan ho iis dois eh fo’er sai hôsi inus  eh hôsi tilun ku’ak bele nia tau buat ruma iha sira. Preciso lori ba service saúde nian, tanba buka hasai iha uma bele halo aat liu.

Ema sira hôsi familia bele koalia ho kosok oan oin-oin usa lian, halo ho liman no ho lia fuan?

Kosok oan hahu hatene buat nebe koalia ba nia loron tomak, hanesan: “Mai ne’e”, fo adeus.” Uluk liu nia hatene buat sa ema sira koalia, hafoin buka hatene koalia.

Nia rona ho atenção koalia sira hôsi ema sira no buka halo tuir buat sira nebe ema koalia. Di’ak atu ema sira ne’e koalia ho kosok oan no halo lian sira hanesan: “ma,ma”. “Pá,pá” no hein atu nia dehan fali. Família bele halo mos halimar sira oi-oin hôsi liaan ho kosok oan. Hanesan: halo tuir lian balada sira nian, kareta nian, avião nian. Hodi halimar ho kosok oan halo baku liman oan sira, fo adeus, halo oin aat, hanesan, aman-inan hanorin hela ba nia oin sa koalia sira seluk.

Wai-hira ema sira usa oin barak atu koalia, halo atu kosok oan iha relação ba malu no mos nia koalia ho sira, maski nia iha problema balu konaba sentido nian, hanesan iha rona nian.

Kosok oan precisa hela iha rai atu nia buka book aan rasik

Nia buka to’o buat hotu nebe tau besik nia: kosok oan balu duir , sira seluk dada eh dolar atu hetan sasan sira. Aman-inan sira iha hanoin atu buka halo fatin sira nebe kosok oan hela metin. Tan ba nia seidauk hatene katak labele book iha buat sira balu eh ba iha fatin sira balu.

Atenção: Tomada sira eletricidade nian escada sira no estrika talin sira perigo liu tan ba kosok oan bele hetan sira. Perigo mos rai sasan sira hodi hamos nian no aimoruk sira taka metin no iha fatin nebe kosok oan labele hetan. Wai-hira hola karik sasan sira hamos nian eh aimoruk preciso lori nia lalais ba serviço saúde.

Iha idade ne’e la to’o deit toba kalan di’ak ida kosok oan sei preciso toba loron. Aman-inan sira precisa buka hatene oin sa nia kosok oan hakara hakmatek atu hetan toba no buka halo ne’e beibeik no halo hanesan ne’e nafatin. Tan ba halo fali buat ida ne’e halo kosok oan bele hatene no halo nafatin mos tulun nia fiar nia aan.

“Hôsi dader halo ha’u sente ó nia kmanek, Tan ba iha ó ha’u fiar. Hatudu mai ha’u dalan Nebe ha’u sei tuir tan ba ó hasa’e ha’u nia klamar.” Sl 143,8

Hamos aan

Líder sira sei lori aman-inan sira atu hamos beibeik ibun kosok oan nian, liu-liu ha hahan foun sira. La precisa halo midar hahan kosok oan sira nian. Masin-midar buat ida nebe halo liu nehan moras. Nune’e ikus mai labarik oan ladun ha hahan midar sei la hetan nehan moras.

Wai-hira halo hahan ho mos, ita buka atu la hetan moras hanesan kabun moras. Nune’e preciso fasi nafatin liman molok halo hahan sira, iha cuidado iha oras nebe rai sira, buka lalar sira labele tur ba no fo nafatin be mos, nono, eh ta’es ba kosok oan.

Hanesan kosok oan tur ba rai atu book aan, nia iha ne’e nia hafoer liu aan. Tan ba ne’e, hari’is lor-loron importante tebes. Tempo di’ak ida mos atu koalia ho kosok oan no kaer nia ho domin. Nune’e la os deit hamos, hari’is mos halo kosok oan hakmatek.

Atenção: kosok oan labele hela mesak iha fatin nebe nia hari’is ba maski minuto ida de’it. Bele hetan liu susar tan ba monu no hemu be.

Kabun moras no isin maran

Kabun moras maka te ben, no barak liu nebe bai-bain. Kabun moras bele hamutuk ho muta. Ba kabun moras eh ba muta ne’e oin ida nebe ita nia isin usa atu hasai tiha ba liur buat ida nebe halo aat, hanesan veneno no hahan sira nebe aat eh bele fo moras. Tan ba ne’e, labele fo aimoruk atu hapara kabun moras.

Aimoruk bele fo de’it wai-hira doutor haruka. Aimoruk ba kabun moras liu-liu, doutor fo de’it wai-hira labarik oan nia ten iha ran eh iha kus.

Kabun moras, moras ida nebe bele hetan hôsi microbios sira nebe iha be, hahan sira, fatin sira, liman ema sira nian no sasan sira nebe ema usa atu halo hahan. Lalar, ataudu, laho ho ular sira seluk maka lori micorbios sira hôsi foer fatin ba uma laran.

Kabun moras da’et lalais liu iha fatin sira nebe iha be no fatin sentina nian ladun di’ak: la hetan be mos, foer nebe tau fali iha fatin nebe la os foer nian eh la iha sentina. Wai-hira kosok oan bele hola hahan sira seluk, lori sasan sira ba ibun wai-hira dolar iha rai, bele hetan lalais liu kabun moras.

Wai-hira kosok oan hetan kabun moras nia sei ladun ha. Maibe, sei fo nafatin hahan baibain. Tempero sira no azeite sira sei fo nafatin. Fo sasoro (papaas) maka hahan di’ak ida ba labarik sira kabun moras.

Muta eh kabun moras, kosok oan lakon be no masin hôsi nia isin, bele sai maran, atu labele hetan isin maran preciso fo fali buat nebe nia lakon. Ne’e halo ho fo tan be no mos soro uma nian eh pacote dala barak loron ida no beibeik maibe witoan-witoan.

Atenção: Wai-hira kosok oan muta soro hemu liu tiha labele hetan fali buat nebe nia lakon. Nune’e preciso lori lalais ba hospital

Kosok-oan sira nebe la susu hirus matan iha liu kabun moras nebe maka’as no mate lalais liu hôsi kabun moras no sasukuk. Família precisa iha liu cuidado ho kosok oan nebe la susu hirus matan.

Soro uma nian

Soro uma nian halo ho be, masin, no masin-midar. Atu labele sala iha barak liu eh witoan liu, Pastoral Labarik nian usa kanuru-sasukat atu halo soro uma nian. Nia sei fo atu la bele hetan isin maran eh wai-hira hahu mosu sinal sira moras ne’e nian. Soro uma nian la hapara kabun moras, fo fali de’it be nebe lakon iha te no muta.

Atu halo soro uma nian preciso:

• Copo boot ida ho be ml 200
• Kaanuru sasukat ida
• Masin no masin-midar

Fase didi’ak tiha liman hakonu tiha copo ida ho be mos, be nono eh ta’es (ml 200). Ho kaanuru-sasukat tau iha copo ne’e sasukat ki’ik no nakonu ho masin no sasukat boot rua no nakonu masin-midar, kahur didi’ak to’o masin no masin-midar naben.

La de’it hanorin aman-inan halo soro uma nian, precisa hanorin sira mos fo soro beibeik no witoan ba labarik kabun moras, hodi haré sinal ba di’ak nian.

Soro sei fo ho kanuru eh iha copo no atu fo hira sei hemu iha oras ruanulu resin haat nian laran. Bele karik preciso fo soro iha loron ruma ta, sei halo receita foun ba loron ida-ida.

Labarik balu lakohi hemu soro. Preciso hanorin inan atu halo nia hemu maibe labele ho kbiit. Nia bele koalia ho labarik hodi dehan katak soro halo di’ak ba nia no nune’e nia sei di’ak lalais no tan ba nia hakara nia tebes, lakohi haré nia moras.

La hemu de’it soro, labarik sei ha nafatin nia hahan baibain. Wai-hira labarik ha nafatin, nia hetan diak lalais hôsi kabun moras la lakon todan no ladun iha susar oi-oin.

Iha Caderno Lider: * Iha lia husu 11 (Labarik iha diaria fulan ne’e?) Tau [S] (sim) wai-hira labarik kabun moras. * Iha lia husu 12 (labarik iha kabun moras, hemu soro no inan haruka beibeik ha hahan wai-hira kabun moras?), tau [S] (sim) iha de’it labarik iha kabun moras, hemu soro no inan haruka beibeik ha hahan, maski labarik lakohi ha. Bele fo soro uma nian hanesan fo soro serviço saúde nian. 

Vacina sira

Iha fulan ba dala neen, kosok oan simu dose ba dala tolu vacina hôsi hepaatite B dose bad ala tolu hasoru Poliomielite no dose ba dala tolu hôsi vacina Tetra.

Líder, wai-hira kosok oan ruma la simu karik vacina tuir loron lolos, hanorin aman-inan atu lori ba serviço saúde atu simu dose sira nebe nia sei dauk simu ho idade ninian.

Lider, Ministério Saúde husu atu fo tan vitamina A ba labarik sira liu fulan neen hôsi distrito balu. Buka serviço saude iha fatin sira ne’e no buka hatene konaba ida ne’e.

Iha caderno Lider: * Iha lia husu 18, tau [S] (sim) wai-hira labarik oan ho halo vacina lolos tuir nia idade. Iha Caderneta Saúde, wai-hira dose vacina nian la halo, sei hakerek iha caderneta.

Líder, tuir buat nebe haré tiha ona, sei hakerek:

• Oin sa bele hetan di’ak liu hun sira besi nian, vitamina sira selu-seluk tan iha hahan kosok oan sira nian:

...................................................................................................................... ...................................................................................................................... ......................................................................................................................

• Hôsi hahan sira nebe ita fo tiha ona labarik sira simu di’ak:

...................................................................................................................... ...................................................................................................................... ......................................................................................................................

HA VISITA BA UMA Iha visita sira ne’e importante: * Koalia konaba hasusu/hahan. * Koalia katak importante halo atu labele hetan lakon be iha isin liu hôsi soro uma nian, wai-hira labarik kabun moras. * Koalia konaba sinal sira nebe halo at, fo hanoin cartão oan tali dommin nian konaba sinal sira nebe bele halo at “Labarik oan hôsi fulan rua to’o tinan lima,” nebe fo tiha ona ba família. Simu lia husu sira hôsi Caderno Lider nian.

Fo hahan knar etapa capacitação ne’e nian * Ba hare haraik sira nebe tau ona naran, fo b a sira kanuru sasukat no hanorin inan sira halo soro uma nian. * Hakerek iha surat konaba hahan iha página ne’e.

Etapa ba capacitação nian ba dala sanulu resin ida

Atu haré no hala’o hodi hanoin

• Oin sa visita ba família sira ho kosok oan fulan neen to’o fulan walu?
• Imi hetan sa ladun susar atu halo?
• Susar sá maka imi hetan?
• Iha hanorin ruma Mata Dalan Líder nian nebe la simu hôsi inan sira? Ida nebe?
• Buat sá tau matan imi hakara hatene eh koalia konaba kosok oan sira hôsi fulan neen to’o fulan walu iha imi nia comunidade?

Kaer ba buat sira nebe haré no halo tiha ona, buat sá maka imi hakara hola parte?

Imi sei hanoin liafuan ruma hôsi biblia, harohan oração eh lia tatoli nebe bele fo romaan iha oras ida ne’e? ...................................................................................................................... ...................................................................................................................... ......................................................................................................................

HARÉ Kosok oan hôsi fulan sia to’o sanulu resin ida 1.Inan sira fo nafatin susu ben inan nian ba kosok oan sira maske fo tan tiha hahan sira seluk? 2.Oin sa familia sira hare preciso book an hôsi kosok oan iha tempo ne’e?

Kosok oan hôsi fulan sia to’o fulan sanulu resin ida

Hasusu hôsi inan no hahan Iha idade ne’e, la de’it susu ben hôsi hirus matan, precisa ha tan dala tolu loron ida. Wai-hira la susu tan iha hirus matan, precisa ha dala lima loron ida. Nia hahan precisa iha hahan nebe nakonu iha besi, vitamina A no Calcio. Isin lolon kosok oan nian hetan liu vitamina A wai-hira tau witoan mina hôsi ai-fuan eh azeite iha nia hahan.

Kosok oan nebe ha tiha ona mantolun modok maibe mantolun mutin bele fo de’it hahu tinan ida, tan ba bele halo isin katar iha labarik oan sira ruma.

Ikan maka hahan ida nebe rico liu. Ikan nebe foin kaer maka di’ak liu nafatin atu fo. Ikan di’ak, mamar, nia sikit metin hela, kulit nabilaan guelras sira mean-moris, matan-fuan nabilaan no labele iis amoniaco.

Kosok oan hakara buka ha mesa. Di’ak tau hahan witoan iha bikan oan ida no husik atu nia ba koko kaer kanuru. Iha tempo hanesan, ema boot fo ba nia hahan barak liu hôsi bikan seluk. Di’ak atu kosok oan iha nia bikaan rasik no ha iha tempo ema hotu ha. Nune’e, hatene kosok oan ha dala hira no nia sei hatene katak ha tempo ida hamutuk no katak nia halo parte família nian.

Oin sa kosok oan bele hatene no bele hama’i aan

Kosok oan sei precisa barak liu inan nia tulun eh ida nebe haré nia. Hakara nafatin hamutuk ho nia aman-inan. Hanesan nia labele hela tempo tomak liu ho sira, hakara tebes halimar ho sasan sira nebe aman-inan sira usa: sasuit, escova, sasanan, martelo, radio.

Hodi halimar ho caixa, kuruk, sasanan sira, escova sira, bacia sira, kanuru sira no sasanan sira halimar nian, kosok oan hetan buat rua nebe importante:

• Sasan sira ne’e atu hodi halo sa: copo atu hemu, sasanan atu te’in, sasuit atu sui, bola atu tebe.
• Oin sa sasan sira ne;e : tos eh mamar; boot eh ki’ik, karotis eh kaber; kmaan eh todan.

Kosok oan buka hatene mos wai-hira aman-inan no ema sira hôsi família koalia ba nia sasan sira oin sa no atu halo sa ho sira.

Ne’e Taís sui hela fuk atu sai ho nia mamãe

Talson hatene ona tau caixa ki’ik iha boot laran. Talson matenek ona

Kosok oan book liman atu koalia: hatudu, baku liman oan sira, leok liman(fo adeus)?

Wai-hira família fo atenção no buka hatene buat sa maka kosok oan hakara dehan, sira buka hatene hatudu liman atu dehan no husu buat nebe nia hakara dehan. Nia buka hatene hatudu liman atu dehan no husu buat nebe nia hakara.

Wai-hira nia hatudu hôsi husu buat ruma di’ak atu aman-inan koalia naran buat nebe nia hatudu, tan ba, nune’e, nia bele hatene naran sasan sira nebe nia haré.

Nia hatene liu, buat sa ema sira dehan ba nia. Maski aman-inan sira bele halo kosok oan halimar buat seluk atu nia labele halo buat nebe nia labele halo, nia buka halo fila fali. Wai-hira aman-inan dehan [L] (lae) kosok oan hôsi buat nebe nia halo hela, maski hafoin nia halo fali, buat ne’e nafatin. Hodi halo nune’e kosok oan hatudu katak hahu hatene ona buat sa maka labele halo no bele halo to’o iha nebe.

Aman-inan sei hakotu oin sa sei hasoru kosok oan hahu la halo tuir. Sira sei halo lolos, la ho maka’as no labele halo nafatin buat sira nebe halo.

Ema sira hôsi familia dehan naran sasan nian no koalia konaba serviço sira nebe sira halo ho kosok oan?

Kosok oan buka halo tuir buat nebe rona família koalia no bele ona dehan fila fali liafuan ruma hodi hatudu liman. Koalia: “Fo” wai-hira hakara buat ruma; bolu inan no aman “mama-papá”. Maibe mos bele hahu koalia kleur liu. Importante maka ema sira koalia ho nia konaba sasan sira lor-loron nian, atu to’o nia tempo nia hahu koalia hanesan buat principal ida atu dehan buat sa maka hakara no buat sa maka sente.

Wai-hira ema ida husu ba kosok oan ema ruma nebe sai, hanesan : “ Iha nebe ó nia papa?”, no nia aman-inan atu hatene katak nia iha. Hatudu katak rai ona buat ruma iha nia hanoin.

Ema sira hôsi familia buka fatin atu kosok oan bele hatene book an rasik?

Iha tempo ne’e kosok oan la hakmatek, tan ba buka hatene hela atu hamriik no book aan rasik, liu-liu hamriik. Tan ba ne’e, precisa fatin metin atu husik nia bele book aan oi-oin. Iha karik ema ruma mesa ida eh cadeira ida, hanesan, iha nebe nia bele kaer, nia sei buka hamriik. Maibe nia bele monu dala barak, tan ba nia sei dauk bele hamriik metin. Dala barak hanesan ne’e nia la hakanek aan wai-hira monu.

Ba kosok oan nebe book aan atu labele monu di’ak ba aman-inan halo fatin ida iha uma. Di’ak liu fali bando kosok oan atu labele book aan, maka buka oin sa nia labele halo ne’e. hasai tiha hôsi nia sasan sira nebe nia bele kaer, taka tiha dalan ba dapur eh ba fatin seluk nebe bele halo aat ho ai-kabelak ida eh cadeira ne’e maka buat balu atu halo tuir.

Kosok oan la’o kaer ho?

Atu kosok oan atu bele hatene la’o importante mos sira ho tulun ema sira nian. Nia hakara wai-hira nia aman-inan no maun alin sira tulun nia no halo nia la’o, tan ba hakarak tebes atenção sira nian. Ho buat hotu nebe nia buka hatene, ba dala uluk nia sei la’o ho tulun hafoin nia la’o mesa.

Kosok oan mos, hatudu ona nia hakara sa. No hirus nia inan kaer karik labarik oan seluk. Neon sala wai-hira hirus nia. Haksolok wai-hira aman-inan hatudu katak hakara buat di’ak nebe nia halo. Hakara tebes halimar ho maun alin sira no ho labarik oan sira seluk, maibe la hakara fo eh fahe nia sasan sira halimar nian.

Se aan ba loro, halimar iha uma liur no hola anin mos tulun kosok oan atu ha no toba di’ak liu. Nia mos bele hatene liu, tan ba haré labarik sira seluk, ema sira seluk. Wai-hira sai ho aman-inan sai ho bicicleta, microlet, kuda caroça eh kareta, kosok oan sei hela metin tebes atu nia labele hetan susar.

“ó fo ba ha’u ó nia kalili nebe soi, ó nia liman kwana Tahan ha’u, hakara iha ha’u ó nia kmanek”. Sl 18,36

Susar sira iha uma laran Kosok oan buka book aan iha uma laran tomak, no iha dapur maka fatin ida nebe bolu liu nia atenção. Iha neba nebe nia inan eh ema ruma nebe haré nia iha tempo barak, no nia hetan sasan sira nebe nia hakara halimar. Tan ba ne’e, iha dapur barak liu mosu susar ho labarik.

Família sei haré didi’ak atu kaer fatin sasanan nian fila ba laran hôsi fogão. Preciso iha atenção tebes ho forno manas. Atu kosok oan labele kaer no sunu aan.

Kosok oan sunu karik aan, aman-inan sei habokon hena iha be malirin eh be ho gelo iha fatin nebe ahi han atu hamenus moras. Labele tau buat ida iha fatin be ahi han nia leten wai-hira doutor la haruka no labele hakuak nakfokar sira atu labele kanek.

Precisa hadook tiha hôsi kosok oan buat sira nebe nia bele kaer no bele ko’a, hanesan vidro, kateri, tudik.

Bele halo aat mos sasan sira nebe nia bele tau iha ibun no halo maate nia hanesan: aimoruk, gasolina, be sintina nian, soda nebe sunu. Tan ba ne’e sasan sira nebe atu hodi hamos labele rai iha botir sira nebe rai sasan ben sira nebe hemu nian. Kosok oan hemu karik aimoruk eh sasan hamos nian sei lori kedas ba serviço saúde.

Haré didi’ak oin sa labarik oan tuir indicador sira tempo no manan sira nian Ita sei haré oras ne’e oin sa hatene lia simu ba lia husu 13, haré didi’ak lia simu sira hôsi lia husu 14 no 15 hôsi Caderno Líder nian nebe halo completo hakerek sira hôsi indicador sira tempo no manan sira nian. La preciso hatan ba lia husu sira nebe iha oras ba visita. Hili tempo ida atu hakmatek liu atu halo ne’e.

Atu hatan ba lia husu 14, hare didiak lia hatan sira hôsi lia husu 13 Hakerek [S] (sim) wai-hira indicador sira hôsi lia husu 13 hakerek ho L hôsi lae. Iha ida ne’e tempo diak atu labarik oan ma’i tanba la hetan indicador ida.

13. indicador tempo no manna sira hira maka hetan iha fulan ne’e?
14. indicador hôsi lia husu 13 hatudu situação la diak atu labarik oan ma’I (la hetan indicador ida mos)?	S
15. Indicador sira tempo no manna sira hetan hotu

Hakerek (L) (lae) wai-hira indicador ida de’it hôsi lia husu 13 hetan duni.

1	2	3	4
L	S	L	L
L

Wai-hira iha (?) (interrogação) iha indicador sira ne’e ida hôsi lia husu 13, lia hatan hôsi lia husu 14 maka [L] (lae)

1	2	3	4
?	L	L	L
L

Ita sei hanoin konaba sa ida maka katak lia hatau sira hôsi lia husu 13 no 14

Wai-hira iha fulan laran la hetan hôsi indicador sira hôsi lia husu 13 nian, ita dehan katak situação ida nee la di’ak ba ma’i labarik nian. Ne’e bele dehan katak família no comunidade la hetan atu fo tempo ba ma’i labarik nian no, nune’e, nia la hatudu manan sira nebe hatudu hôsi indicador sira. Hanesan situação hot-hotu ida ne’e mos bele muda maibe preciso haré didi’ak kedas hôsi ita líder. Família bele moris iha tempo ida nebe susar nebe sobu moris hamutuk família. Sei koalia ho família no tulun nia atu nia bele hetan rohan.

Wai-hira, fulan sira tuir malu, la hetan indicador sira ne’e hatudu katak família la hetan nafatin atu sai hôsi susar nebe nia hetan, maski ho líder nia tulun.

Ita hatene katak la ba família de’it atu haré buat hotu nebe labarik precisa. Aman-inan precisa hetan, iha nebe sira hela ba, tulun hôsi serviço saúde nian, educação no mos assistência social, iha fatin sira nebe kiak barak. Precisa mos tulun hôsi ema seluk hôsi família nian, hôsi sira nebe hela besik ho belun

Importante atu ita Líder, sei buka hatene ho ita nia coordenador ramo nian buat nebe bele halo wai-hira, fulan sira tuir malu, la hetan indicador sira hotu.

Importante hanoin konaba buat sira nebe la di’ak ba ma’i labarik nian hanesan:

• Wai-hira família la iha acesso serviço sira saude no educação, ba hela fatin nebe di’ak; aman-inan la hetan serviço, ne’e bele hamosu susar sira hanesan hanoin la to’o, maka’as ba malu, baruk ten. Susar barak tebes to’o ema sira hôsi família fo atenção witoan liu, domin no la fo ksolok ba labarik hanesan nia precisa atu buka hatene no ma’i;
• Wai-hira labarik moras no moras ne’e hetan fila fali eh kleur atu di’ak. Nia maka’as, lakon todan no la iha mos hakara atu hatene, halimar no ema sira hôsi família la buka halimar oin seluk ho labarik;
• Wai-hira labarik hetan hahalok maka’as ruma: husik hela, baku, abuso sexual, ne’e hatudu katak iha situação ida nebe susar iha família.

Ne’e duni, lala’ok hun ba ita líder, precisa iha indicador sira oin, buka hatene nafatin. Indicador sira maka dalan ba dala uluk buka hatene hamutuk ho família ho líder sira seluk no ho cordenador sira buat sa maka bele mosu. Indicador sira labele usa atu marca família sira hôsi lalaok la los, la hetan informação eh nebe la iha interesse haré no educa sira nia oan. Labele liu marca labarik hanesan moras, ma’i kleur liu no kraes.

Wai-hira indicador sira ne’e hotu hetan tiha sei halo hodi hanoin ho família ho valor ba tempo nebe nia fo ba labarik. Maibe sei haré nafatin, maski nia hela nafatin iha idade ne’e, tan ba indicador sira hatudu situação moris labarik nian, no nia bele muda: tempo bele husik ba nia no labarik bele hatudu tau nia manan.

Nune’e, lia simu [S] (sim) ba indicador ida sei halo hodi hanoin. Lia haatan [L] (lae) sei buka hatene nafatin.

Atu simu lia husu 15, haré diak de’it lia simu sira hôsi lia husu 13:

• Haré [S] (sim) wai-hira hetan hotu indicador sira.

13. indicador tempo no manan sira maka hetan hira iha fulan ne’e?
14. indicador hôsi lia husu 13 hatudu situação nebe la diak ba ma’i labarik nian (mos la hetan indicador ida)?	L
15. Indicador sira tempo no manan sira hetan hotu?	S

• Hakerek [L] (lae) wai-hira indicador tempo no manan sira ida mos la hetan?

13. indicador sira tempo sira manan nian no manan sira nian hetan hira iha fulan ne’e?
14. indicador sira hôsi lia husu 13 hatudu situação ladun diak ba ma’i labaik nian (indicador ida mos la hetan)?	L
15. Indicador sira hotu hôsi tempo no manan sira la hetan?	L

Wai-hira iha [?] (interrogação) iha indicador sira ne’e ruma hôsi lia husu 13, lia simu ba lia husu 15 ne’e sei [L] (lae)

Lia husu hôsi 15 nia okos (“wai-hira labarik moras tiha iha fulan ne’e hakerek moras”) ne’e atu ita iha hakerek hôsi moras labarik oan nian.

Iha lia husu 16, hakerek [S] (sim) wai-hira labarik oan lori ba doutor, hospital e serviço saúde atu consulta nia, ba simu vacina nebe baibain halo eh tanba nia moras.

Hamos aan

Cuidado sira ho hamos isin no uma nian importante ba saúde ba ema hotu iha família, liu-liu kosok oan nian tan ba la halo hetan moras barak. Hanesan nia hakara kaer iha buat hotu, nia liman sira sei fase didi’ak molok ha.

Iha oras atu hari’is, kosok oan hakarak liu ho sabonete iha nia isin. Wai-hira aman-inan koalia ba nia naran nia isin lolon nian: ulun fatuk, liman sira, ain sira, nia buka hatene kedas sira nia naran.

Kosok oan oras ne’e bele iha ona nehan walu, nebe precisa hamos sira atu sira labele hela ho hahan resin nebe bele halo nehan moras. Ne’e moras ida nebe hetan hôsi bacteria sira nebe mai hôsi ema ida ba ema seluk. Kosok oan mos bele kaer bacteria sira ne’e ho kanuru sira, ho xicara sira nebe ema seluk usa eh tau iha ibun chupeta fo’er ida, fasi la mos.

Precisa hanorin atu família labele hu eh nata hahan molok fo ba kosok oan. Moras ne’e mos bele hetan hodi halo nune’e.

Vacina sira

Bele hetan, isin manas be halo isin modok hetan liu-liu wai-hira ema ida la simu vacina tama iha fatin sira nebe ai-laran metin.

Iha fulan sira, kosok oan sei hola dose mesak vacina nian, hasoru isin manas nebe halo isin modok wai-hira hela eh la’o ba:

• Fatin sira nebe iha moras eh, iha fatin sira nebe moras ne’e iha
• Iha fatin sira nebe hela liu de’it eh hanesan, iha fatin sira nebe bele moras ne’e iha.
• Fatin sira iha perigo boot liu

Wai-hira kosok oan no ema sira hôsi nia familia la’o ba iha fatin ruma perigo nian, preciso hola vacina hasoru isin manas nebe halo isin modok witoan liu loron sanulu molok la’o

Moras tan ba iha lalatik

Moras ne’e hetan iha intestino sira tan ba lalatik oi-oin. Hetan liu moras ne’e hôsi hemu be eh ha hahan nebe fo’er.

Wai-hira labarik oan iha lalatik, bele kesar manas iha kabun, kabun taata, neon kabeik no muta, kabun moras, isin tun ran la iha no isin manas. Wai-hira moras ne’e la halo tratamento bele fo moras boot, tan ba lalaatik sira hatau netik atu isin bele hetan nutriente sira hôsi hahan, husik labarik oan kraes ba moras sira no ran la iha tan ba la iha vitamina besi.

Atu halo labele mosu moras ne’e iha kosok oan preciso haré didi’ak hamos aan ninian, hôsi uma no hôsi hahan sira. Importante mos atu comunidade buka hetan fatin sira nebe lolos ba saaneamento tuir serviço saúde nebe di’ak.

Wai-hira kosok oan iha sinal moras lalatik nian preciso katak familia buka serviço saude atu halo tratamento nebe los.

Lia badak konaba acompanhamento fula-fulan iha parte ba dala haat hôsi Caderno líder nian

Iha parte ba dala haat hôsi caderno líder nian ita sei hakerek lia badak konaba acompanhamento nebe halo ona. Iha parte ne’e sei tulun nia atu hatene oin sa acompanha isin-rua no labarik sira iha tinan nia laran.

HANORIN SIRA ATU HAKEREK

• Importante hakerek parte ba dala haat caderno líder nian molok hasoru malu atu hanoin no hare halo ona sa. Ita sei iha tan imformaçoes sira konaba hasoru malu iha pagina sira 245 to’o 248 Mata Dalan ida ne’e.
• Hasoru malu ne’e sei iha liu tiha taka fulan nian konaba dados sira;
• Hakerek iha sorin leten sura tahan nian ”lia badak hôsi acompanhamento sira fulan ida-daik” tuir lia hanorin coordenador ramo nian;
• Iha rin ida-idak linha A nian, hakerek hosi 1 to’o 12, ne’e katak halo fulan ida.
• Iha fulan ida-idak tau família sira nebe tau ona naran iha caderno no hakerek nia resultado iha linha B
• Wai-hira hakerek isin-rua foun ida líder sei sura nia hanesan família nebe acompanha ona maski nia la iha oan sira seluk nebe hakerek ona iha Pastoral Labarik nian.
• Tau [-] (traço) ida wai-hira la iha lia simu ba lia husu sira ne’e ida.
• Iha lia husu 1, tau labarik oan sira hotu nebe hakerek ona iha caderno no sei dauk sai hôsi Pastoral Labarik nian;
• Iha lia husu 2, tau labarik sira nebe seidauk iha tinan ida no sira hakerek hela iha caderno no sira sei dauk sai hôsi Pastoral labarik nian
• Iha lia husu 3, tau sira nebe [s] (sim) hôsi lia husu 6 parte ba dala uluk hôsi kaderno no hakerek.
• Iha lia husu 4, hakerek labarik hira nebe visita tiha ona seidauk to’o tinan ida. Haré didi’ak lia husu 5 hôsi parte ba dala uluk hôsi caderno líder nian ne’e.
• Iha lia husu 5, tau labarik sira nebe sei halo fulan 6(neen) iha fulan ne’e, tuir idade nebe hakerek tiha ona iha lia husu 5 parte ba dala uluk caderno líder nian.
• Iha lia husu 6, tau [s] (sim) nebe hakerek tiha ona iha lia husu 4 hôsi parte ba dala uluk caderno líder nian;
• Iha lia husu sira 7 to’o 26, tau [s] (sim) sira hôsi lia husu ida-idak hôsi parte ba dala uluk caderno líder nian no hakerek
• Iha lia husu 27, hakerek labarik oan sira hira, nebe moris iha fulan ne’e-haré didi’ak lia husu 1 hôsi parte ba dala uluik caderno líder nian ne’e no hakerek.
• Iha lia husu 28, hakerek labarik oan sira nebe moris ho todan la to’o iha fulan ne’e- haré lai husu sira hôsi 1 to’o 2 hôsi parte ba dala uluk caderno líder nian no hakerek ,
• Iha lia husu 29, hakerek labarik oan sira hira maka la to’o tinan ida nebe maate iha fulan ne’e-haré didi’ak lia husu 28 hôsi parte ba dala uluk caderno líder nian no hakerek.
• Iha lia husu 30, hakerek labarik oan sira tinan 1 to’o 6 nebe maate iha fulan ne’e-haré konaba lia husu 28 iha parte ba dala uluk caderno líder nian no hakerek.

Surat acompanhamento

SURAT ACOMPANHAMENTO NO AVALIAÇÃO FULA-FULAN LALA’OK SIRA konaba HUN SAÚDE NIAN NO EDUCAÇÃO NIAN IHA COMUNIDADE-ne’e buat ida nebe sei hakerek konaba isin-rua sira hotu no labarik sira hotu nebe acompanha hôsi líder comunidade ida nian.

Atu hanoin no halo avaliação, ita no líder sira seluk sei hamutuk ho nia cordenador comunidade nian atu hakerek hamutuk.

Atu hakerek, fila fali dados sira hôsi parte ba dala haat caderno ne’e nian hôsi ida-idak. Surat tahan ne’e se aassina hôsi cordenador comunidade nian no haré fila fali hôsi coordenador ramo nia.

Ho surat tahan hakerek tiha ladun susar haré no tesi oin sa labarik sira no isin-rua sira iha ita nia comunidade. Ne’e bele Halo Hodi Hanoin Hala’o atu buka muda situação ne’e. ho ne’e mos bele halo avaliação no Hala’o di’ak nebe hetan ona.

(228) Surat nebe hakerek tiha ona hôsi comunidade ida-idak sei haruka ba Cordenação nacional pastoral labarik nian. Iha neba dados sira hôsi ne’e sei haatama iha sistema imformação Pastoral Labarik Nian. Nune’e la susar hatene:

• Oin sá saúde isin-rua no labarik sira nian nebe ita acompanha;
• Oin sa labarik sira boot daudaun hodi hatene no ma’i;
• Buat sa la’o di’ak hela no lala’ok sá precisa halo liu tan;
• Buat sira nebe hetan tiha ona.

Iha fulan tolu-tolu, Cordenação Paastorak Labarik nian haruka “ Relatório Trimestral” (fulan tolu-tolu) ba cordenação sira hotu, ho buat sira nebe hetan hôsi hakerek tiha ona.

Surat ne’e sira mos maka hun hôsi dado sira hôsi relaatorio sira seluk haruka ba instituição sira seluk nebe tulun Pastoral Labarik nian. Nune’e ema barak, sira nebe iha Pastoral labarik nia laran hanesan sira be iha liur, hatene knar sira nebe halo hôsi líder comunidade ida-idak.

Wai-hira haré surat ne’e balu hakerek sala karik, sira haruka fila fali ba comunidade atu iha sorumutu ba haré no halo avaliação bele haré didi’ak, hadia no haruka fila fali ba Cordenação nacional hanesan haruka ba dala rua hadi’a tiha ona. Surat nebe halo hôsi líder sira ne’e importante tebes ba Pastoral Labarik nian.

Dados sira hôsi comunidade ida-idak bele hare iha internet: http://www.pastoral crianca.org. br-pastri-dev

Iha visita ba uma Iha visita sira ne’e importante: * Koalia konaba hahan/hasusu * Koalia konaba ma’i kosok oan nian liu-liu konaba preciso nia book an * Fo hanoin fali sinal sira nebe halo at Simu ba lia husu sira caderno lider nian

Fo hanoin konaba knaar etapa capacitação ida ne’e: Buka loron ida hala’o hodi hanoin moris iha comunidade

Etapa capacitação nian ba dala saanulu resin rua Atu haré didi’ak avalia no halo hodi hanoin

• Oin sa halo hodi hanoin moris nian?
• Hanoin ru-rua hela konaba knaar ne’e?
• Hanoin sira seluk bele halo ba knaar ne’e ?
• Iha buat sira nebe haré no halo buat maka ita hakara halo no fahe ba malu?

Ita hanoin lia tatoli ruma, hanoin eh harohan nebe hala’o hodi hanoin oras ne’e?

“Iha knar oi-oin maibe Maromak ida de’it nebe halo hotu iha hot-hotu.Ba ida-idak hatudu nia espirito hodi hetan kmanek hot-hotu nian.”1 Cor. 12,6-7

HARE Labarik oan tinan ida to’o tinan ida no fulan sanulu resin ida 1.Buat sa labarik oan sira hôsi ita nia comunidade hakara halo iha idade ne’e? 2.Oin sa maka ita hanoin hahalok diak ida wai-hira atu simu soru ulun toos labarik nian

Labarik oan tinan ida to’o tinan ida

No fulan lima

Oin sa labarik oan bele buka hatene no hama’i aan

Ema sira hôsi familia koalia no kompara ho labarik

Labarik oan hetok hakara liu hatene buat hotu nebe nia haré: sasan, ai-horis, balada, atu ema hatudu no koalia ho nia konaba sasan sira nebe nia haré no kaer. Nia mos iha interesse ba pinta sira eh fotografia sira iha revista no livro sira. Dehan naran buat nebe nia haré, halo nia tenik no kompara ho nia konaba knaar sira lor-loron nian, tulun labarik atu bele hatene koalia.

Nia bele ona koalia liafuan ruma hanesan: mama, bé, bola. Maibe sei hatudu deit atu koalia; fo rei sira ho liman, doko ulun atu dehan “lae.” Atu bele hatene koalia labarik precisa atu ema koalia ho nia. Hakara mos wai-hira família koalia ho nia husu tulun. Hanesan: “Kaer sapaato papa nian iha cama okos”. Nune’e, nia bele hatene fatin ne’e iha nebe; iha kraik, iha leten, besik, dook.

Labarik hatene wai-hira ema sira husu buat ruma ba nia?

Labarik bele hatene haruka ruma hanesan: “Ita ba liur?” “kaer ó nia sapaato.” La os beibeik nia simu haruka sira nebe fo. Baibain nia halo tuir de’it wai-hira nia hakara halo buat nebe husu.

Labarik hatudu buat sa maka nia hakara halo no buat sa maka nia lakohi halo. Wai-hira nia labele halo buat ida. Dala ruma, ulun toos. Hodi koalia “lae”. Halo nia tauk eh baku la halo nia atu hasai ulun toos. Líder, hanorin aman-inan katak di’ak liu atu halo hein ulun toos ne’e liu tiha, lalikaan fo atneção ba labarik wai-hira nia ulun toos no hakara nafatin konaba bandu. Ne’e haré tiha katak nia labele, labarik la halo ona no hahu halo buat seluk.

Halimar ho caixa, kalen, kuruk, labarik hakara hatene usa di’ak liu nia liman. Wai-hira hasai buat ida no tau iha buat seluk nia laran, buka hatene mos sasan sira ki’ik eh boot. Família bele aproveita hakara ne’e hasai no tau atu hanorin ba labarik oin sa rai sasan sira halimar nian iha ka’ut eh caixa.

Labarik hakara tama no sai hôsi caixa sira, bacia sira no armário sira nebe nakloke hela. Nia buka hatene konaba boot eh ki’ik, nia forma sira no hetok hatene liu tan book aan.

Labarik hatene la’o ema ida la tulun nia. Ne’e manan boot ida! Maski nia monu dala barak, nia sei buka halo nafatin tan ba hakara halo buat barak. Ho tulun hôsi família, nia sente metin no la’o hetok di’ak liu iha fatin sira nebe hadulas nia. Oin sa nia bele la’o iha uma laran tomak no hakara liu book iha buat hotu nebe nia bele kaer. Wai-hira labarik monu no hetan bubu di’ak tebes tau gelo eh be malirin atu hatun moras no bubu.

ATENÇÃO familia precisa iha cuidado tebes ho segurança labarik nian, odamatan sira sei taka, janela sira sei metin, fatin be nian, we lu’u no ku’ak sira sei taka tiha ai-moruk no sasan sira atu hamos rai sei tau iha fatin nebe nia labele to’o ba. Preciso cuidado mos nia labele kaer no tau iha ibun ai-horis sira nebe bele halo aat, tanba bele lanu nia.

Fo hahan no hasusu ben inan nian

Líder, sei hanorin atu aman-inan no família sira katak labarik iha idade ne’e ha hahan sira nebe família ha, maibe ladun barak. Tan ba nia iha tan nehan, bele nata di’ak liu. Nia hakara buka haan no hemu hodi kaer kaanuru no copo ho nia liman oan rasik. Hodi halo nune’e bele hatene haan mesa.

Atu labele iha hahan resin, diak liu aman-inan sira tau witoan de’it hôsi hahan ida-idak iha bikan labarik nian. Wai-hira nia ha buat nebe tau tiha inan-aman bele tau tan hahan to’o nia husik resin iha bikan no lakohi tan hahan.

La de’it ha hahan sira seluk,di’ak mos atu labarik susu iha hirus matan iha ha sira leet. Susu ben inan nian sai nafatin hun saúde ba labarik!

Líder, wai-hira labarik hetan todan, di’ak mos koalia ho aman-inan konaba hahan sira baibain família nian. Labarik sira nebe susu iha hirus matan la iha biban atu bokur wai-hira boot.

Bokur liu bele halo problema hasa’e iis nian, tensão aas no ran midar.

“Iha hahan barak tama moras,no barak liu bele lori ba moras. Hôsi ha liu barak lakon; maibe ida nebe naaton-naaton de’it, haanaruk moris.” Eclo 37,33-34

Hamos aan

Oras ne’e labarik oan iha ona nehan barak no preciso hamos didi’ak sira hotu. Ba ne’e, sei usa escova nehan nian ida ki’ik no mamar, labele tau pasta nehan nian. Hanorin aman-inan atu:

• Kose halo kabuar-kabuar hôsi sorin liur nehan nian nebe hela besik ibun kulit;
• Hafoin kose hôsi sorin laran nehan sira nian nebe hela besik nanal;
• Kose sorin nebe tetuk sira nian halo ba ma’i;
• Hamos mos nehan kiran sir aanoa naanal ho escova nehan nian.

Importante kose nehan sira labarik nian ha liu tiha, ha liu tiha hahan sira nebe midar no molok atu toba. Ne’e halo atu labele hetan luta nebe fo moras hodi halakon tiha nabilan nehan nian.

Atu ibun sai di’ak wai-hira hahan ida nebe di’ak no hamoos nehan sira di’ak ida.

Wai-hira mosu buat mutin ida iha nehan ne’e sinal dala uluk atu iha atenção. Sinal ne’e katak iha ona moras nehan maibe nehan sei dauk ku’ak. Sei lori labarik oan ba doutor nehan nian.

Labarik oan sei dauk bele hatene didi’ak wai-hira nia atu mi no te. Wai-hira nia fo hatene eh ema ruma hatene katak labarik oan hakara te, bele tau nia iha te fatin no haré nia halo eh lae. Labele ho maka’as haruka labarik halo, tan ba nia sei kosok los no, nei-neik nia sei hatene katak nia sei iha fatin rasik atu te no mi.

Preciso hanorin labarik fase liman molok ha, hanesan sei halo ema hotu hôsi família.

Usa fatin sentina nian eh bacio buka atu lalatik sira hôsi te sira nian hadaet ba ema no fo moras. Atu labele halo mosu laho sira, ataudu no sira no lalar sira, nebe lori moras sira mai sei rai nafatin foer sira iha kaut plastiku taka metin no labele soe sira iha dalan eh iha fatin fuik. Cuindado ho higiene iha laran no iha uma liur, importante tebes ba saúde comunidade tomak nian.

Vacina sira

Labarik oan iha fulan sanulu resin rua simu:

• Doce ida Vacina Tripline Viral (vtv) nebe tahan hasoru sarampo, papeira, ovario, Testículos no Meningite;

Labarik oan iha fulan sanulu resin lima simu:

• Simu tan vacina hasoru Poliomielite eh isin matek ba labarik
• Simu tan vacina Dpt-Triplie bacteriaana (tahan hasoru tétano, diflteria no coqueluche)

Líder, wai-hira labarik oan ida la tau naran vacina sira nebe nia simu eh lakn tiha. Caderneta saúde nian. Hanorin família atu buka serviço saúde. Iha neba sira nebe servico bele halo caderneta foun ida no hakerek dose sira vacina nian nebe sei dauk iha.

Lider, fo hanoin inan sira atu lori labarik oan sira atu ba simu vacina iha loron sira nebe halo campanha vacina nian.

Labarik oan iha tinan ida ho balun to’o tinan ida no fulan sanulu resin ida

Oin sa labarik oan bele hatene no halo hama’i aan

Labarik oan koalia usa lia fuan badak?

Labarik oan oras ne’e buka hatene no la susar liafuan foun. Wai-hira hanorin karik nia bele ona hatudu naran nia isin lolon nian: ulun, hussar, liman, ain.

Wai-hira família koalia ho labarik oan nia bele hatene mos atu hamutuk liafuan rua eh tolu atu bele halo frase ki’ik sira: “papa, bola” “(apá, fo bola ha’u)” “mama sai ba liur”. (amá, ita ba liur). Di’ak tebes atu ema sira hôsi família buka hatene buat sá maka labarik oan hakara dehan. Nune’e sira buka halo nia bele hatene koalia di’ak liu.

Labarik oan hakara nafatin atu hatene no usa buat hotu nebe nia haré hadulas nia. Hakara hatene tulun labarik oan buka hatene di’ak liu. Nia halo ho sasan sira buat nebe haré ema sira halo: tau inan nia sapaato, kesi aman-inan nia futu-kabun.

Hanoin labarik nian sai di’ak liu no nia hatudu ne’e iha lala’ok sira nebe halo. Hanesan, wai-hira nia hakara kaer buat ida nebe la to’o, la hein tan ema ruma atu fo ba nia.

Oras ne’e, nia rasik usa buat seluk ida atu hetan buat nebe nia hakara. Kaer iha ain rohaan ida atu dada sai bola nebe iha cama oko, hanesan ne’e.

Labarik oan bele hatene dehan “Lae”. Wai-hira boot sira husik besik nia buat siira nebe bele halo aat eh sasan barak nebe nia labele book, sira sei dehan “labele book” iha tempo tomak. Hanesan labarik oan halo tuir boot sira, sei dehan “lae” ba buat hotu nebe sira husu ba nia. Atu labele dehan lae ba nuat hotu, di’ak liu aman-inan-inan labele husik besik labarik oan sasan barak nebe nia labele book. Nune’e, nia bele hatene iha buat sa nia bele, no iha buat sa nia labele book, maibe labele rona “La’e” ba buat hotu.

Importante tebes labele husik sasan sira nebe bele halo at besik labarik oan no hatudu buat sá nia bele halimar. Dehan to’o deit iha nebe importante tebes ba mai labarik nian.

Neon badaen labarik nian hetok barak. Nia bele ona loke matan sira no risco ona iha surat tahan eh iha rai.

Nia hakara halimar hakadak, sobu, tau fila fali no sobu fila fali sasan sira. Família bele buka ba nia ai-rohan no kaber didi’ak. Buat halimar sira ne’e loke tebes hakara labarik nian, tan ba nia bele halimar ho ai-rohaan sira halo buat oi-oin.

Iha idade ne’e, labarik oan, baibain, hakara hatene nia isin lulik sira. Nia halo ne’e hanesan nia usa atu hatene buat seluk. Hodi haré no hodi kaer. Wai-hira nia kaer iha nia isin lulik sira ne’e hakara atu halimar ho sira. Aman-inan la siak karik wai-hira nia kaer isin lulik sira no nia iha biban atu halimar ho sasan halima sira seluk bele hatun neineik nia hakara hatene sira ne’e.

Labarik oan la’o heton di’ak liu, bele halai witoan-witoan ona no hakara tebes sa’e iha buat hotu. Iha escada sira dolar hodi sa’e no tur hodi tun. Wai-hira ema ruma fo karik liman, nia bele hamriik hodi sa’e escada. Labarik oan nebe hetan tulun bele hatene di’ak liu.

Labarik oan hakara la’o hodi dada sasan nebe kesi hodi tali ida eh dudu sasan sira halimar nian. Hakara mos halimar hasara balada sira: la’o hanesan asu oan ida, sa’e ai ida hodi halai, selu-seluk tan.

Iha tempo ne’e, nia hakara halimar liu tan ho labarik oan sira seluk, maibe sei bele tuku malu tan ba sasan sira halimar nian. Paciência aman-inan-inan importante tebes iha tempo sira ne’e. baku la hanorin no halo aat liu de’it.

Halimar ho be rai henek no rai halo labarik oan hakmatek. Nia hola tempo barak, hodi halo, hodi hatene sira ne’e sa no buat sa bele halo ho sasan sira ne’e. maibe fatin sira nebe labarik oan sira halimar ba precisa mos.

”Tan ba Nia haruka Nia Aanjo sira atu haanein ó iha ó nia hakaat sira hotu” Sl 91,11

UTU

Utu parasita ida nebe tau tolun iha fuk. Tolun sira ne’e mutin, ki’ik no susar atu hasai. Sira halo ko’i beibeik.

Wai-hira labarik oan iha utu, hanorin inan atu liu ho sasuit ida nebe lotuk iha nia fuk lor-loron, hafoin fase tiha, usa aimoruk nebe doutor fo. Preciso mos haré didi’ak toalha hari’is nian, hena cama sira nian no haré ema sira nebe haré labarik iha mos utu ka lae.

Atu halo hetan utu sira nebe naklekar, preciso:

• Haré hamos aan no hari’is lor-loron;
• Iha fuk moos nafatin;
• Muda hena lor-loron;
• Labele usa sasuit ema seluk nian;
• Labele tau ba labarik oan chapéu, barrette eh bone nebe hôsi ema seluk nian.

ANTENÇÃO labele halo:

• Usa aimoruk atu oho utu nebe bele fo veneno ba labarik;
• Tau ka’ut plastic sira iha ulun labarik nian bele halo susar dada iis.

Sarna

Sarna mosu hanesan bola ki’ik oan ki’ik oan nebe mean halo dalan ida iha kulit okos. Mosu iha isin tomak, liu-liu iha liman fuan leet, kelen leet, kidun tahan no iha fatin lulik sira halo kaatar tebes.

Ne’e hetan tan ba ita nia kulit kona malu ho ema sira nebe iha moras kulit eh ho sasan ema sira nebe ho kulit moras ne’e, hanesan: hena ema nian, toalha sira eh hena sira cama nian.

Preciso aimoruk lolos atu halakon tiha ho moras kulit ne’e. wai-hira halo hela tratamento, hena hatais, ho mos cama nian no hariis nian, sei fase no estrika manas didi’ak no truka lor-loron. Husik hena sira habai iha loro maka’as mos tulun.

Di’ak hamos liman kukun labarik sira nian atu hasai tiha parasita sira nebe hela iha neba wai-hira sira ko’i aan no labele hada’et fali moras. Wai-hira ema ruma tan iha família iha moras ne’e preciso atu sira hotu halo tratamento iha tempo hanesan.

Hari’is lor-loron ho be no sabão, fase ulun no hatais hena mos tulun atu labele hetan da’et moras ne’e hôsi utu, no moras sira seluk kulit nian.

ATENÇÃO: Wai-hira labarik oan hariis iha banheira eh iha bacia nebe kle’an preciso iha bei-beik ema ruma besik, atu labele hemu be.

FO HAHAN NO FO SUSU BEN INAN NIAN

Labarik oan hatene ha mesa ona. Hodi ha hamutuk ho ema seluk hôsi família nia ha di’ak liu. Preciso atu nia iha merenda ida iha ha sira nia leet, tan ba nia kabun ki’ik liu no la to’o ba hahan barak.

Iha merenda sira ne’e di’ak fo ai-fuan sira rai ne’e nian. Labarik oan nebe hahu kedas sei ki’ik ha ai-fuan, modo-tahan no legume sira oi-oin simu vitamina barak, besi, no halo isin maka’as hetan mos toman ha hahan nebe halo isin di’ak.

Di’ak halo atu labele labarik hetan iha nia hahan masin-midar, Café, hahan kalen, sonan sira, malirin, rebuçado, doce mer, doce-midar sira seluk iha tinan sira balu dala uluk moris nian. Sira la halo isin di’ak no hasai tiha kaan hôsi labarik atu ha hahan sira nebe iha vitamina.

Sorumutu atu hanoin haré sa maka halo ona eh seidauk halo

Líder iha sorumutu sira atu hanoin no haré didi’ak sa maka halo ona eh sei dauk halo ne’e knaar hun hôsi nia serviço. Iha sira la de’it hala’o hodi hanoin di’ak sira nebe hetan tiha ona, bele haksesuk mos konaba susar nebe hetan iha serviço lor-loron nian. Susar sira ne’e barak bele hadia’a wai-hira imi halo tiha kompara di’ak ida ba malu.

Iha sorumutu nebe sei halo iha loron sanulu sira ba dala uluk fula-fulan, imi bele buka hatene situação família sira nebe imi acompanha, haksesuk buat sira ne’e hetan fula-fulan no fo kbiit ba malu ho buat sira nebe hetan tiha ona.

Hanesan mos buka hatene no hanoin nebe usa iha etapa Mata-Dalan ida ne’e tulun halo no fo kbiit iha sorumutu sira atu hanoin no haré didi’ak sa maka halo ona eh sei dauk halo. Nune’e, sorumutu hahu ho halo avaliação ba buat sira nebe halo iha fulan ikus nian no halo hodi hanoin manan sira. Hafoin, ita sei Haré hôsi buat sira nebe ita hetan hôsi (surat acompanhamento hun saúde nian), moris lolos hôsi família sira nebe ita acompanha; Hakotu Lia, eh hanoin konaba família sira ne’e ba roman Biblia nian hôsi Mata-Dalan Líder nian no hôsi sasan sira seluk nebe iha no, nune’e, hanoin halo sa iha família sira.

Tuir mai ita sei haré didi’ak liu método hôsi Haré, Hakotu lia, Hala’o, Halo Avaliação no Halo Hodi Hanoin.

Hala’o sorumutu atu hanoin no halo Avaliação

Wai-hira hahu sorumutu importante atu imi líder sira hamutuk iha domin no halo tempo harohan atu hametin domin, unidade no fiar.

Haré

Hamutuk liu tiha, imi sei haré no halo Avaliação fulan ikus nian. Lia husu sira hôsi kraik ne’e bele tulun:

a)Knaar sa nebe husu iha sorumutu uluk halo ona? b)Manan sira nebe hetan ona? c)Lia sira sa maka mosu? d)Oin sa labarik oan sira no isin-rua sira hôsi ita nia comunidade?

Atu tulun lia husu sira ne’e importante tebes hakerek sira. Atu halo, di’ak líder ida-idak mai ba sorumutu ba quarta parte nia caderno hakerek tiha ona.

Hakerek tiha surat ne’e, imi bele koalia ba família sira nebe imi acompanha, hodi simu ba lia husu sira ne’e:

a.Tuir buat sira nebe hetan hôsi surat ne’e, lia sa maka mosu liu iha ita nia comunidade?

b.Família sira nebe ita acompanha liu hela tan hôsi susar ruma?

Imi bele hili oin sa labarik oan ida eh isin-rua ida nebe imi acompanha maka precisa liu atenção iha oras ida ne’e. Líder nebe acompanha família ne’e bele fo di’ak liu konaba susar sira nebe nia hasoru. Importante atu líder sira seluk husu atu bele hatene di’ak liu oin sa.

Hakotu-Lia: Ba oras ne’e atu hakotu lia importante tebes le Mata-dalan Lider nian konaba isin rua  eh labarik oan, tuir buat sa maka hili atu hale’an liu. Wai-hira klibur haksesuk, hanesan iha lia ida nebe isin-rua iha fulan lima ona ko’us nune’e sei le konaba tempo nebe isin rua nian iha Mata-dalan Lider nian, hodi buka hare didi’ak problema nebe isin-rua hasoru hela no hare didi’ak tanba sa. Wai-hira klibur hili lia konaba labarik oan ida tinan ida nian hanesan ne’e, sei le Mata-dalan Lider nian konaba iha fatin nebe hakerek tinan nian, hodi hare cuidado sira sa konaba saúde no tempo ma’i nian nebe labarik iha. Iha tempo be estuda nian ne’e mos importante iha liman, iha Biblia no ukun Fuan Sanulu damai nian iha Familia. Tan ba sira bele lori roman nebe preciso atu tulun liu tau familia ida neba. Jornal pastoral labarik nian mos ne’e buat ida nebe sei usa mos. Ita sei hatene konaba jornal iha página 268 Mata-dalan ne’e nian.

Hala’o Iha tempo hala’o nian klibur bele Hanoin iha lia hirak nebe tuir mai: a)Buat sa maka halo tiha ona ba familia sei halo tan nafatin? b)Knaar seluk sa ba familia ida ne’e eh ba familia sira seluk, bele hahu? c)Se tan bele tulun? d)Loron sa hôsi hala’o hodi hanoin moris; e)Sorumutu tuir mai: se maka hala’o, halo oração sira, hadi’a fatin, coordena sorumutu, selu-seluk tan. f)Hala’o hodi hanoin manan sira nebe hetan  hôsi familia sira. Bele sai tempo ida ba ita hamutuk iha missa sira, iha hamulak sira eh iha tempo seluk sorumutu nian iha comunidade. Buat barak nebe mosu bele hala’o: labarik oan ida moris, aman ida hôsi familia ida nebe hetan service, be nebe hetan qualidade di’ak liu, saneamento nebe to’o  ona iha knua, escola foun selu-seluk tan.

Importante fo Valor ba capacidade família sira nebe muda tempo susar sira nia moris nian iha manan no hetan di’ak.

Atu remata sorumutu, lider sira sei fo avaliação ba buat nebe sira hatene ona, hodi haré didi’ak buat sa maka bele hadi’a iha sorumutu tuir mai; no agradeçe ba Maromak tan ba sira hamutuk, tan ba bele hatene, tan ba ba kbiit no tan ba domin hot-hotu nian.

Iha Sorumutu sira atu Hanoin no halo Avaliação Líder sira sei hetan dalan atu resolve problema balu. Atu remata tiha problema sira nebe família barak hetan, preciso halibur coordenação ramo nian no ulun sira comunidade nian.

“Neon na’in ba malu, atu hamoris domin hanesan maun-alin no ba knaar di’ak sira.Labele husik hela ita nia klibur sira hanesan sira balu “toman halo maibe buka fo hanoin ba malu.” Hb 10,24-25

Iha visita ba uma Iha visita sira ne’e importante : Koalia konaba ma’i labarik oan nian; Koalia konaba hasusu/hahan; Fo hanoin fali sinal nebe halo susar. Simu ba lia husu sira hôsi Caderno Lider nian.

Fo hanoin Knaar Etapa Capacitação ida ne’e nian

Sei prepara sorumutu ida atu hanoin no halo Avaliação

Etapa capacitação nian ba dala sanulu resin tolu

Atu haré no hala’o hodi hanoin

Atu halo avaliação no hala’o hodi hanoin labarik oan ida tinan ida nian to’o tinan ida no fulan sanulu resin ida:

• Oin sa ita nia visita ba isin-rua sira no ba labarik oan sira nebe ita acompanha ?
• Oin sa ita nia sorumutu atu hanoin no halo avaliação?
• Iha hanoin ru-rua ruma nebe ita bele halos oras ne’e?

Ho buat sira nebe ita haré tiha ona no sente tiha ona buat sa tan maka ita hakara fahe ho sira?

Ita hanoin lia tatoli ruma harohan eh hanaanu seluk ida labarik oan nian nebe bele halo hodi hanoin oras ne’e? ...................................................................................................................... ...................................................................................................................... ......................................................................................................................

Haré Labarik oan tinan rua nian to’o tinan tolu no fulan sanulu resin ida 1)Labarik oan sira iha fatin  mos no metin atu halimar hamutuk iha sira nia comunidade? 2)Tanba importante ba labarik oan sira halimar hamutuk? 3)Familia sira buka atu tulun malu no fo ba malu hanoin sira konaba oin sa hakiak no educa sira nia labarik oan sira?

Labarik oan ho tinan rua nian to’o tinan rua no fulan saanulu resin ida Oin sa labarik oan bele hatene no hama’i aan

Ema sira hôsi familia halo labarik oan halimar no sira halimar ho nia?

Iha idade ne’e, labarik oan sei hakara hela nafatin ho aman-inan. Nia hela dook karik, sente sira nia falta. Tan ba ne’e, buka sasan sira nebe sira usa no halo tuir buat nebe sira halo, wai-hira halimar halo fudik. Nia mos hahu hakara halo buat hotu mesa, ho mos buat nebe nia labele halo. Halimar halo fudik importante tan ba bele halo atu labarik oan halo hodi halimar buat nebe labele halo tebes. No, nune’e, nia hahu hatene katak nia bele halimar to’o iha nebe de’it biar nia aman-inan la iha.

Atu halimar halo fudik precisa lai nia sasan sira rasik eh sasan sira halimar nian atu hanesan ninian. Aman-inan no ema, sira hôsi família bele halo sasan sira halimar nian ba nia, hanesan boneca sira, sasan ki’ik oan sira, mesa-cadeira sira, kareta ki’ik sira, tambor. Precisa mos halimar ho labarik oan, tan ba nia hakara halimar witoan ho boot sira.

Idade ne’e, labarik oan husu naran buat hotu nian. Tan ba nia hatene ona katak buat ida-idak iha naran ida. Hatene naran buat sira ne’e tulun nia hanoin iha buat sira nebe nia la haré. Eh hanesan dehan “bola” no iha hanoin buat ne’e nia lalika haré bola.

Familia iha karik toman koalia ho labarik oan no rona buat sa maka nia hakara dehan, nia hatene koalia hetok di’ak liu, hodi usa lia fuan sira hanesan ne’e: “hare asu oan ne’e kapas, papá.”

Nia bele hatene harohan badak sira no harohan hamutuk ho aman-inan iha oras atu ha, molok atu toba, wai-hira hader. Bele mos hatene nia naran, naran aman-inan nian no nia maun alin sira nian.

Labarik oan bele ona fo atenção ba tempo liu tan. Aman-inan, avo feto-avo mane no tio, tia, bele haktuir ai-knanoik Biblia nian, revista sira nian, haktuir lia ruma hôsi ema familia nian. Lala’ok sira ne’e di’ak ba labarik oan no halo nia ma’i iha koalia no iha hanoin. Nia bele hatene buat barak iha desenho sira, retrato sira no haré liafuan sira nebe hakerek.

Labarik oan iha ona hakarak atu usa koalia seluk: desenho. Nia hatene ona katak sasan sira balu hanesan lapis, giz, fatuk rohan sira eh tijolo bele risca iha surat eh iha rai. Nia hahu risca ba mai.

Nia iha ona liman badaen atu kaer no halimar ho sasan sira nebe ki’ik no mos hela ho tempo liu iha halimar ida. Aman-inan bele fo bote no caixa sira ba nia halimar, hodi bele hanorin nia atu hatene konaba ki’ik boot, nia oin sa, cor sira no sura hira.

Labarik oan la hakara atu book nia wai-hira nia tanis, tauk eh labele halo buat ruma. Nia precisa sente katak nia hatene.

Koalia no husu atu nia haktuir tan ba sa nia neon sala eh haksolok tulun labarik oan hatene nia sentimento sira no hatene mos buat sa maka ema seluk sente. Nia hakara nafatin atu hakoak nia, re’i nia no aman-inan hako’us nia, liu-liu wai-hira moris alin mane oan eh feto oan ida.

Labarik oan hetok hakara halimar liu tan ho labarik oan sira seluk, maibe sei hadau malu hela ho sasan sira halimar nian tan ba hanoin katak buat hotu ninian. Koalia “ha’u nian”, “ha’u nian” ba buat hotu nia hirus wai-hira la hetan buat nebe nia hakara. Koalia ho nia atu buka muda nia iha nia modun ne’e di’ak liu tulun nia simu sira to’o iha nebe.

Labarik oan precisa fatin luan tanba nia book aan nafatin. Sa’e no tun hôsi sasan sira nebe badak, haksoit ho ain rua, dala ida de’it. Nia mos hakara pasiar ho família, halimar iha quintal eh iha praça ho labarik oan sira seluk.

Antenção: Preciso iha cuidado atu labarik oan labele sai mesa-mesa ba dalan wai-hira aman-inan sai ho nia, sira sei kaer iha nia liman atu labele hetan susar.

Ema sira hôsi familia hanorin, labele maka’as buat nebe labarik oan labele halo?

Labarik oan hatene ona halo buat barak no oras ne’e hakara hatudu katak nia iha hakarak rasik. Tan ba ne’e , nia dehan: “lae” ba buat sira hotu. Ninia liafuan sira hatan liu nian maka: “ha’u lakohi,” ha’u ba.” Nia mos hakara hatene husu barak, hakara book iha buat hotu no ba iha fatin hot-hotu. Ho ne’e boot sira bele lakon paciencia.

Maibe labarik oan precisa hatene nia bele to’o iha nebe no hatene katak buat balu nia labele kaer, tan ba bele namkurut, tohar eh tan ba ema seluk nian. Ema boot sei hanorin ba nia neineik no los, maibe la ho maka’as buat nebe nia bele no buat nebe nia labele halo.

Labarik oan nebe hatene ho baku mos bele hatene baku, hirus ne’e maka hahalok maka’as ida no hatudu katak ema boot lakon tiha tahan aan.

Ne’e mos lalaok maka’as ten nian; la haré di’ak labarik oan, la haré wai-hira tanis, la koalia ho nia, si’ak hodi hatauk.

Labarik oan nebe la haré di’ak, ho kbiit hola nia eh baku nia, lakon tiha fiar ema sira nian, moe dor, nonook de’it eh maka’as ten. Wai-hira labarik oan hakiak ho maka’as, hatene moris ho maka’as. Maka’as dala barak liu hasoru labarik oan halo iha uma laran no halo hôsi ema sira família nian. Dala barak maka’as ne’e mosu tan ba família moris hela iha susar laran; dal ruma tan ba labarik oan la iha tempo atu halimar eh la iha atenção ba nia.

Iha familai ida-idak, iha comunidade ida-idak, ema sira iha, uluk nana’in buka hamutuk, koalia ba malu buat sira nebe atu tulun labarik oan hôsi hahalok maka’as ten sa nian de’it. Maibe iha lia sira nebe boot, hôsi abuso sira no halo aat sira sei ba fo hatene Klibur Tulun fo Hanoin eh serviço sira seluk nebe defende labarik.

“Sei educa ó nia oan ho koalia, ho hameak no ho tulun No cuidado: se baku atu hanorin, hanorin hela atu baku.”

Ukun fuan haat ba Dame iha Família

Haré didi’ak hahan

Iha oras sira ha nian, labarik oan mos hakara hatudu katak nia iha hakarak rasik, hodi hili buat sa maka nia hakara ha. Maibe aman-inan sira sei halo labarik oan ha hahan oi-oin, hanesan, hodi ha hahan sira ne’e mos. Oras sira ha nian atu hala’o hodi hanoin. Tan ba ne’e tempo ida hakmatek nian no la iha haksesuk malu.

Labarik oan precisa hahan ida nebe iha hahan oi-oin:

• Musan, hanesan etu, ervila, koto;
• Massa, hanesan pão, macarrão;
• Modo tahan oi-oin;
• Ai-fuan sira;
• Mantolun no na’an;
• Susu ben no buat nebe halo ho susu-ben (manteiga, queijo, iagurte), iha hemu café dader nian no iha oras sira merenda nian.

Cálcio la halo hetan besi. Tan ba ne’e, di’ak liu atu susu-ben no buat hotu halo susu-ben labele fo ba labarik oan sira iha ha meu-dia no kalan nian. Nune’e labarik oan bele hetan di’ak liu besi nebe iha na’an, iha rahun sira no iha hahan sira seluk hanesan koto.

Família sira nebe iha hahan nebe halo isin di’ak wai-hira sira hatene ha didi’ak ai-han sira ne’e, hodi labele halo aat. La’os beibeik buat nebe sosa, iha liu fali nutrição hahan halo iha uma.

Hamos aan

Iha idade ne’e labarik oan sira barak iha ona nehan, sira nebe moris uluk. Oras ne’e labarik oan bele ona kose nia nehan sira. Maibe ho tulun nafatin hôsi boot ida. Bele usa pasta nehan nian, maibe labele barak, tan ba to’o tinan tolu sei dauk bele tafui pasta hotu. Pasta barak liu iha nehan. Wai-hira tolan bele halo aat nehan sira nebe permanente nebe atu moris.

Atenção:Rai didiak pasta nehan nian, tan ba iha labarik sira nebe ha pasta tomak hôsi tubu dala ida de’it.

Iha loron, labarik oan hatene ona mi no te, maibe se bele mi, iha cama ba kalan. Tan ba ne’e di’ak lori nafatin nia ba mi molok atu ba toba.

Fatin hela ba

Labarik oan hatene haré fatin nebe hela ba hodi haré tuir ema sira nebe moris ho nia. Wai-hira iha comunidade iha be nebe haré didi’ak no iha cano sira eh fossa sira di’ak iha fatin lolos atu tau foer, ladun susar halo fatin nebe ita hela ba sai di’ak ba saúde.

Governo mos precisa hanoin atu fo fatin sira nebe mos no metin nebe ema sira bele la’o, passiar no halimar. No família sira Iha knaar atu tulun atu halo di’ak nafatin fatin sira ne’e.

Preciso haré didi’ak ai-horis sira no sira nebe tulun atu iha anin mos no tahan be matan sira iha nafatin be. Labele halo be sai lerek de’it no sunu rai sira ne’e, cuidado sira nebe ita halo ho fatin sira nebe ita hela ba no sira sei depende ba ema sira no sira nia hahalok.

Ida-idak bele fo tulun iha cuidado ba fatin nebe hela ba. Ita nia cuidado ki’ik oan sira lor-loron nian halo mundo fatin ida di’ak liu ba hot-hotu.

“Hahi ba ha’u nia Na’i, ita nia feton,inan Rai nebe fo moris no ukun,No fo fuan oi-oin no ai-funan sira oi-oin no du’ut.”Francisco de Assis.

Labarik oan tinan tolu to’o tinan tolu no fulan sanulu resin ida

Oin sa labarik oan bele hatene no hama’i aan

Labarik oan halimar halo fudik?

Hetok liu tan labarik oan halimar halo-fudik no oin seluk. Halimar ida ne’e importante tebes tan ba hahu mosu preciso ida labarik oan nian: hakara atu inan-aman hela hamutuk nafatin ho nia.

Hodi halimar halo fudik, labarik oan halo tuir no koalia konaba buat nebe nia haré. Hodi halo tuir boot sira buka koalia ho sira halo buat nebe sira halo. Nune’e nia iha lala’ok no hahalok sira nebe di’ak liu nia idade nian no nia ma’i tan ba ne’e.

Halimar tulun halo fudik tulun labarik oan ma’i iha nia hanoin no mos hatene no bele hatene buat nebe fo di’ak, lisan sira hôsi nia família no hôsi ema seluk hôsi fatin nia hela ba.

Labarik oan hakara hananu knananuk sira hodi la’o hadulas no bele hatene música nebe hanorin ba nia eh nebe rona iha radio no iha uma-kreda. Nia mos hakara tebes halimar instrumento sira música nian: tambor oan hôsi kalen. kfui au, no kini-kini. Ho música labarik oan rona lian sira seluk hatene ona sa ida maka ritmo no melodia.

Nia mos precisa tempo atu pinta ho lapis, anar, fatuk cor, iha sura tahan eh iha rai. Nune’e, bele hatene kaer lapis no nia pinta hahu halo forma, hanesan bola oan eh quadrado oan.

Nia mos hakara haré surat sira ho figura no rona haktuir ema sira nian no sira le ba nia.

Hadi’a fatin, sasan sira halimar nian no sasan sira, iha loron Hala’o Hodi Hanoin Moris, fo tempo ba labarik oan halimar no halimar hamutuk ho labarik oan sira seluk.

Labarik oan iha tempo halimar nian ho labarik oan sira seluk?

Iha halimar sira ho labarik sira seluk, nia koalia ona atu fo ba malu eh empresta sasan sira halimar nian, eh hadau malu ho ne’e. halimar sira ne’e di’ak tan ba labarik oan halo tuir buat nebe sira boot halo no mos hanorin buat nebe nia hatene ona ba labarik oan ida nebe ki’ik liu nia. Hodi halimar hamutuk, labarik oan sira ma’i ba beibeik.

Labarik oan mos hatene, hetok liu tan, ho koalia. Wai-hira família koalia no nia simu ba lia husu sira nian ne’e, tulun labarik oan daudaun atu koalia di’ak liu no hatene sasan sira lor-loron nian. Iha idade ne’e, nia husu tan ba sa “hôsi buat hotu.” “Tan ba sa kalan?, “Tan ba sa sino uma kreda nian lian”?

Nia bele haré no mos husu konaba mane oan sira no feto oan sira la hanesan. “Tan ba sa mane oan mi hamriik?” “Tan ba sa feto oan la iha manu oan”? Família ida-dak sei simu tuir nia lisan sira no nia di’ak, labele bosok eh hakfodak labarik oan.

Wai-hira halimar no hola parte ho família iha serviço sira uma nian, labarik oan haré daudaun no husu daudaun konaba sasan sira. Hatene katak sasan sira bele hanesan no oin selu-seluk. Wai-hira aman-inan halo hanesan, haketak hena sira atu fase, suku, halot tiha modo-tahan, no ai-fuan sira halo di’ak husik labarik oan tulun. Nune’e nia hatene konaba ki’ik eh boot, lotuk e belar barak eh witoan no cor sira.

Lori labarik oan ba uma kreda halo parte nia educação sarani no hatudu katak nia família halo parte ba klibur ida ema sira nian nebe hamutuk hôsi fiar, no belun ba malu no tulun malu.

Família sira precisa hola anin lori oan sira ba passiar no halimar ba haré maluk no belun sira. Di’ak tebes atu labarik oan iha tempo atu rona sira nebe haktuir lia, haré comedia boneca sira nian no hola parte nebe ema hatene halo hôsi fatin nee nia moris.

Família sira precisa hola anin lori oan sira ba passiar no halimar ba haré maluk no belun sira. Di’ak tebes atu labarik oan iha tempo atu rona sira nebe haktuir lia, haré comedia boneca sira nian no hola parte iha festa sira hôsi nia comunidade. Nune’e nia bele hatene no fo valor ba buat nebe ema hatene halo hôsi fatin nebe nia moris.

“Rai tempo atu halimar no haksolok ho nia família, tan ba labarik oan hodi hatene halimar no haksolok hakbesik aan ba ema sira."

Ukun fuan tolu ba dame ba família

Hahan

Kan labarik oan nian tun beibeik iha idade ne’e. atu bele ha di’ak liu, preciso labele fo doce, biscoito, doce mer sira no sorvete molok atu ha. Bikan ida ho hahan oi-oin, la iha de’it nutrição no furak, maibe iha cor oi-oin, capaz no tulun labarik oan hakara ha liu.

Labarik oan hakara tuir aman-inan ba sosa sasan, ba ku’u modo-tahan no halo hahan. Iha tempo sira ne’e nia mos hatene ona koko hahan sira nebe maka di’ak liu.

Labarik oan ida nebe ha di’ak iha isin di’ak liu no hatene di’ak liu. Família halo hahan di’ak ida ba labarik oan wai-hira:

• Bele iha hahan oi-oin, foun no mos;
• Halo no tulun labarik oan ha;
• Hatudu hodi ha hahan oi-oin.

Bele oho eh halano no hamo’ut

Labarik oan sira hakara hatene teb-tebes, susar sira nebe mosu wai-hira sira ki’ik, liu-liu iha uma laran, ne’e precisa iha atenção liu hôsi aman-inan eh hôsi se maka haré sira. Di’ak ba lider koalia ho família konaba cuidado ruma atu labele hetan susar sira ne’e. Hanorin importante liu no koalia ba aman-inan katak labarik oan ida labele haré fali ida seluk tan ba bele hetan susar lalais liu.

Hanorin balu atu labele hetan susar sira ne’e ladun susar no bele halo lor-loron. Hanorin família atu:

• Rai sasan sira hamos nian no ai-moruk sira iha fatin nebe labarik oan labele to’o;
• Labele muda sasan sira hamos nian hôsi nia falun fatin ba fatin sira seluk hanesan botir plastico sira. Labarik oan bele foti sala;
• Wai-hira precisa ai-moruk ba labarik oan labele dehan katak furak eh midar;
• Preciso cuidado ho ai-horis sira nebe lanu.

Lider, wai-hira mosu hetan lanu ruma, sei buka kedas hospital, lori mos falun sasan ne’e nian eh buat sa maka halo nia lanu. Nune’e tratamento bele lalais no diak. Labele buka atu halo muta, tan ba hasusar labarik dada iis no fo sasukuk ba nia.

Atu labele mo’ut aman-inan sei hanorin atu sira labele husik sira nia oan wai-hira la iha boot ida atu haré nia.

Iha uma, usa liu tiha, preciso fakar kedas be hôsi balde sira no fatin sira. Tanki sira fasi hena nian, mos fo susar hanesan mota no be-kadalak sira. Tan ba ne’e preciso iha atenção tebes aman-inan nian eh ida nebe haré labarik.

Di’ak mos ba lider koalia ho família konaba bele hetan susar labarik oan nebe tolan sasan sira eh hahan kiik oan, nebe tama karik iha ate-bok, bele fo sasukuk nebe todan. Di’ak mos iha cuidado ho chomingão, pipoca sira, doce sira, musan sira, rebuçado no osan besi.

Dame hahu iha uma

esus hela iha ki’ik oan sira sorin, hôsi sira nebe heuwai, no hatau nafatin sira. Nia hasoru sira nebe hatudu aat iha labarik sira. Nia simu no fo atenção ba labarik sira, kaer sira, hafulak sira no husu: “Husik mai besik ha’u labarik oan sira. Labele hatau sira tan ba ema sira hanesan ne’e maka so’i ba reino Maromak nian.” (Mc 10, 13-16)

Jesus mos husu atu escolaante sira sai hanesan labarik oan sira atu bele tama iha reino lalehaan. Haré labarik hanesan baanaati ba boot sira.” Se maka simu hodi ha’u nia naran labarik oan sira ne’e ida, simu ne’e la’os ha’u maibe Ida nebe haruka Ha’u.” (Mc 9,37). Nia hatene katak kiak sira hatene reino liu fali doutor sira, tan ba sira nakloke atu simu ida seluk no hatene nafatin liu tan.

Labarik oan wai-hira haré ho domin no respeito hodi haré hahalok di’ak sira iha uma no iha comunidade, hama’i lalaok no valor nebe boot ba hasoru malu lolos ho ema seluk, hanesan haré malu, laran kmanek ba malu, iha respeito no hatene hala’o tuir nia knaar.

Atu tulun família sira hanorin nia labarik oan sira ba dame, la de’it Mata dalan hôsi Líder, maibe lider sira hôsi Pastoral Labarik nian sura mos ho lia hanorin sira nebe bolu “Ukun fuan sanulu ba Dame iha Família.” Lia hanorin sira ne’e hakerek iha capa Mata Dalan ne’e no fo hanoin importante sira konaba oin sa aman-inan no família sira bele halo atu hamoris fatin ida nebe iha domin no dame hadulas nia. Surat tahan oan ne’e lider sei fo no le ho família ida-idak nebe la’o tuir.

“No imi aman-inan labele halo imi nia oan sira foti lian hasoru; sei hanorin sira ho lala’ok ida simu hôsi Na’i.” Ef, 6-4

Jornal Pastoral labarik nian

Jornal Pastoral labarik nian buat ida nebe importante tebes atu hanorin nafatin lider sira. La hanorin de’it, maibe jornal fo lia foun sira hôsi comunidade no lia ulun atu estuda iha hasoru malu sira fula-fulan. Hanoin didi’ak no halo Avaliação nian.

• Jornal Pastoral Labarik nian hatudu moris Pastoral Labarik nian iha comunidade sira nebe nia halimar ba. Tan ba ne’e sei halo netik tinan ida dala ida hôsi fatin ida-idak sei haruka lia foun sira atu fo sai, lia-foun ne’e hili hôsi coordenador fatin ne’e no hôsi nia klibur

Simu jornal labarik oan nian fulan tomak ne’e direito líder ida-idak hôsi comunidade nebe haruka.

Líder, ho nia haré no knaar oi-oin, lê lia fuan foun sira hôsi Jornal ho familia sira nebe ita la’o tuir no usa sira atu halekar no hametin liu tan Pastoral labarik iha nia comunidade. Halo jornal hanesan tulun ida iha nia buka hadi’a liu tan moris no moris di’ak ida ba isin-rua sira hotu, labarik oan sira no família sira nebe nia la’o tuir.

Hamos aan

Atu iha ibun di’ak los depende hahan ida nebe di’ak no hamos moos nehan sira. Aman-inan precisa haré ibun mos labarik oan nian halo mos hodi kose nia nehan ha hotu tiha, ha tiha hahan sira nebe midar no molok toba.

Labarik oan precisa kose nehan nune’e:

• Hodi kose “dudu” hôsi leten ba kraik nehan sira hôsi leten no hôsi kraik ba nehan sira hosi kraik. Kose ne’e sei halo hanesan hôsi sorin laran no hôsi sorin liur besik hasan;
• Hamoos parte tetuk nehan sira nian hodi halo ba mai liu-liu hôsi nehan hun sira;
• Sei kose didi’ak nanal no nehan kiran sira;
• Sei cuidado lor-loron halo moos nehan sira atu labele mosu moras nebe halo moras no bubu hodi halo aat ba isin no ba moris bai-bain labarik nian.

Oras ne’e labarik oan hatene ona cuidado hamoos aan, maibe hamutuk ho aman-inan importante liu nafatin. Liman kukun sira mos precisa iha atenção precisa sira badak no moos nafatin, tan ba sira kaer karik foer bele lori micróbio sira wai-hira labarik oan ko’i aan.

Iha idade ne’e, labarik oan hatene fase ona aan no hatais mesa, nia hatene toman sira higiene nian wai-hira família halo uma moos nafatin, halo labarik oan hala’o nia higiene rasik, haré didi’ak no hahi nia wai-hira nia halo ne’e.

Labarik oan hakara halimar ho balada sira nebe nia hakara liu. Kaer sira, bele sai buat ida hanorin atu iha obrigação haré didi’ak nia balada oan. Maibe, preciso, hola cuidado ruma ho higiene balada nian no labele husik nia toba hamutuk ho labarik oan. Balada sira nebe nia hakara liu mos bele lori moras.

Halo visita ba uma Iha visita sira ne’e importante: * Koalia konaba ma’i labarik oan sira nian; * Koalia konaba hahan ida nebe oi-oin; * Koalia konaba susar sira nebe hanesan hahan lanu/mo’ut Simu ba lia husu sira hôsi Caderno Líder.

Hanoin knaar sira etapa capacitação ne’e nian Halo nafatin visita sira, fo no lê ukun-Fuan sanulu ba  damae Família nian

Etapa capacitação ba sanulu resin haat Atu haré didi’ak no halo hodi hanoin

• Buat sa maka família sira hetan hôsi Ukun-Fuan sanulu ba Dame iha Família?

Ita hanoin karik lia-tatoli ruma, harohan eh knananuk ruma konaba labarik oan nebe hala’o hodi hanoin iha loron ne’e?

Fo hanoin ida:

Hamulak São Francisco de Assis nian Na’i, halo ha’u buat ida Ó nia dame nian;

Iha nebe kuna, atu ha’u lori domin, Iha nebe tolok malu, atu ha’u lori perdão, Iha nebe haketak malu atu ha’u lori unidade, Iha nebe hanoin ru-rua, atu ha’u lori fiar, Iha nebe iha sala, atu ha’u lori lia-los, Iha nebe iha heuwai, atu ha’u lori esperança, Iha nebe iha neon sala, atu ha’u lori ksolok, Iha nebe iha nakukun, atu ha’u lori roman. Ou Mestre, halo ha’u buka liu fo ksolok, liu simu ksolok hatene ema liu fali halo ema hatene ha’u, hadomi ema liu fali ema hadomi ha’u, Tan ba hodi fo mak sei simu; Fo perdão maka sei hetan perdão; No hodi mate, maka sei moris ba moris rohan-laek.

Haré Labarik oan tinan haat to’o tinan lima no fulan sanulu resin ida 1.Familia sira hôsi ita nia comunidade hatene katak importante sira nia oan sira tama iha Pré-Escola? 2.Wai-hira iha distrito ida la iha pré-Escola ba labarik oan sira buat sa maka familia sira bele halo atu hetan ida ne’e?

Labarik oan tinan haat to’o tinan lima no fulan saanulu resin ida

Oin sa labarik oan bele hatene no bele ma’i

Iha idade ne’e labarik oan hatene halimar ona la halimar ona halo-fudik hodi la usa sasan sira halimar nian, nebe sai hanesan hatudu ki’ik ida hôsi sasan boot sira nian. Hanesan: nia koalia konaba fo hahan ba nia oan feto, nune’e nia hanoin katak ho bikan ki’ik oan ida iha liman fo ha hela ba nia boneca. Eh nune’e nia hanoin katak nia aman iha camioneta boot laran kaer iha buat kabuar ida hanesan, no hahu lori la’o.

Halimar halo fudik tulun atu hama’i hanoin labarik nian nebe oras ne’e hetan tulun iha hanoin sira no liafuan sira. Labarik oan hatene katak bele hanoin konaba buat ida hodi koalia konaba nia. Hanesan, nia koalia “kareta” no bele hanoin buat barak konaba nia no la haré kareta: nia cor sa ida, roda iha hira, oin sa lori kareta.

Hanoin no iha hanoin hetan, tulun iha hanoin sira no iha liafuan sira nebe importante tebes tan ba tulun labarik oan atu lê no hakerek.

Ema sira hôsi família iha tempo lê nian ba labarik oan?

Lê, hakerek no sura ne’e buat sira nebe importante tebes atu hatene ba ema rai ida nian. Labarik oan hahu hatene ne’e iha koalia sira, halimar sira no halo buat ruma hamutuk ho nia família. Wai-hira ema ruma lê ba nia haktuir sira hôsi Biblia, hôsi revista sira, hôsi livro sira eh hôsi surat sira hôsi maluk sira, tulun hela atu nia hatene katak buat sira nebe hakerek fo hanoin lia sira no lia-fuan foun sira. Ho ne’e nia bele hahu atu iha hakarak hatene le.

Labarik oan hakara hatene nafatin. Bele, hanesan, husu hôsi nebe mai kosok oan sira, liu-liu wai-hira nia inan eh ema ruma nebe nia hatene isin-rua. Di’ak liu simu de’it buat nebe nia husu, halo didi’ak no labele bosok.

Labarik oan hakara rona aman-inan haktuir buat sira hôsi família hôsi belun sira. Nia hakara wai-hira sira koalia buat sira nebe iha valor, hanesan sira nia serviço sira nia religião, sira nia mehi liu sira. Nune’e nia bele hatene mos atu haktuir ninia lia sira no haktuir lia sira no iha nia mehi rasik.

Ema sira hôsi familia fo valor no halo labarik oan pinta?

Labarik oan sira barak liu hakara tebes pinta. Wai-hira aman-inan fo valor ba pinta, labarik oan sente di’ak, haksolok no hakara halo hodi pinta tan.

Labarik oan la hakara pinta bei-beik buat nebe nia haré maibe buat nebe nia hatene hôsi buat sira nebe nia haré katak sá maka importante liu iha sasan sira ne’e.

Oras ne’e nia bele ona pinta halo hanesan loro, boneca sira no uma, labarik oan hatene katak, hodi pinta bele haktuir buat ruma ba ema seluk. Tan ba ne’e pinta mos tulun nia hatene lê no hakerek.

Labarik oan oras ne’e hatene koalia buat sá maka nia halo, hanoin no sente hodi usa lia fuan barak no halo liafuan sira naruk liu. Simu ba ninia lia husu sira no rona ninia hanoin sira ne’e buat ida nebe hatudu atenção no respeito ba nia.

Ema sira hôsi familia hatudu eh bolu labarik oan atu hola parte iha sira serviço?

Labarik oan hakara nafatin halo serviço balu uma nian hamutuk ho boot sira: halimar dasa rai eh fase hena, fo hahan ba balada sira. Nia hakara tebes hatene buat sa maka sira halo iha sira nia serviço. Wai-hira bele hola parte iha serviço sira hamutuk ho aman-inan no maun boot sira, nia hatene tulun sira seluk no sente aan bele no hahu hatene valor serviço nian ba ema sira.

Ho tinan lima, labarik oan hakara hola parte iha halimar sira nebe preciao halo tuir haruka. Hanesan, halimar domino-nebe bele hamutuk buat sira nebe barak hanesan; iha haksoit mapa nebe precisa hein to’o ninian no labele haksoit hodi sama iha risca. Di’ak ida boot sira halimar ho nia. Nune’e, sira bele, hatudu hanorin nia halimar di’ak hamutuk, hodi respeita malu.

Halimar ho ai-horis sira no balada sira halo labarik oan hatene iha hakarak no respeita natureza. Maibe família precisa hanorin labarik oan konaba balada sira nebe bele halo aat, hanesan samea sira, labadain sira, sakunar sira no hatudu ai-horis sira nebe halanu, atu nia bele hatene hatau aan hôsi sira.

Atenção: balada ruma tata karik labarik oan, tata fatin ne’e, sei fase tiha ho be no ho sabão no labarik oan sei hare atu hatene precisa karik simu  soro eh vacina. Nia tau karik iha ibun ai-tahan ruma nebe bele lanu precisa fase nia, ho lalais tebes, ba doutor.

Família precisa cuidado ho ema sira nebe sira la hatene iha comunidade, hodi buka hatene sira see no sira halo sá ida. Preciso hanorin ba labarik oan katak nia labele la’o tuir eh ba iha uma ema sira nian nebe nia família la hatene.

Diak família hanorin ba labarik naran fatin nebe sira hela ho naran tomak aman-inan nian. Ho ne’e, wai-hira nia lakon karik, nia la hakfodak resin no bele hatudu iha nebe hela ninia uma.

Preciso katak família hola cuidado atu labarik oan labele halimar ho ahi no labele halai ba dalan. Hodi hela mesa iha uma liur, nia bele kareta sama nia, nia bele mo’ut iha be ibun, mota, be dalan, piscina no bele mos ema bele na’ok.

Ohin loron família barak iha Timor iha televisão iha uma, labarik oan sira, hahu hôsi ki’ik kedas, haré la’os de’it ba programa sira nebe halo ba sira, maibe mos ba boot sira, ne’e la hanesan iha família ida-idak. Televisão, nune’e hun nebe labarik oan sira simu buat hotu no lala’ok ema sira nian.

Atu hatene buat nebe nia haré, labarik oan precisa hetan malu iha família, tempo sira atu koalia no halimar konaba televisão hatudu.

Seidauk hatene di’ak iha nebe televisão tulun no iha nebe halo aat ba ma’i labarik oan nian. Buat nebe hatene maka haré televisão oras barak loron ida halo aat ba labarik oan: la di’ak atu televisão hela fali iha halimar sira nia fatin no iha koalia sira ho labarik.

Fatin Hanorin Labarik Oan sira-pré escola

Labarik oan tuir pre-escola?

Hahu hôsi tinan haat bele ona importante ba labarik oan tuir pré-escola ida. Pré-escola di’ak ida sei iha hanoin oin sa hanorin labarik oin sa moris, hatene no ma’i. Bele husik mos atu nia hatene halimar hamutuk, koalia ba malu no iha respeito ba malu. Ba ne’e precisa:

• Professor sira no tecnico sira iha formação di’ak;
• Hahan di’ak, higiene di’ak no toba fatin di’ak;
• Fatin sira atu halimar iha rai luan;
• Sasan sira halimar nian oi-oin, halimar sira oi-oin, sasan sira música nian, lian, filme sira, disco sira; livro sira, nebe haktuir lia, revista sira, jornal sira;
• Sasan sira hanesan lapis, tinta, goma, kateri, sura tahan, massa atu buti, sasan sira iha rai ne’e nian, sasan aat sira.
• Halimar sira hanorin nian;
• Uma ho fatin sira nebe di’ak ba labarik oan sira hala’o sira nia knaar hanorin nian, hahan, higiene no toba fatin nian.

Pré-escola sei fo tempo atu labarik oan hola parte ho nia hanoin sira ho nia hatene sira ho labarik oan sira seluk no boot sira no hola parte serviço sira nebe lê no hakerek hala’o ba.

Wai-hira família hola parte iha knaar sira tuir bei-beik sorumutu sira no hala’o sorumutu sira ho tecnico sira pre-escola nian, ne’e nia serviço hamutuk atu educação Pré-Escola nian hala’o preciso nebe lolos labarik oan sira nian.

Pré-escola hola parte iha educação nebe hanesan abut no ne’e dever governo distrito nian.

Iha fatin sira nebe la iha pré-escola, lider sira hôsi Pastoral Labarik no ukun na’in sira seluk hôsi comunidade, hamutuk ho família sira bele halo atu hetan ho governo distrito nian atendimento ida, nebe importante atu halao apredizagem ba ma’i labarik oan sira nian.

Wai-hira moris iha fatin ida nebe di’ak ba nia ma’i, labarik oan bele ma’i tan ba hola parte iha knaar sira nebe halo hamutuk ho ema sira nebe nia hakara no sira nebe hakara nia. Ne’e knaar sira lor-loron nian no iha fatin nebe nia hela ba. Tan ba ne’e, di’ak no importante ba nia moris.

Labarik oan moris karik iha foho, iha liu tempo atu hatene haré balada sira, sa’e kuda. Nia moris karik iha kota, hatene liu halo moris televisão, la’o ho microlete. Labarik oan, moris karik iha família ida nebe iha fiar hatene hadomi no hamtauk Maromak no nia maluk sira.

Labarik oan ida-idak sei hatene, nia modun oin sá no nia tempo, ne’e maka ema sira hanorin ba nia. Wai-hira labarik oan badinas no hetan tulun hôsi ema boot no hôsi labarik oan sira seluk nebe boot liu atu halo buat nebe nia seidauk hatene halo, nia bele hatene. Labarik oan labele ma’i mes-mesa.

“Ha’u nia oan rona ha’u nia lia fuan no see tilun ba ha’u Nia lia hakotu sira. Atu sira labele hadook aan hôsi ó nia matan sira: maibe oin seluk, Rai sira iha ó nia fuan laran.” Pr 4,20-21

Labarik oan sira nebe sira nia orgaanismo serviço la hanesan

Wai-hira tuir família sira, ita líder, bele hetan mos labarik oan sira nebe sira nia organismo serviço la hanesan. Hanesan sira bele haré la moos, la rona, la koalia eh labele dolar. Ita bele hetan mos labarik oan sira nebe bele hatudu moras ruma nebe boot, hanesan cancro, ran midar.

Atu oin sa sa labarik oan sira hotu iha preciso hanesan: domin koalia ba malu, halimar, bele hatene. Tan ba ne’e ema sira nebe haré sira sei precisa hetan oin sa hatan ba preciso labarik oan sira ne’e nian.

Ita, lider, bele tulun hetan iha comunidade ema sira nebe bele lori família sira no bele karik, to’o hala’o serviço ida nebe oin seluk. Wai-hira hallo lalais liu, di’ak liu ba labarik oan ne’e. maibe atendimento di’ak liu labele troca domin no acolhamento família nian.

Família hôsi labarik oan ida nian ho moras boot eh ho nia organismo serviço la hanesan, família susar atu haré nia. Lider, ita bele tulun aman-inan no família sira tulun sira atu simu no hadomi labarik oan hanesan nia oin sá, halo sira hakiak fatin sira no tempo sira di’ak ba labarik.

Wai-hira familia ida simu labarik oan ida ho buat ruma la di’ak iha nia organismo hanesan ne’e, nia labele haré los de’it ba buat nebe labarik oan labele halo, maibe mos ba buat sa nia bele halo. Hanesan, bele labarik oan la koalia, maibe bele hatudu. Iha ne’e, importante haré konaba precisa oin sa labarik oan koalia.

Nune’e mos labarik oan ida nebe iha cama tan ba moras boot bele halo ho nia halimar wai-hira ema sira halimar ho nia iha cama.

Aman-inan no família sira sei halo serviço sira uma laran nian atu hakiak oin sa hatama labarik oan, iha serviço sira ne’e: oras hari’is nian, troca neras, fo hahan no fase hena hodi labele haluha buat ruma nebe ita haré iha labarik oan halo ho nia no halo iha nia fatin.

Maibe ne’e de’it la to’o. Família precisa hakara tebes koalia ho labarik oan. La’os de’it serviço sira uma nian lor-loron, precisa mos hatama nia iha serviço sira hotu social nian hôsi família; hanesan, sai ba sosa sasan, ba iha uma kreda, iha dança no festa sira. Iha programa sira ne’e precisa halo labarik oan hola parte maibe, liu-liu halo ema seluk bolu beibeik labarik atu hola parte iha knaar sira halo nia hakara hasoru ema seluk atu halo buat sira nebe nia hakara no sente katak nia tama iha klibur. Wai-hira ita, lider, hanorin ne’e, halo serviço hamutuk hela atu labele haketak tiha labarik oan.

Buat sa maka la di’ak ba labarik oan ida maka hadook tiha nia hôsi moris hamutuk ho nia familia, hôsi labarik oan sira seluk no hôsi ema sira hôsi fatin nebe nia hela ba

TINAN 2…… Fulan konaba dados sira →	Janeiro	Fevereiro
5. Idade labarik oan nian halo iha fulan ne’e (idade labarik oan iha fulan ida	Fulan 2		Fulan 3
6. Ita ba haré ona labarik oan iha fulan ne’e	S	S
Labarik oan susu inan	S	S
7. Labarik oan tetu iha fulan ne’e? tau todan	4,900	5,700
8. Labarik oan hetan todan tan iha fulan ne’e	S	S
9. Labarik ha iha nutrição (iha curva rua nia okos -2)	L	L
10. Labarik oan todan liu? (curva nia leten +2)	L	L
11 Labarik oan kabun moras iha fulan ne’e	L	L
12. Labarik oan kabun moras simu soro no inan fo han ho kbiit wai-hira nia kabun moras	-	-
13. Indicador sá tempo no manan nian hetan iha fulan ne’e
14. Indicador sira hôsi lia husu 13 hatudu la di’ak ba ma’i labarik oan nian (la hetan indicador ida)?	L	L
15. Indicador sira hotu tempo no manan nian hetan hotu	L	L
Wai-hira labarik oan hetan moras iha fulan ne’e,hakerek moras	-	-
16. Labarik oan lori ba serviço saúde? (ba vacina, consulta bai-bain eh tan ba nia moras)	S	L
17. Labarik oan lori ba serviço saude nian simu di’ak	S	-
18. Labarik oan hetan vacina tomak ba nia idade?	S	S
19. Isin-rua fulan hira ko’us?

Konaba indicador sira tempo no manan sira nian, mos sei haré didi’ak konaba sira la hanesan. Hanesan, wai-hira labarik oan ida matan aat eh lakon tiha haré, indicador sira nebe kona los kedas ba labele haré nian labele hetan. Iha ne’e líder sei simu bei-beik [L] (lae) ba indicador sira manan nian nebe mai hôsi haré.

Labarik oan nebe bele hatudu mos buat ruma la hanesan iha modun la’o nian hanesan ba labarik oan sira seluk. Nune’e nia mos bele hetan indicador sira seluk iha idade ne’e no halo oin seluk hôsi labarik oan sira seluk iha matan aat. Ne’e mosu tan ba orgão sira no sira serviço hôsi ita nia isin precisa malu. Labarik oan ida nebe matan aat bele hatene la’o, book no usa sasan sira oin seluk la hanesan ida nebe haré la moos.

Indicador sira importante tebes tan ba fo dalan atu tulun iha halo lalais ma’i labarik oan nian. Maibe, nudar indicador naran ida, sira bele to’o de’it iha bele to’o, sira labele halo buat hotu. Imi lider sira sei hetan di’ak liu oin sa koalia konaba indicador sira no tulun família sira iha situação especial hôsi labarik oan sira ne’e. Tulun sira ne’e ida maka haré los de’it buat ida. Coordenadora iha fatin ne’e bele tulun sira iha ne’e.

Ema barak dehan katak sira la preparado atu tama ho labarik oan sira nebe hatudu sira nia organismo la hanesan. Maibe, atu halo hatene ne’e mosu wai-hira aman-inan no família sira buka hetan no koko oin sa di’ak liu hamutuk no tulun labarik oan atu nia bele ma’i, ne’e desafio ida. No, atu hasoru desafio ne’e di’ak liu ba aman-inan hatene bele sura ho tulun hôsi ema seluk sira, hanesan ita, lider.

Knaar ema hotu nebe serviço iha Pastoral Labarik fo valor ba família sira atu sira hatene katak sira iha kbiit atu haré no hanorinsira nia oan. Preciso, molok ne’e, buka hatene família ida-idak fo valor ba nia serviço sira hale’an nia hatene sira konaba haré no hanorin ninia labarik oan sira, hodi buka tulun sira wai-hira sira precisa. Ne’e haklaken lolos Domin!

Hahan

Haré didi’ak hahan sei halo nafatin iha ma’i labarik oan nian. Ba ne’e, importante atu família ha di’ak, tan ba labarik oan sei ha buat nebe aman-inan ha.

Hahan mos halo parte hanorin labarik oan, no nia moris hetan liu tan ksolok no isin di’ak, wai-hira nia hatene ha iha oras sira ha nian, no labele husik hahan iha bikaan, fahe hahan, nata halo didi’ak ha ai-fuan sira. Ne’e hotu nia bele hatene hamutuk ho nia família.

Labarik oan sira bele hola parte iha halo hahan hodi tulun serviço sira nebe la susar no la halo aat, hanesan fase modo-tahan, ku’u tempero oan ruma iha to’os eh tulun hili ai-fuan ruma iha basar. Nune’e, sira hatene liu tan konaba hahan sira rain ne’e nian iha nebe família hela ba no hatene hakara hahan sira nebe halo isin di’ak.

Atu hanorin halo hahan di’ak, hala’o serviço sira ne’e ruma bele tulun, hanesan:

• Koalia iha visita sira konaba oin sa importante no hanorin halo oras ba ha nian, maibe labele ho maka’as atu halo fali oras sira nebe di’ak sai fali hun hirus nian la hakmatek nian.
• Fo hanoin katak hahan di’ak, mos furak liu wai-hira halo di’ak no fo ho hameak;
• Halo bikan oi-oin ne’e dada atenção labarik oan sira nia no hamosu kan;
• Hanorin inan atu labele para iha ba dala uluk “ha’u la hakara ne’e” eh labarik oan halo oin aat. La hirus no hakara halo lala’ok ida di’ak tebes iha hanorin konaba hahan. Labarik oan iha direito tomak atu la simu, nune’e hanesan koko fila fali;
• Fo hanoin katak la preciso tau tan masi-midar iha ai-fuan ben sira, susu-ben no cha. Furak nebe labarik oan sente iha nanal la hanesan ho boot sira nian;
• Ba inan sira nebe oan sira precisa dieta, hanorin konaba oin sa, halo di’ak koalia ho labarik oan hahan nebe sei ha no koalia ho nia konaba tan ba sa nia labele ha hahan balu no ha balu liu fali balu.

Lider, sei halo atu familia ida-idak usa fatin ki’ik ruma hôsi nia quintal atu kuda tempero sira no modo tahan sira

Program Fo Vida Ba Moris

Programa fo Vida ba Moris di’ak tebes iha lia haktuir Pastoral Labarik nian. Programa ne’e semana ida dala ida no halo iha minutu sanulu resin lima nia laran, nebe iha ona. sei fo sai hôsi Pastoral Labarik nian hôsi radio hotu nebe iha.

Fo viva ba moris ne’e ba família sira liu-liu ba inan sira ba lider sira Pastoral labarik nian. Fo viva ba moris fo sai lia sira konaba serviço sira nebe abut ba saúde, nutrição, educação, direito ema ida-idak nian hodi hola parte iha haré hanesan iha comunidade politica ba ema hotu. Iha radio mos bele fo sai programa ida fo Viva ba Moris. Programa fo viva ba moris halo maski dook tebes ema rihun barak bele hetan informação hodi loke radio sira nebe hela besik liu no hodi hola parte boot liu hôsi comunidade no hadi’a liu oin sa moris comunidade sira.

Líder, sei rona no halekar programa fo Viva ba Moris

Sei buka hatene radio sira nebe iha nia rai nebe fo sai programa ne’e iha oras sá. Halo comunidade sira loke radio no hola parte hôsi programa iha fatin ne’e. ita usa mos CD sira ho programa sira ne’e, rona sira iha hasoru malu sira comunidade nian, iha loron halo hodi hanoin Moris nian, no koalia tema sira nebe apresenta. Sei Halo fo Viva ba Moris buat ida nebe di’ak, atu haburas nia knaar iha Pastoral Labarik nian.

Vacina sira

Iha idade ne’e labarik oan simu:

• Fo tan vacina Tríplice Bacteriana (DTP), nebe tahan hasoru tetano, difteria no me’ar nebe bele da’et eh me’ar naruk;
• Fo tan vacina Tríplice Viral (VTV), nebe tahan hasoru sarampo, papeira, variola.

Dose sira nebe fo tan importante tebes atu bele tahan tebes hasoru moras.

Visita ba Uma Iha visita sira ne’e importante: * Koalia konaba ma’i labarik oan sira nian; * Buka halo hahan ida nebe oi-oin; * Koalia oin sa labele hetan susar sira Simu ba lia husu hôsi Caderno Lider nian

Hanoin knaar nian hôsi etapa capacitação ne’e Halekar ba familia hôsi ita nia omunidade oras programa radio semana nian Fo Viva Ba Moris, hôsi Pastoral Labarik

Etapa ba dala sanulu resin lima capacitação nian

Harohan hôsi Lider Pastoral Labarik nian Ha’u iha ne’e, Na’i tan ba Ó bolu ha’u atu hala’o serviço todan maibe capaz knaar hôsi líder comunidade hôsi Pastoral Labarik nian iha uma kreda, iha comunidade sira, iha familia sira, besik liu ba ida nebe precisa liu atenção, domin, hameak, simu no hakara moris. Na’i, Ó fiar iha ha’u knar atu haklaken Ó liafuan moris nian no fo sai sinal sira mate nian, fo sasin ho ha’u  nia mate rasik valor sira evangelo nian, atu “hotu hetan moris no hetan nia halo wa’in.” Boot tebes ha’u nia knaar, maibe ha’u fiar iha graça hôsi ida nebe hili ha’u no fiar ha’u. Haraik benção, Na’i, ba ha’u nia liman sira, ha’u nia ain sira, ha’u nia matan sira no ha’u nia sentido sira hotu. Hatudu iha ha’u Ó nia domin nian, Ó nia paciência Ó nia laran di’ak nian, Ó nia haraik an no laran sadi’a, atu ha’u bele hatene hakat liu tiha buat sira nebe mosu, hôsi hahalok ema sira nian, no Ó sei hetan iha inan ida-idak, iha labarik oan ida-idak  iha familia, iha comunidade no iha  ema moris nebe laiha atu heli aan ba nebe hakilar atu moris tan. Lia-los no moris hanesan ema. La’o ho ami, Na’i, atu ami bele halo Pastoral labarik nian hanoin ida nebe moris no hela nafatin hôsi Ó nia futar oin no knaar hamutuk ho labarik oan sira, ba kiak sira nebe precisa liu. Amen.

Knaar

Pastoral Labarik nian

La’o hamutuk ho jesus

Hodi hahu ita nia capacitação ne’e sei hanoin konaba buat nebe ita haré iha ita nia rain no ita haré katak la’os buat hotu la’o tuir buat nebe Maromak hakara.

Ita hamutuk sei haré didi’ak konaba buat nebe ita husu atu halo hôsi Pastoral labarik nian hodi hasoru desafio soi moris no bele halo ambiente ida di’ak ba ma’i labarik oan sira hotu nian, liu-liu família sira nebe kiak liu.

Ema ida-idak nebe hola parte iha capacitação ne’e tama ona iha família boot Pastoral Labarik nian.

Oin sa ida ne mosu?

Ema ida tama ba familai Pastoral Labarik nian wai-hira hala’o nia fiar no ba hasoru labarik oan sira no isin-rua sira hôsi nia comunidade. Nudar dehan São Tiago “Maun alin sira, manan sa ida ema ida nebe dehan katak iha fiar maibe la hala’o? Imi bele haré, tan ba ema ruma di’ak eh aat haré hôsi buat nebe nia halo no la hôsi de’it fiar” (Tg 2,14,24)

Hahu capacitação ita ba hasoru isin-rua sira. Ho sira ita bele hatene no mos hola parte iha buat nebe ita haré ona iha capacitação. No nune’e hala’o nafatin ita nia capacitação, hodi hamutuk beibeik Fiar no Moris hodi tuir Jesus.

Maibe la di’ak katak líder serviço mesa, hanesan Jesus “bolu sira na’in sanulu resin rua, hahu haruka sira rua-rua.” (Mc 6,7)

Rua-rua hatudu katak knaar serviço ida nebe halo hamutuk no katak sira nebe tuir Jesus sei tulun malu iha sira nia knaar sira. Iha Pastoral Labarik nian, Lider ida-idak sei buka ema ida nebe tulun nia iha comunidade atu halo tuir nia knaar atu hala’o hamutuk ba família sira.

Hela ho Jesus

Jesus harii klibur apostolo na’in sanulu resin rua “atu hela ho nia no atu haruka sira ba haklaken Liafuan Foun, ho kbiit, duni sai diabo sira” (Mc 3,14-15)

Hela ho Jesus katak hamutuk ho Nia, hakotu ho Nia no ho Nia hanoin konaba moris ba hot-hotu.

Haklaken katak Fo Sai Liafuan Foun Jesus nian; nia hi’it aan mai lori moris lolos ba ema hot-hotu. Iha Pastoral Labarik nian ita fo sai liafuan foun hodi tulun isin-rua sira no família sira atu hatene sira nia moris di’ak hanesan Maromak nia oan sira. Wai-hira ita halo dadaun oin sa moris di’ak ba labarik oan sira bele ma’i, sira hetan daudaun moris di’ak lolos no hala’o Jesus nia hakarak.

Iha Biblia liafuan sira duni sai diabo katak hasai ema sira hôsi aat tomak; ne’e katak tulun sira hanoin sira nia aan rasik. Iha Pastoral labarik nian, ita tulun família sira hanoin no halo hetok liu tan ba sira rasik no hatene katak sira bele hafoun sira nia comunidade.

Desafio sira nebe hasoru iha hala’o knaar

Jesus hatene susar sira nebe iha apostolo sira iha atu hatene nia hakarak, nia knaar. Evangelo Marcos nian haktuir lia tiha milagre pão nian katak escolaante sira “la hatene liu buat ida konaba pão sira. Sira nia fuan la hatene nafatin” (Mc 6,52).

Sei iha Evangelo Marcos nian ita haré katak eskolaante sira; la hatene Jesus ne see,la hatene nia knaar, la hatene nia lala’ok foun no sei haksesuk malu atu haré sira ne’e see maka sei boot liu.

Iha tempo sira nebe liafuan sira Jesus Nian hetan hasoru Ida nebe maka’as. Escolante barak dehan: “liafuan ne’e maka’as. See maka bele rona Nia?...hahu hôsi tempo neba, escolante barak husik tiha nia la la’o tan ho Nia. (Jo 6,60.66).

Maibe problema sira hotu Jesus ho nia escolante sira, la hatudu hanesan oin sa boot sira. Husik tiha Nia iha temp, Nia terus no mate: ita hatene oin sa Pedro heli Cristo dala tolu (Lc 22,61)

Liu tiha nia hasa’e aan Jesus mosu ba Nia escolaante sira no “hateten sira tan ba sira la iha fiar no tan ba fuan toos, tanba sira la fiar katak haré nia moris hi’as” (Mc 16,14).

Iha tempo balu, ita bele iha babeur hanesan escolante sira nian; husik tuir Jesus tanba susar tebes hala’o Nia hakarak. Iha tempo sira nebe hanoin la to’o no fahe malu. Iha tempo sira ne’e ita precisa hanoin no koalia konaba tan ba sá hanoin la to’o.

Barak bele sente la metin atu hala’o serviço no haré katak nia kbiit sira la to’o. Balu bele hanoin la to’o tan ba serviço iha comunidade la la’o ba oin no lider sira barak husik ona hala’o. No iha ne’e sira bele hetan babeur atu husik Jesus; iha karik oras ida nebe Nia ho lider sira seluk precisa liu tan.

Sei bele mos hanoin la to’o iha lider sira tan ba sira halo serviço hodi la hatene Maromak haré hela, hanesan escolaante sira la hatene oin sa knaar Jesus Nian hanesan Messias.

Oin sa ita bele manan desafio sira ne’e? iha nebe Ita bele rai ita nia kbiit ba ne’e?

Kbiit nebe ma’i hôsi leten aas ba

Iha Pastoral Labarik nian kbiit ba ita nia la’o mai liu-liu, hôsi Espírito Sarani nian. Iha abut ba:

• Fiar iha Maromak mesak ida de’it no sira na’in tolu eh katak iha Maromak Padre, iha Nia Oan Jesus, Maksoi no soi ita, no iha Espirito Santo;
• Iha hola parte nafatin iha Kreda família Maromak oan sira nian;
• Hala’o hela nafatin atu soi ema no tuir Jesus Cristo.

Espirito nebe hamutuk halo no harohan, fiar no moris, iha serviço pastoral tulun ita atu hatene kmanek sira Maromak Nian nebe halo iha ita leet. Ita bele hahi no agradece ba Maromak ho harohan, knananuk sira, hananu sira no mos ho manan sira iha serviço Caridade Sarani nian.

Maromak ha’e domin, iha Nia ita hetan kbiit atu la’o nafatin!

Hanesan escolante sira, ita barak labele sente hatene lolos atu hala’o hamutuk ho família sira iha ita nia comunidade atu hala’o knaar lori moris lolos ba hot-hotu. Maibe preciso hatene lolos Jesus iha ema di’ak sira leet nebe hakara hala’o nafatin Nia hakara sira. Jesus hamutuk ho ita, hanesan Nia hamutuk ho Nia escolaante sira iha tempo sira nebe nia ho sira (Cf, Mc 16,20)

Kbiit nebe mai hôsi maun alin

Halo ha’e hatene, iha Visita ba Uma, iha Loron Hala’o hodi Hanoin Moris no iha Sorumutu sira atu Hanoin no halo Avaliação hetok ita hatene liu tan.

Wai-hira ita halo serviço sira ne’e no hanorin nafatin, eh katak, hale’an no hafoun hatene sira, fo ba malu serviço nebe ita hatene ona konaba oin sa família sira, hetok ita fiar liu aan no hatene di’ak liu. Nune’e ita iha liu tempo buka hatene oin sa bele tulun halo di’ak ba família sira, tan ba buat nebe ita hetan koko tebes ita no buka hafoun aan nafatin iha hanoin sira. Halo no hetan hanorin tulun atu ita bele halo liu no ksolok.

Hetan hanorin bei-beik ne’e direito ida líder sira nian. Hanorin ne’e mosu liu-liu hôsi coordenador sira nian. Sei hôsi sira nebe fo capacitação, hôsi Jornal Pastoral Labarik nian no hôsi programa radio fo Viva ba Moris.

Nune’e serviço Pastoral labarik nian halo dadaun iha comunidade ida-idak, kadai ida ba ema sira hotu nebe tama iha nia laran: líder sira, família sira, coordenador sira, capacitador sira. Sira hotu hamutuk halo rede comunidade tulun nian, tulun malu no hadomi maluk sira.

Halo tiha hanesan ne’e rede tulun malu nian?

Klibur Nebe Hala’o Pastoral Labarik

Pastoral Labarik nian ne’e orgaanismo hôsi acção Sosial Conferencia Nacional Bispo sira nian. Pastoral Labarik nian, tama iha Comissão Episcopal ba Serviço caridade nian, lia los nian no dame nian.

Knaar Pastoral Labarik nian hala’o nafatin hakara Jesus nian nebe ho Nia presença transformadora iha ita leet, fo sai esperança hôsi mundo ida nu’u ema liu no haré malu: “Ha’u mai atu imi hotu iha moris no iha barak” (Jo10,10).

Tuir nia Estatutu Pastoral Labarik nian iha nia hakarak hetan halo di’ak ba ma’i labarik oan sira nian hahu ko’us no halo serviço ba sira, halo di’ak mos sira nia família no comunidade.

Nune’e knaar Pastoral Labarik nian hanesan Jesus nian, nebe mos knaar Kreda nian, sarani sira hotu nian no mos ema sira nebe hakara la’o ho nia tulun sai los moris ida nebe di’ak liu ba labarik oan barak no família sira Timor Leste nian.

Pastoral Labarik nian iha Distrito sira hotu Timor Leste nian no atu hala’o nia serviço harii iha fatin oi-oin coordenação nian kaer iha estrutura Kreda Católica nian, harii hôsi diocese sira, paróquia sira no comunidade sira.

Ita sei haré coordenação sira ne’e sá ida?

• Coordenação Comunidade nian, hala’o hôsi Lider comunidade nian ida;
• Coordenação Ramo nian, responsavel hôsi comunidade sira oi-oin hôsi paróquia ida, iha pároquia boot sira bele iha ramo rua eh liu tan;
• Coordenação Sector nian responsavel ba ramo sira oi-oin; hamutuk nafatin ba diocese ida. Iha diocese sira nebe boot bele iha sector ida eh liu tan;
• Coordenação Distrital nian, responsavel hôsi sector oi-oin Pastoral Labarik nian;
• Coordenação Nacional, harii atu fo tulun ba serviço Pastoral Labarik nian iha Timor Leste tomak.

Igreja Caatolica iha ema ida nebe responsavel ba Pastoral Labarik nian iha fatin ida-idak coordenação nian. Iha coordenação comunidade nian no iha coordenação ramo nian maka amo pároco nebe iha comunidade sira ho Pastoral labarik nian; iha coordenação sector nian responsavel maka bispo Diocese nian, iha coordenação Distrital, responsavel maka bispo sira ida; iha coordenação Nacional Bispo ida bolu Director Pastoral.

Coordenador sira hôsi fatin ida-idak no Director Pastoral hili hôsi naran tolu hôsi sira ida. Ema nebe responsavel ba Pastoral Labarik nian iha fatin ida-idak coordenação nian, hili hôsi naran ida hôsi surat nebe iha naran ema na’in tolu atu sai coordenador.

Coordenador sira hôsi comunidade nian hatudu naran ba coordenador ramo nian; coordenador sira ramo nian ba coordenador sector sira; coordenador sira sector nian hatudu naran ba coordenador distrital; sira ne’e tama iha Assembleia Geral Pastoral Labarik nian nebe hili Conselho Director Pastoral Labarik nian. Precidente Conselho Director maka hili coordenador nacional.

Coordenador Pastoral Labarik nian serviço ida hanesan los Jesus hanorin ita, wai-hira koalia ba nia escolante sira: “imi hatene katak sira nebe ema foti sira hanesan ulun nação sira nian hodi ukun, no sira nia boot sira nebe halo sira hetan kbiit. Iha imi labele hanesan ne’e. See maka hakara boot liu hôsi imi leet ida nebe maka serbi imi, no ida nebe hakara hela iha uluk liu iha imi leet sei sai imi hotu nia atan.” (Mc 10,42-44)

Lider sira, ho sira nia serviço, imi hamutuk ho ema sira hotu nebe serviço ona iha Pastoral Labarik nian. Nune’e haburas fini nebe kari iha tinan 2…..no sai tiha iha ai-hun boot ida.

Iha ai-hun ne’e, abut nebe fo moris nia maka hamutuk fiar no moris; ai-knotak halo hôsi Acções Básicas sira Saúde nian, Educação nian, Nutrição no Cidadania; sanak sira maka Acções sira nebe completa no accão sira atu bele hili; nia fuan buat sira nebe hetan hôsi comunidade sira.

ACÇÃO BÁSILAS SAÚDE NUTRIÇÃO EDUCAÇÃO CIDADANIA

“….abut santo karik, sanak sira mos sei saanto…..sei hanoin ho laran katak la os ó ha’e fo ha abut, maibe abut ha’e sei fo ha ó Rm 11, 16.18

Lider, ita remata ona ita nia capacitação iha Mata Dalan Lider nian. Ita ema ida nebe oin seluk, hili atu halo serviço ida nebe iha lia hakotu, hakara halo no iha domin ida boot ba maluk. Maibe, ita no líder sira seluk hôsi ita nia comunidade ita la mesa de’it. Ita tama ona oras ne’e iha rede boot domin nian, haré malu nian hanesan iha nação laran no dame Pastoral Labarik nian!

Imi escolante sira Jesus Nian, tan ba imi simu Nia liafuan, nu’u ema tuir Nia hakara.

Hala’o hôsi hot-hotu iha Pastoral Labarik nian no liu-liu hôsi imi, lider sira, ne’e hili ida hala’o nafatin ba moris lolos labarik oan nian no isin-rua sira nian.

“Sira hahi ona Maromak no povo hotu hakara ona sira. No, lor-loron, Na’i tau tan hamutuk iha ema sira nebe hetan ona maksoin.” Aat 2,47

Halo hodi Hanoin Haruka ba

Iha Pastoral labarik nian ita halo hodi hanoin Jesus iha ita leet iha sacramento sira, iha fo sai liafuan, iha serviço caridade maun alin nian ba maun alin no inan-feton. Ita halo hodi hanoin nia liafuan nebe to’o mai ita hôsi Biblia, hôsi harohan no halo serviço hamutuk ho labarik oan sira isin-rua sira no família sira.

Halo Hodi Hanoin hanesan loro nebe lekar roman no esperança hodi roman no halo badinas ba sira hotu nebe hamutuk iha knaar ida: “Ha’u mai atu imi hotu hetan moris no hetan barak”. (Jo10,10)

Hanoin atu halo foun hôsi klibur ida-idak nebe hamutuk atu halo hodi hanoin Fiar nian ne’e bele hafoun lor-loron fo nafatin fuan foun, dame, lialos, haré malu no caridade ba maun alin sira iha koalia ho hot-hotu.

Ita nebe Lider Pastoral Labarik nian ho ita nia hatene no berani atu halo ne’e haruka ba atu tulun labarik oan sira no familia sira iha ita nia comunidade.

Hamutuk inan ho aman sira no ema sira seluk nebe ho hakarak di’ak bele muda, ba di’ak liu, moris labarik oan sira nian no isin-rua sira Timor Leste nian.

Imi sira nebe lider Pastoral Labarik nian, iha valor boot, iha ema sira nia oin no iha Maromak nia Futar oin!

“Rona, nune’e, Na’i nia lia nebe dehan: Ba seeHa’u sei haruka? See, sei ba hôsi ita?’Ha’u simu: ‘Ha’u maka ne’e. Haruka ha’u ba’.” Is 6,8

Hanoin Knar Hôsi Etapa Capacitação Ida Ne’e Halo ho ita nia Comunidade halo hodi hanoin haruka ida, tuir moris lolos lider nia capacitação ida ne’e'